கோலிவுட்டுக்கு ரெஸ்ட் விட்டு திடீரென டோலிவுட் பக்கம் தாவிய அனிருத்... அதுவும் யார் படத்துக்காக தெரியுமா?

தமிழ் திரையுலகில் திரும்பிய பக்கமெல்லாம் அனிருத் ராஜ்ஜியம் தான். தற்போது இவர் கைவசம் அஜித்தின் 62-வது படம், ரஜினியின் ஜெயிலர், கமல் - ஷங்கர் கூட்டணியில் தயாராகும் இந்தியன் 2, விஜய்யின் தளபதி 67 என லிஸ்ட் நீண்டு கொண்டே செல்கிறது. சொல்லப்போனால் தமிழ் சினிமாவில் உள்ள முன்னணி நடிகர்கள் நடிக்கும் படங்கள் அனைத்தையும் தற்போது அனிருத் வசம் தான் உள்ளன.

இதுதவிர் அட்லீ இயக்கத்தில் உருவாகி வரும் ஷாருக்கானின் ஜவான் படம் மூலம் பாலிவுட்டிலும் இசையமைப்பாளராக அறிமுகமாக உள்ளார் அனிருத். அவர் இதற்கு முன் இந்தியில் வெளியான டேவிட் படத்தில் ஒரு பாடலுக்காக மட்டும் இசையமைத்து இருந்தாலும், ஜவான் படம் தான் அவர் இசையமைக்கும் முதல் முழுநீள இந்தி திரைப்படம் ஆகும்.

இதையும் படியுங்கள்... ரஜினியின் 2 படங்களுக்கு இசையமைக்க ஏ.ஆர்.ரகுமானைவிட அதிக சம்பளம் கேட்ட அனிருத்... ஜெர்க் ஆன லைகா..!

இதேபோல் தெலுங்கிலும் ஒரு படத்துக்கு இசையமைக்க ஒப்பந்தம் ஆகி உள்ளார் அனிருத். அது தான் ஜூனியர் என்.டி.ஆரின் 30-வது படம். கொரட்டல சிவா இயக்கும் இப்படத்திற்கு அனிருத் தான் இசையமைக்க உள்ளதாக கடந்த சில மாதங்களுக்கு முன்பே அறிவிப்பு வெளியானது. இந்நிலையில், தற்போது அப்படத்தின் இசைப்பணிகளை தொடங்கிவிட்டதாக தனது டுவிட்டர் பக்கத்தில் பதிவிட்டுள்ளார் அனிருத்.

அதோடு இயக்குனர் கொரட்டல சிவா உடன் அமர்ந்து ஆலோசனை செய்யும் போது எடுத்த புகைப்படத்தையும் அனிருத் பகிர்ந்துள்ளார் அனிருத். இவர் ஏற்கனவே தெலுங்கில் பவன் கல்யாணின் அன்யாதவாசி, நானியின் ஜெர்சி மற்றும் கேங் லீடர் போன்ற படங்களுக்கு இசையமைத்து உள்ளார் என்பது குறிப்பிடத்தக்கது.

இதையும் படியுங்கள்... சம்பளமே வாங்காமல் அனிருத் இப்படி ஒரு வேலையை செய்கிறாரா..! ஆச்சர்யம் ஆனால் உண்மை