முதலில் கண்ணம்மா இப்போ பாரதி.. கையில் பையோடு தெருத்தெருவாய் சுற்றி குடும்பத்தை கண்டு பிடித்தாரா? லேட்டஸ்ட் அப
'பாரதி கண்ணம்மா' சீரியல், எதிர்பாராத திருப்புமுனைகளுடன் ஒளிபரப்பாகி வரும் நிலையில்... அடுத்து என்ன நடக்க உள்ளது என்பது குறித்த தகவல் புரோமோ மூலம் தெரிய வந்துள்ளது.
Followகாதலித்து திருமணம் செய்து கொண்ட கண்ணம்மா, தனக்கு துரோகம் செய்து விட்டதாக நினைத்து கொண்டிருந்த பாரதி, ஒரு வழியாக யாருக்கும் தெரியாமல் DNA டெஸ்ட் எடுத்து பார்த்தபோது... லட்சுமி - ஹேமா இருவருமே தன்னுடைய குழந்தைகள் என நிரூபணம் ஆனதால் கண்ணம்மாவுடன் சேர்ந்து வாழ வேண்டும் என டெல்லியில் இருந்து சென்னைக்கு வருகிறார்.
கண்ணம்மா, பாரதியின் மன்னிப்பை ஏற்றுக்கொண்டு... மிகவும் மகிழ்ச்சியாக மீண்டும் வாழ துவங்குவார் என எதிர்பார்க்கப்பட்ட நிலையில், இடையில் புகுந்து வெண்பா வழக்கம் போல் தன்னுடைய வில்லத்தனத்தை காட்டியபோது, இத்தனை நாள்... பாரதிக்கு வெண்பாவை பற்றி தெரியாமல் இருந்த பல ரகசியங்கள் வெளியாகவே அதிர்ச்சியடைகிறார்.
இத்தனை நாள் நானே சொன்ன போது, என் வராத நம்பிக்கை, ஒரு பேப்பரை பார்த்ததும் வந்து விட்டதா என பாரதியுடன் வாழ முடியாது என கூறும் கண்ணம்மா, இரண்டு குழந்தைகளை அழைத்து கொண்டு, தன்னுடைய தந்தையுடன்... அவர் பிறந்து வளர்த்து பூர்வீக ஊருக்கு செல்கிறார். அங்கு உள்ள ஒரு பள்ளியில் இரண்டு குழந்தைகளையும் சேர்த்து... மீண்டும் தன்னுடைய இரு குழந்தைகளுக்காக உழைக்க வேண்டும் என முடிவெடுக்கிறார்.
இத்தனை வருடங்கள் கண்ணம்மா மற்றும் குழந்தைகளை பிரிந்து வாழ்ந்தது போதும்... நான் என் கண்ணம்மாவை தேடி செல்கிறேன் என, பாரதி தற்போது கையில் பையை வைத்து கொண்டு தெருத்தெருவாக சுற்றுகிறார். இவருக்கு துணையாக தற்போது, கணபதி கேரக்டர் நீண்ட நாட்களுக்கு பின் ரீ-என்ட்ரி கொடுத்துள்ளார்.
பல இடங்களில் தேடி பார்த்தும் கண்ணம்மா மற்றும் குழந்தைகள் கிடைக்காத நிலையில்... தன்னுடைய செல்போனுக்கு வந்த லொக்கேஷனை பார்த்து, கண்ணம்மா அவருடைய தந்தையின் பூர்வீக ஊரில் இருப்பதை அறிந்து அங்கு புறப்படுகிறார்.
கண்ணம்மா மற்றும் பிள்ளைகளை சந்தித்து, அவர்களை சமாதானம் செய்து இருவரும் வாழ்க்கையில் ஒன்று சேர்வார்களா? கண்ணம்மா பாரதியின் மன்னிப்பை ஏற்பாரா? அல்லது வேறு ஏதேனும் ட்விஸ்ட் இருக்குமா என்பதை பொறுத்திருந்து பார்ப்போம்.
சேனலை கிளிக் செய்து பின்தொடரவும்
