தனுஷ் பட இளம் இயக்குனருடன் 'ராஜா ராணி' பட நடிகை தன்யா ரகசிய திருமணம்! நடிகை வெளியிட்ட பரபரப்பு தகவல்!
நடிகை தன்யா பாலகிருஷ்ணா, பிரபல இயக்குனரை ரகசியமாக திருமணம் செய்து கொண்டதாக, தெலுங்கு நடிகை ஒருவர் கூறியுள்ள தகவல் பரபரப்பை ஏற்படுத்தியுள்ளது.
Followதமிழ் சினிமாவில் முன்னணி நடிகர்கள் படங்களில் முக்கியமான ரோல்களில் நடித்து பிரபலமானவர் தன்யா பாலகிருஷ்ணன். கடந்த 2011 ஆம் ஆண்டு சூர்யா நடிப்பில் வெளியான, '7ஆம் அறிவு' திரைப்படத்தின் மூலம் தமிழ் சினிமாவில் அறிமுகமான இவர், இதை தொடர்ந்து 'காதலில் சொதப்புவது எப்படி', 'நீதானே என் பொன்வசந்தம்', 'ராஜா ராணி' போன்ற பல தமிழ் படங்களில் நடித்தார்.
மேலும் தமிழை விட தெலுங்கு திரை உலகில் இவருக்கு ஹீரோயின் வாய்ப்பு கிடைத்ததால், தெலுங்கு திரையுலகின் பக்கம் சென்ற இவர், இளம் நடிகர்களுக்கு ஜோடியாக நடித்து வருகிறார்.
தெலுங்கு மற்றும் கன்னடம் ஆகிய மொழிகளில் கவனம் செலுத்தி வரும் தன்யா பாலகிருஷ்ணா, பிரபல தமிழ் இயக்குனர் ஒருவரை ரகசியமாக திருமணம் செய்து கொண்டுள்ளதாக வெளியாகி உள்ள தகவல் பரபரப்பை ஏற்படுத்தி உள்ளது.
'காதலில் சொதப்புவது எப்படி', நடிகர் தனுஷ் நடித்த 'மாரி', 'மாரி 2' போன்ற திரைப்படங்களை இயக்கி தமிழ் ரசிகர்கள் மத்தியில் மிகவும் பிரபலமான, இளம் இயக்குனர் பாலாஜி மோகனுடன் கடந்த சில வருடங்களாக ரிலேஷன் ஷிப்பில் இருந்த தன்யா, அவரை இந்த ஆண்டு ஜனவரி மாதம் ரகசிய திருமணம் செய்து கொண்டுள்ளதாக தெலுங்கு நடிகை கல்பிகா கணேஷ் கூறியுள்ளார்.
இது குறித்து youtube பக்கத்தில் பேசியுள்ள கல்பிகா, 'தன்யா இயக்குனர் பாலாஜி மோகனுடன் ரிலேஷன்ஷிப்பில் இருந்ததாகவும், இந்த ஆண்டு ஜனவரியில் இருவரும் திருமணம் செய்து கொண்டதாகவும் கூறியுள்ளார். ஒரு வருடம் ஆகியும் அதனை அதிகாரப்பூர்வமாக இருவருமே அறிவிக்கவில்லை என கல்பிகா கூறியுள்ளது, தெலுங்கு ரசிகர்கள் மத்தியில் பரபரப்பாக பேசப்பட்டு வருகிறது.
மேலும் அவர் தற்போது நடித்துவரும் தெலுங்கு மற்றும் கன்னட படங்களின் ப்ரோமோஷன்களில் கலந்து கொள்வதில்லை என்றும், இதற்கு காரணம் அவருடைய கணவர் தான் என தெரிவித்துள்ளார். கல்பிகா பேசிய வீடியோ வைரலாக பார்க்கப்பட்டு வந்த நிலையில், அதனை தன்யா தன்னுடைய செல்வாக்கை பயன்படுத்தி நீக்கி விட்டதாகவும் குற்றம்சாட்டியுள்ளார்.
சேனலை கிளிக் செய்து பின்தொடரவும்
