வடிவேலுவை தொடர்ந்து பிரபல காமெடி நடிகர் நடிக்க தடையா? தயாரிப்பாளர் சங்கத்தில் பரபரப்பு புகார்!
நடிகர் வடிவேலுவை தொடர்ந்து, மற்றொரு காமெடி நடிகர் நடிக்க தடை போட வேண்டும் என... தயாரிப்பாளர் சங்கத்தில் புகார் அளித்துள்ள சம்பவம் பரபரப்பை ஏற்படுத்தியுள்ளது.
Followதமிழ் சினிமாவில் வளர்ந்து வரும் காமெடி நடிகராக இருப்பவர் ரெடின் கிங்ஸ்லி. இவர் காமெடி நடிகராக திரையுலகின் உள்ளே என்ட்ரி கொடுப்பதற்கு முன்பே, அஜித் நடிப்பில் 1998 ஆம் ஆண்டு வெளியான 'அவள் வருவாளா' படத்தில் டான்சராக தோன்றி இருந்தார்.
பின்னர் சென்னை மற்றும் பெங்களூருவில் அரசு கண்காட்சிகளுக்கு ஒரு நிகழ்ச்சி அமைப்பாளராக பணிபுரிந்து வந்தார். இயக்குனர் நெல்சன் திலீப் குமாருடன் ஏற்பட்ட நட்பு தான், இவர் திரையுலகில் காமெடி நடிகராக மாறுவதற்கு வழி வகுத்தது.
எகனாவே கடந்த 2016 ஆம் ஆண்டு, இயக்குனர் நெல்சன் திலீப் குமார் இயக்கிய படத்தில் ரெடின் கிங்ஸ்லி நடித்த நிலையில், அந்த படம் வெளியாகவில்லை. இதை தொடர்ந்து, 2018 ஆம் ஆண்டு நயன்தாராவை வைத்து நெல்சன் திலீப் குமார் இயக்கத்தில் வெளியான 'கோலமாவு கோகிலா' படத்தில் நடித்திருந்தார். இவரின் வித்தியாசமான பேச்சு வழக்கு, உடல்மொழி போன்றவை வெகு விரைவாகவே ரசிகர்கள் மத்தியில் இவரை பிரபலமடைய செய்தது.
தொடர்ந்து முன்னணி நடிகர்கள் படங்களில் காமெடி வேடத்தில் நடித்து வரும் இவர், சொன்னபடி படப்பிடிப்பில் கலந்து கொள்ளாததற்கு தற்போது தயாரிப்பாளர் மணிகண்டன் என்பவர் தயாரிப்பாளர் சங்கத்தில் பரபரப்பு புகார் ஒன்றை கொடுத்துள்ளார்.
இந்த புகாரில் தெரிவித்துள்ளதாவது, நடிகர் ரெடின் கிங்ஸ்லியாழ் நஷ்டம் ஏற்பட்டு இருப்பதாகவும், 'லெக் பீஸ்' படத்தில் நடிக்க 10 நாட்கள் கால்ஷீட் கொடுத்துவிட்டு வெறும் நான்கு நாட்கள் மட்டுமே ரெடின் கிங்ஸ்லி நடித்துள்ளார். இதனால் தனக்கு நஷ்டம் ஏற்பட்டுள்ளதால், அந்த தொகையை மீட்டு தரும்படியும் அதுவரை அவர் நடிக்க தடை விதிக்க வேண்டும் என கூறப்பட்டுள்ளது.
ஏற்கனவே , இயக்குனர் ஷங்கர் தயாரிப்பில் நடித்து கொடுப்பதாக வடிவேலு கூறியபின்னர்... அதில் இருந்து பின் வாங்கியதற்காகவும், வடிவேலுவுக்கு தயாரிப்பாளர் சங்கத்தில் நடிக்க தடை போட்ட நிலையில், வளர்ந்து வரும் காமெடி நடிகரான ரெடின் கிங்ஸ்லிக்கும் இந்த நிலை ஏற்படுமா? என்பதை பொறுத்திருந்து தான் பார்க்க வேண்டும்.
சேனலை கிளிக் செய்து பின்தொடரவும்
