பட்ஜெட் 45 கோடி; வசூல் 60 ஆயிரம்! இந்தியாவின் மிகப்பெரிய பிளாப் படம் எது தெரியுமா?

45 கோடி ரூபாய்க்கு மேல் பட்ஜெட்டில் தயாரான இந்த திரைப்படம் 60 ஆயிரம் மட்டுமே வசூலித்துள்ளது. அந்த திரைப்படம் எது? இது உலகின் மோசமான சாதனை படைத்த இந்திய திரைப்படம்.

Biggest Disaster Movie in India : பான் இந்தியா படங்களின் டிரெண்ட் தற்போது நடந்து கொண்டிருக்கிறது. சின்ன ஹீரோக்களாக இருந்தாலும் கொஞ்சம் பட்ஜெட் அதிகமாகவே போட்டு, நான்கு ஐந்து மொழிகளில் திரைப்படத்தை ரிலீஸ் செய்கிறார்கள். ஆனால் ரிலீஸ் ஆன திரைப்படங்கள் எல்லாம் ஒரே ரிசல்ட் கொடுப்பதில்லை. பட்ஜெட் குறைவாக போட்ட சில திரைப்படங்கள் பிளாக்பஸ்டர் ஹிட் ஆன சம்பவங்களும் நிறைய உள்ளன. அதேவேளையில் பெரிய பட்ஜெட்டில் எடுக்கப்பட்டு மொக்கை வாங்கிய படங்களும் உள்ளன. அப்படி ஒரு திரைப்படத்தை பற்றிதான் பார்க்க உள்ளோம்.

ஸ்டார் ஹீரோ நடித்தும் பிளாப் ஆனது

இந்த திரைப்படம் பெரிய எதிர்பார்ப்புகளுடன் ரிலீஸ் ஆகி தியேட்டர்களில் படுதோல்வி அடைந்தது. போட்ட முதலீடு கூட திரும்ப வரவில்லை, அது மட்டுமின்றி. பட்ஜெட்டுக்கு கொஞ்சம் கூட சம்பந்தமே இல்லாத வசூலை பெற்றிருக்கிறது. யாரும் எதிர்பார்க்காத மாதிரி தயாரிப்பாளர்களுக்கும் இப்படம் மிகப்பெரிய அதிர்ச்சி கொடுத்தது. அது சிறிய ஹீரோ படம் அல்ல. பெரிய புரொடியூசர் மகன், ஸ்டார் ஹீரோநடித்தும் அந்த திரைப்படம் பாக்ஸ் ஆபிஸில் ஒரு டிசாஸ்டர் படமாக மாறியது. 

இதையும் படியுங்கள்... வாய்ப்பில்ல ராஜா! 50 வயது நடிகையோடு டேட்டிங் சென்று பிரேக்-அப் வதந்திக்கு முற்றுப்புள்ளி வைத்த போனி கபூர் மகன்

லேடி கில்லர் படுதோல்வி

அந்த திரைப்படம் வேறு எதுவும் இல்லை லேடி கில்லர். அதில் ஹீரோவாக நடித்தது வேறு யாரும் இல்லை அர்ஜுன் கபூர். லேடி கில்லர் திரைப்படத்திற்கு புரொடியூசர்ஸ் போட்ட முதலீட்டில் வெறும் 0.0001 சதவீதம் மட்டுமே வசூல் கிடைத்தது. இதன்மூலம் இந்தியாவிலேயே மிகவும் மோசமான திரைப்படம் என்று சாதனையை இப்படம் படைத்துள்ளது. சுமார் 45 கோடி ரூபாயில் திரைக்கு வந்த இந்த திரைப்படம், வெறும் 60 ஆயிரம் வசூல் செய்தது. இதுவரை பான் இந்தியா வரலாற்றிலேயே பெரிய பிளாப் படம் என்றால் அது லேடி கில்லர் திரைப்படம் தான்.

அர்ஜுன் கபூருக்கு செம அடி

2023ம் ஆண்டு நவம்பர் 3ஆம் தேதி ரிலீஸ் ஆன லேடி கில்லர் திரைப்படத்தில் பாலிவுட் ஸ்டார் ஹீரோ அர்ஜுன் கபூர் நடித்துள்ளார். ரொம்ப நாட்களாக ஒரு சரியான ஹிட்-க்காக காத்துக் கொண்டிருந்த அர்ஜுன் கபூருக்கு இந்த திரைப்படம் ஒரு ஆறுதல் கொடுக்கும் என்று நினைத்தார்கள். ஆனால் இந்த திரைப்படத்திலிருந்து பெரிய அடி விழுந்தது. அப்போதே மலாய்கா அரோராவுடன் டேட்டிங்கில் இருந்தார் அர்ஜுன் கபூர். ஒவ்வொரு நாளும் ஏதாவது ஒரு நியூஸில் இருந்த அர்ஜுன் கபூர், ஒரு நல்ல பிரேக்கிற்காக காத்துக் கொண்டிருந்த நேரத்தில் கெரியரில் மிகப்பெரிய டிசாஸ்டர் ஆக இந்த படம் அமைந்தது.

நெட்பிளிக்ஸே தூக்கி எறிந்த படம்

பூமி பட்னேகர் ஹீரோயினாக நடித்த இந்த திரைப்படத்தை அஜய் பால் இயக்கி இருந்தார். இந்த திரைப்படம் தற்போது யூடியூபில் காணா கிடைக்கிறது. இந்த திரைப்படம் மொத்தம் 12 ஷோ தான் போடப்பட்டது. படத்தின் தயாரிப்பாளர்கள் ஓடிடி ரிலீஸுக்கு அதிக முக்கியத்துவம் கொடுத்ததால், படத்திற்கு இந்த ரிசல்ட் கிடைத்ததாம். முதல் நாள் இப்படம் 38 ஆயிரம் வசூல் செய்தது. இந்தப்படம் ரிலீஸ் ஆவதற்கு முன் நெட்ப்ளிக்ஸ் ஓடிடியுடன் டீல் பேசி இருந்தார்கள். ஆனால் திரைப்படத்தின் ரிசல்ட் பார்த்த பிறகு அந்த டீலை நெட்பிளிக்ஸ் கேன்சல் செய்துவிட்டதாம்.

இதையும் படியுங்கள்... 50 வயதில் வாரிசு நடிகருடன் காதல்... திருமணத்துக்கு முன்பே கர்ப்பமானாரா மணிரத்னம் பட நடிகை?