விரைவில் திருமணம்... அமீருடன் காதலர் தினத்தை ரொமான்டிக்காக கொண்டாடி அதகளம் செய்யும் பாவனி! போட்டோஸ்!
பிக்பாஸ் சீசன் 5 நிகழ்ச்சியின் மூலம் காதலர்களாக மாறிய அமீர் - பாவனி விரைவில் திருமணம் செய்து கொள்ள உள்ள நிலையில், இவர்களின் காதலர் தின புகைப்படங்கள் தற்போது சமூக வலைதளத்தில் வைரலாகி வருகிறது.
Followஉலகநாயகன் கமலஹாசன் தொகுத்து வழங்கிய பிக்பாஸ் சீசன் 5 நிகழ்ச்சியில் கலந்து கொண்டவர் ஹைதராபாத்தைச் சேர்ந்த சீரியல் நடிகை பாவனி. இவர் ஏற்கனவே சில திரைப்படங்கள் மற்றும் ரெட்டைவால் குருவி போன்ற சீரியலில் நடித்துள்ள நிலையில், தன்னுடன் இணைந்து நடித்த பிரதீப் குமார் என்பவரை காதலித்து திருமணம் செய்து கொண்டார்.
இவர்களின் திருமணம் மிக பிரம்மாண்டமாக நடந்த நிலையில், சிறு கருத்து வேறுபாடு காரணமாக பாவனி கணவர் தூக்கிட்டு தற்கொலை செய்து கொண்ட சம்பவம் பாவனியின் வாழ்க்கையையே திருப்பி போட்டது. கணவரின் இழப்பில் இருந்து மீள்வதற்காக, விஜய் டிவியில் ஆரம்பமான 'சின்ன தம்பி' சீரியலில் நடித்த பாவனிக்கு ரசிகர்கள் மத்தியில் நல்ல வரவேற்பு கிடைத்தது.
பின்னர் தன்னுடைய காதல் கணவரின் நண்பர் ஒருவருடன், பாவனிக்கு திருமண ஏற்பாடு நடந்த நிலையில் அந்த திருமணமும் சில பிரச்சனைகள் காரணமாக நிறுத்தப்பட்டது. இந்த காதல் தோல்வியில் இருந்து மீள்வதற்காக, கமலஹாசன் தொகுத்து வழங்கி வரும் பிக்பாஸ் சீசன் 5 நிகழ்ச்சி கலந்து கொண்டார்.
இந்த நிகழ்ச்சியில் வயல் கார்டு போட்டியாளராக உள்ளே நுழைந்தவர் நடன இயக்குனரான அமீர். முதல் நாளில் இருந்தே பாவனியை சுற்றி சுற்றி வந்த இவர், பின்னர் தன்னுடைய காதலை வெளிப்படுத்தினார். ஆரம்பத்தில் அமீரின் காதலை ஏற்றுக் கொள்ளாத பாவனி பிக் பாஸ் ஜோடிகள் நிகழ்ச்சியில் ஒன்றாக இணைந்து நடனமாடிய போது அமீரின் காதலை ஒப்புக்கொண்டார்.
தற்போது சுதந்திர பறவைகளாக தங்களுடைய காதலை அனுபவித்து வரும் அமீர் - பாவனி ஜோடி விரைவில் திருமணம் செய்து கொள்ள உள்ளதை, அமீர் சமீபத்தில் கொடுத்த பேட்டி ஒன்றில் கூறியுள்ளார். இன்னும் சில மாதங்களில் தங்களுடைய திருமண தேதியை இந்த ஜோடி வெளியிடும் என எதிர்பார்க்கப்படும் நிலையில், தற்போது காதலர் தின புகைப்படங்களை வெளியிட்டு இன்ப அதிர்ச்சி கொடுத்துள்ளனர்.
இன்று கோலாகலமாக காதலர்கள் அனைவரும் தங்களுடைய காதலர் தினத்தை கொண்டாடி வரும் நிலையில், பாவனி - அமீர் ஜோடி மேட்சிங், மேட்சிங் உடையில்... மிகவும் சந்தோஷமாக பகிர்ந்து கொண்டுள்ள புகைப்படங்கள் வைரலாக பார்க்கப்பட்டு வருகிறது.
அடேங்கப்பா... பூ பட பார்வதியா இது? பாடி பில்டர் போல் கட்டுடல் அழகை காட்டி மிரள வைத்த போட்டோஸ் !
சேனலை கிளிக் செய்து பின்தொடரவும்
