சீரியல் டூ பாலிவுட்டின்டாப் ஹீரோயின்ஸ்.. யார் யார்?

தொலைக்காட்சி சீரியல்களில் நடித்து பின்னர் பாலிவுட்டில் முன்னணி நடிகைகளாக வலம் வரும் தீபிகா படுகோன், வித்யா பாலன், யாமி கௌதம், மிருணாள் தாக்கூர், மௌனி ராய் போன்றோரின் பயணத்தை இந்த பதிவில் காணலாம்.

Vidya balan mrunal

தொலைக்காட்சி சீரியலில் அறிமுகமாகி இன்று பாலிவுட்டில் முன்னணி ஹீரோயின்களாக வலம் வரும் சில நடிகைகள் குறித்து இந்த பதிவில் பார்க்கலாம்.

Deepika padukone

தீபிகா படுகோன் தற்போது பாலிவுட்டின் உச்ச நடிகையாக வலம் வருகிறார். மேலும் இந்தியாவின் அதிக சம்பளம் வாங்கும் நடிகையாகவும் இருக்கிறார். ஆனால் ஒரு மாடலாக இருந்த தீபிகா தொலைக்காட்சி நடிகையாக தனது திரை வாழ்க்கையைத் தொடங்கினார், 2000 களின் முற்பகுதியில் பிரபலமான சீரியலான 'கஹானி கர் கர் கி'யில் தீபிகா நடித்திருந்தார்.. பின்னர் பாலிவுட்டுக்கு மாறிய அவர், இந்தியத் திரையுலகின் முன்னணி நடிகைகளில் ஒருவராகத் திகழ்ந்தார், 'ஓம் சாந்தி ஓம்', 'காக்டெய்ல்', 'பிகு' மற்றும் 'பத்மாவத்' பதான், ஜவான், கல்கி 2898 என பல வெற்றி பெற்ற திரைப்படங்களில் நடித்தார்.

Vidya Balan

இன்று பாலிவுட்டின் முன்னணி நடிகையாக வலம் வரும் வித்யா பாலன் தொலைக்காட்சியில் இருந்து தனது திரை வாழ்க்கையை தொடங்கியவர் தான். ஹம் பாஞ்ச் என்ற சீரியலில் அவர் நடித்திருந்தார். ஆனால் அவர் பாலிவுட்டில் இன்று முன்னணி நடிகையாக மாறுவார் என யாரும் நினைத்திருக்க மாட்டார்கள். பரினீதா என்ற படத்தில் அறிமுகமான வித்யா பாலன் லஹே ரஹோ முன்னா பாய், பூல் பூலையா, நோ ஒன் கில்ட் ஜெசிகா, பா, கஹானி, இஷ்கியா, தி டர்ட்டி பிக்சர், மிஷன் மங்கல், சகுந்தலா தேவி என பல ஹிட் படங்களில் நடித்துள்ளார். 

Yami Gautam

இன்று பாலிவுட்டின் முன்னணி நடிகைகளில் ஒருவராக வலம் வரும் யாமி கௌதம் ஒரு மாடலாக தனது திரை வாழ்க்கையை தொடங்கினார். பின்னர் யே பியார் நா ஹோகா காம், சந்த் கே பார் சலோ போன்ற தொலைக்காட்சித் தொடர்களில் நடித்தார். பின்னர் விக்கி டோனர் என்ற படத்தின் மூலம் பாலிவுட்டில் ஹீரோயினாக அறிமுகமானார். பட்லாபூர், காபில் உரி தி சர்ஜிக்கல் ஸ்ட்ரைக், பூட் போலிஸ், OMG 2, ஆர்ட்டிக்கிள் 370 என பல ஹிட் படங்களில் நடித்துள்ளார்..

Mrunal Thakur

பாலிவுட் மட்டுமின்றி தென்னிந்திய சினிமாவிலும் முன்னணி நடிகையாக வலம் வருபவர் மிருணாள் தாக்கூர். சினிமாவில் நடிக்கும் முன்பு இவர் பிரபலமான தொலைக்காட்சி நடிகையாக இருந்தார். குங்கும் பாக்யா, குச் கேத்தி யே கமோஷியான் ஆகிய சீரியல்களில் நடித்த அவர் 2018-ம் ஆண்டு லவ் சோனியா என்ற படத்தின் மூலம் பாலிவுட்டில் அறிமுகமானார். பின்னர் சூப்பர் 30, பாட்லா ஹவுஸ் ஆகிய பாலிவுட் படங்களின் மூலம் பிரபலமானார். சீதா ராமம், ஹை நன்னா ஆகிய தெலுங்கு படங்களின் மூலம் தென்னிந்திய சினிமாவிலும் பிரபல நடிகையாக உள்ளார்.

Mouni Roy

'கியுங்கி சாஸ் பி கபி பாஹு தி' என்ற சீரியல் மூலம் தனது தொலைக்காட்சி வாழ்க்கையைத் தொடங்கிய மௌனி ராய், டெவோன் கே தேவ்... மகாதேவ் சீரியல் மூலம் பிரபலமானார்.. அவர் 'ஜூனூன் - ஐசி நஃப்ரத் தோ கைசா இஷ்க்' மற்றும் 'நாகின்' சீரியல்களிலும் அவர் நடித்திருந்தார். இதில் நாகினி என்ற பெயரில் தமிழ் சேனல்களிலும் டப்பிங் செய்து ஒளிபரப்பானது.

அவர் 2018 இல் 'கோல்ட்' படத்தின் மூலம் பாலிவுட்டில் அறிமுகமானார். 'ரோமியோ அக்பர் வால்டர்', 'மேட் இன் சைனா' மற்றும் 'லண்டன் கான்ஃபிடென்ஷியல்' ஆகிய படங்களில் அவர் நடித்தார். பின்னர் பாலிவுட்டில் மிகப்பெரிய வெற்றிப் படமாக அமைந்த ‘பிரம்மாஸ்திரா’ படத்தில் நெகட்டிவ் ரோலில் நடித்திருந்தார். அவரின் நடிப்புக்கு பல்வேறு தரப்பிலும் பாராட்டு கிடைத்தது..