thunivu update : மாஸ் லுக்கில் அஜித்..வேற லெவலில் வெளியான துணிவு அப்டேட்

தென்னிந்திய சினிமா உலகில் மிக பிரபலமான நடிகராக இருப்பவர் அஜித்குமார். இவர் இறுதியாக வலிமை என்னும் படத்தில் நடித்திருந்தார். இந்த படத்தை போனிகபூர் தயாரித்திருந்தார். எச். வினோத் இயக்கியிருந்தார். ஆனால் படம் மிதமான வரவேற்பை மட்டுமே பெற்று இருந்தது.

இதை தொடர்ந்து தற்போது அஜித் குமார் துணிவு என்னும் படத்தில் நடித்து வருகிறார்.   எச். வினோத்  இயக்க போனி கபூர் தான் தயாரிக்கிறார். இந்த கூட்டணியில் முதன்முறையாக நேர்கொண்ட பார்வை என்னும் படம் உருவாகி இருந்தது. அந்தப் படமும் கலவையான விமர்சனங்களையே பெற்றது. இவ்வாறு அடுத்தடுத்து வெளியான இரு படங்களும் கலவையான விமர்சனங்களை பெற்றதால் மூன்றாவது படம் குறித்த எதிர்பார்ப்பு அதிகரித்துள்ளது.

இந்தப் படம் ஆக்சன் திருவிழாவாக இருக்கும் என கூறப்படுகிறது. வங்கி கொள்ளை தொடர்பான கதைகளை கொண்டுள்ள துணிவு படத்தில் அஜித் குமார் இரு வேறு வேடங்களில் நடிப்பதாக கூறப்படுகிறது. இந்த படத்தில் மஞ்சு வாரியர், விநாயகன் உள்ளிட்டோ நடித்து வருவதாக உறுதிப்படுத்தப்படாத தகவல் வெளியாகி உள்ளது.

மேலும் செய்திகளுக்கு...Amala Paul : லோ நெக்கில் மனதை கவரும் அமலா பால்..க்யூட் போட்டோஸ் இதோ

ஹைதராபாத், சென்னை, தாய்லாந்து உள்ளிட்ட இடங்களில் இந்த படத்தின் படப்பிடிப்பு நடைபெற்று வந்தது. அஜித்குமாரின் புகைப்படங்கள் அனைத்தும் வைரலானது. தற்போது துணிவு படம் இறுதி கட்டத்தை  நெருங்கிவிட்டது. படம் வரும் பொங்கலுக்கு திரைக்கு வரும் என எதிர்பார்க்கப்படுகிறது. அதே நாளில் விஜயின் வாரிசு படமும் வெளியாவதால் எதிர்பார்ப்பு அதிகரித்துள்ளது.

இறுதி கட்டம் படப்பிடிப்பு முடிந்து விட்டதன் அறிகுறியாக தற்போது புதிய புகைப்படம் ஒன்று வெளியாகியுள்ளது. அந்த புகைப்படத்தில் அஜித்குமார் டப்பிங் பேசும் காட்சிகள் இடம் பெற்றுள்ளது. இதனால் கட்டாயம் பொங்கலுக்கு படம் வெளியாகும் என ரசிகர்கள் உறுதியாக நம்புகின்றனர்.

மேலும் செய்திகளுக்கு..போதை பொருள் குறும்படம் எடுத்தால்..லோகேஷ் உடன் பணிபுரியலாம்..காவல் ஆணையர்