- Home
- Cinema
- பா.இரஞ்சித்தின் தங்கலான் படத்துக்காக ஆளே அடையாளம் தெரியாமல் மாறிப்போன விக்ரம் - வைரலாகும் நியூ லுக் போட்டோஸ்
பா.இரஞ்சித்தின் தங்கலான் படத்துக்காக ஆளே அடையாளம் தெரியாமல் மாறிப்போன விக்ரம் - வைரலாகும் நியூ லுக் போட்டோஸ்
தங்கலான் படத்துக்காக நீண்ட, அடர்த்தியான தாடியுடன் இருக்கும் நடிகர் விக்ரமின் நியூ லுக் புகைப்படங்கள் வெளியாகி வைரலாகி வருகின்றன.

தமிழ் சினிமாவில் கடந்த சில ஆண்டுகளாக தொடர்ந்து தோல்வியை சந்தித்து வந்த நடிகர் விக்ரமிற்கு திருப்புமுனையாக அமைந்த படம் பொன்னியின் செல்வன். மணிரத்னம் இயக்கிய இப்படத்தில் ஆதித்த கரிகாலனாக நடித்து அசத்தி இருந்தார். இப்படத்தின் வெற்றிக்கு பின்னர் இயக்குனர் பா.இரஞ்சித் உடன் கூட்டணி அமைத்துள்ளார் விக்ரம்.
இவர்கள் கூட்டணியில் தற்போது தங்கலான் திரைப்படம் தயாராகி வருகிறது. ஸ்டூடியோ கிரீன் கே.இ.ஞானவேல் ராஜா தயாரிக்கும் இப்படத்தில் நடிகைகள் பார்வதி, மாளவிகா மோகனன் மற்றும் நடிகர் பசுபதி ஆகியோர் முக்கிய கதாபாத்திரத்தில் நடிக்கின்றனர். கே.ஜி.எஃப் உருவான கதையை மையமாக வைத்து இப்படம் தயாராகி வருகிறது.
இதையும் படியுங்கள்... ரத்தன் டாட்டா வாழ்க்கை வரலாறு படத்தை இயக்கும் சுதா கொங்கரா? ஹீரோ இவர்கள் இருவரின் ஒருவர் தான்! கசிந்தது தகவல்.
தங்கலான் படத்தின் ஷூட்டிங் தற்போது விறுவிறுப்பாக நடைபெற்று வருகிறது. தீபாவளியன்று இப்படத்தின் கிளிம்ப்ஸ் வீடியோ வெளியாகி பலரையும் ஆச்சர்யப்படுத்தியது. இந்நிலையில், தங்கலான் படத்துக்காக நடிகர் சீயான் விக்ரம், வித்தியாசமான கெட் அப்பில் இருக்கும் புகைப்படங்கள் சிலவற்றை தனது டுவிட்டர் பக்கத்தில் பகிர்ந்துள்ளார்.
நீண்ட, அடர்த்தியான தாடியுடன் இருக்கும் விக்ரமின் நியூ லுக் புகைப்படங்களை பார்த்த ரசிகர்கள் சூப்பராக இருப்பதாக கமெண்ட் செய்து வருகின்றனர். பா.இரஞ்சித்தும் நடிகர் விக்ரமும் இணைந்து பணியாற்றுவது இதுவே முதன்முறை. இவர்கள் கூட்டணியில் உருவாகும் தங்கலான் படத்துக்கு ஜிவி பிரகாஷ் குமார் இசையமைக்கிறார்.
இதையும் படியுங்கள்... 'கைதி 2' படத்தில் அடுத்த ரோலக்ஸ் ரேஞ்சுக்கு வில்லனாகும் முன்னணி ஹீரோவா? பக்கா பிளான் போட்ட லோகேஷ் கனகராஜ் !
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.