ஏகே 62 படத்தின் இசையமைப்பாளர் இவரா? பக்கா பிளான் போட்டு மகிழ் திருமேனி தேர்வு செய்தது யாரை தெரியுமா!

அஜித் இயக்குனர் எச்.வினோத் இயக்கத்தில் நடித்த 'துணிவு' திரைப்படம் நான்காவது வாரமாக பல்வேறு திரையரங்குகளில் வெற்றிகரமாக ஓடிக் கொண்டிருக்கும் நிலையில், அடுத்ததாக தன்னுடைய அடுத்த படம் குறித்து தீவிர பணிகளில் தீவிர கவனம் செலுத்தி வருகிறார்.

அதன்படி தற்போது குடும்பத்துடன் போர்ச்சுகல் நாட்டில் வெக்கேஷனை குடும்பத்துடன் கொண்டாடி வரும் நிலையில், இந்தியா திரும்பியதும், AK 62 படத்தின் படப்பிடிப்பில் கலந்து கொள்வார் என எதிர்பார்க்கப்படுகிறது.

கவிழ்ந்து கிடைக்கும் வண்டிகள்.. மாஸ்ஸாக போஸ் கொடுத்த நெல்சன்! தெறிக்கவிடும் 'ஜெயிலர்' ஷூட்டிங் ஸ்பாட் க்ளிக்ஸ்

AK 62 படத்தை, நயன்தாராவின் காதலர் விக்னேஷ் சிவன் இயக்க உள்ளதாக கூறப்பட்ட நிலையில், அப்படத்திற்கு அனிருத் இசையமைப்பாளராக ஒப்பந்தம் செய்யப்பட்டார். ஆனால் விக்னேஷ் சிவன் கூறிய கதை அஜித்துக்கும், லைகா நிறுவனத்திற்கும் திருப்திகரமாக இல்லாத காரணத்தால்.. அதிரடியாக இயக்குனர் மாற்றப்பட்டதாக தகவல் வெளியானது.

அந்த வகையில் தற்போது அஜித்தின் 62 வது படத்தை 'தடம்' படத்தின் இயக்குனர் 'மகிழ் திருமேனி' இயக்க உள்ளார். மேலும் இப்படம் முழுக்க முழுக்க ஆக்ஷன் கதை களம் கொண்ட படமாக உருவாக உள்ளதாகவும் கூறப்படுகிறது. விரைவில் இப்படத்தின் அதிகாரப்பூர்வ தகவல் தகவலை லைகா நிறுவனம் வெளியிடும் என எதிர்பார்க்கப்படும் நிலையில், ஏகே 62 படத்தின் இசையமைப்பாளர் குறித்த தகவல் தீயாக பரவி வருகிறது.

கையில் புல்லாங்குழலோடு... ராதையின் கிருஷ்ணனாக மாறிய 'துணிவு' பட நாயகி மஞ்சு வாரியர்..! வைரல் போட்டோஸ்!

அந்த வகையில் இதுவரை அஜித்தின் படத்திற்கு இசையமைக்காத ஒருவரை தான் மகிழ் திருமேனி இப்படத்திற்கு, இசையமைப்பாளராக ஒப்பந்தம் செய்துள்ளார். இது குறித்து வெளியாகி உள்ள தகவலின்படி சந்தோஷ் நாராயணன் தான் AK 62 படத்திற்கு இசையமைக்க உள்ளதாக கூறப்படுகிறது.

ஏற்கனவே லைக்கா நிறுவனம் தயாரித்த 'நாய் சேகர் ரிட்டர்ன்ஸ்' படத்தில் சந்தோஷ நாராயணனின் இசையில் வெளியான அனைத்து பாடல்களும் நல்ல வரவேற்பை பெற்றதால், அவரையே லைக்கா நிறுவனம் இசையமைப்பாளராக இருக்க ஒப்புக்கொண்டுள்ளதாகவும் கூறப்படுகிறது.

வெள்ளை நிற வெட்டிங் கவுனில் தேவதை போல் இருக்கும் கருணாஸ் மகள் டயானா..! வெளியான திருமண போட்டோஸ்..!

இதுவரை ரஜினிகாந்த் கபாலி, விஜய்யின் பைரவா, போன்ற படங்களுக்கு சந்தோஷ் நாராயணன் இசை அமைத்திருந்தாலும்... அஜித்தின் ஒரு படத்திற்கு கூட இசையமைத்ததில்லை. எனவே இப்படத்தில் ஒருவேளை சந்தோஷ் நாராயணன் இசையமைத்தால் பாடல்கள் அனைத்தும் படு மாஸாக இருக்கும் என அஜித்தின் ரசிகர்கள் சமூக வலைத்தளத்தில் தங்களின் கருத்துக்களை பதிவு செய்து வருகிறார்கள்.