Chiranjeevi Movie First Day Box Office Collections: பாக்ஸ் ஆபீஸில் மெகா வேட்டை.! முதல் நாளிலேயே ரூ. 70 கோடியை கடந்த சிரஞ்சீவி!

மெகா ஸ்டார் சிரஞ்சீவி நடிப்பில் வெளியான 'மன ஷங்கர வர பிரசாத் காரு' திரைப்படம் முதல் நாளிலேயே உலகளவில் ரூ. 84 கோடிக்கும் மேல் வசூல் செய்து சாதனை படைத்துள்ளது. இந்த இமாலய வசூல் சிரஞ்சீவியின் பாக்ஸ் ஆபீஸ் பலத்தை மீண்டும் நிரூபித்துள்ளது.

Image Credit : Film Scene

உண்மையான மாஸ் இதுதான்.!

தெலுங்கு திரையுலகின் முன்னணி நட்சத்திரமான மெகா ஸ்டார் சிரஞ்சீவி நடிப்பில், கமர்ஷியல் படங்களின் நாயகன் அனில் ரவிப்புடி இயக்கத்தில் பெரும் எதிர்பார்ப்புக்கு மத்தியில் வெளியான திரைப்படம் 'மன ஷங்கர வர பிரசாத் காரு'. லேடி சூப்பர் ஸ்டார் நயன்தாரா கதாநாயகியாக நடிக்க, நடிகர் வெங்கடேஷ் ஒரு முக்கிய கதாபாத்திரத்தில் தோன்றியிருப்பது படத்திற்கு கூடுதல் பலமாக அமைந்தது.

Image Credit : Twitter

உலகளாவிய வசூல் சாதனை

நேற்று திரையரங்குகளில் வெளியான இப்படம், ரசிகர்களிடையே 'விண்டேஜ் சிரஞ்சீவி'யை மீண்டும் கொண்டு வந்துள்ளதாகப் பாராட்டுப் பெற்று வருகிறது. இப்படத்தின் அதிகாரப்பூர்வ முதல் நாள் வசூல் தகவல்கள் தற்போது வெளியாகியுள்ளன. அதன்படி, இப்படம் உலகளவில் முதல் நாளில் மட்டும் ரூ. 84 கோடிக்கும் மேல் வசூல் செய்து சாதனை படைத்துள்ளது.

Image Credit : Asianet News

திரைப்படத்தை கொண்டாடும் ரசிகர்கள்.!

இந்தியாவில் மட்டும் சுமார் ரூ. 37.1 கோடி வசூலித்துள்ளது.வட அமெரிக்காவில் மட்டும் 1.5 மில்லியன் டாலர்களை கடந்து சாதனை படைத்துள்ளது. தமிழகம் மற்றும் இதர மாநிலங்கள்: தெலுங்கு மாநிலங்கள் தவிர்த்து தமிழகம் மற்றும் கர்நாடகாவிலும் படத்திற்கு நல்ல வரவேற்பு கிடைத்துள்ளது.

Image Credit : Asianet News

கம்பேக் கொடுத்த மெகா ஸ்டார்

கடந்த சில படங்கள் எதிர்பார்த்த வெற்றியைத் தராத நிலையில், 'மன ஷங்கர வர பிரசாத் காரு' படத்தின் இந்த இமாலய வசூல் சிரஞ்சீவியின் உண்மையான பாக்ஸ் ஆபீஸ் பலத்தை நிரூபித்துள்ளது. அனில் ரவிப்புடியின் நகைச்சுவை கலந்த திரைக்கதை மற்றும் பீம்ஸ் சிசிரோலியோவின் இசை ரசிகர்களைக் கவர்ந்துள்ளது. பொங்கல் விடுமுறை நாட்கள் என்பதால் வரும் நாட்களில் இந்த வசூல் ரூ. 200 கோடியை எளிதில் கடக்கும் என எதிர்பார்க்கப்படுகிறது.