நடிகை விஜயலட்சுமி வீட்டு வரலட்சுமி நோம்பு எப்படி இருக்குனு பாருங்க..! வைரலாகும் போட்டோஸ்..!

நடிகை விஜயலட்சுமி தன்னுடைய வீட்டில் நடந்த வரலட்சுமி பூஜையின் போது எடுத்த சில புகைப்படங்களை சமூக வலைத்தளத்தில் வெளியிட வைரலாக பார்க்கப்பட்டு வருகிறது. 

வரலட்சுமி விரதம் இந்து மத நம்பிக்கைகளின் படி, ஆடி மாதத்தில் வரும் பௌர்ணமி திதிக்கு முந்தைய வெள்ளிக்கிழமை அனுசரிக்கப்படுகிறது. பெண்கள் இந்த விரதத்தை தங்களின் மாங்கல்ய பலம் கூட வேண்டும் என்பதற்காக மிகுந்த பக்தியுடன் கடைபிடிக்கிறார்கள். அந்த வகையில் பிரபலங்கள் பலர் வரலட்சுமி பூஜை அன்று அவர்கள் வீட்டில் பூஜை செய்யப்பட்ட புகைப்படங்களை சமூக வலைத்தளத்தில் வெளியிடுவதை வழக்கமாக வைத்துள்ளனர்.

அதன்படி பிரபல நடிகை விஜயலட்சுமி இன்று வரலட்சுமி பூஜையை தன்னுடைய வீட்டில் மிகவும் எளிமையான முறையில் கொண்டாடியுள்ளார். 

இதுகுறித்த சில புகைப்படங்களையும், அவர் தன்னுடைய இன்ஸ்டாகிராம் பக்கத்தில் வெளியிட அவை வைரலாக பார்க்கப்பட்டு வருகிறது. 

நடிகை விஜயலட்சுமி திருமணம் செய்து கொண்டவர், ஒரு முஸ்லீம் மதத்தை சேர்ந்தவர் என்றாலும்... தொடர்ந்து இந்து பாரம்பரியத்தை கடை பிடித்து வருகிறார். அதன் படி தன்னுடைய அம்மா வழிபட்டது போல் ஓவ்வொரு வருடமும் வரலட்சுமி பூஜையை செய்து வருகிறார்.

விஜயலட்சுமி பிரபல இயக்குனர் அகத்தியனின் மகள் ஆவர். மேலும், சென்னை 28 படத்தின் மூலம் ஹீரோயினாக அறிமுகமாகி பல படங்களில் நடித்தார். சினிமாவில் ஒரு ஹீரோயினாக ஜொலிக்கமுடியாத நிலையில், சீரியல் - ரியாலிட்டி நிகழ்ச்சியில் கலந்து கொண்டு பிரபலமானார் என்பது குறிப்பிடத்தக்கது.