Trisha : சுதந்திர தின விழாவில் த்ரிஷா... சல்யூட் அடித்த முதல்வர் விஜய் - வைரலாகும் போட்டோஸ்

Trisha Attend Independence Day Celebration : சென்னை ஜார்ஜ் கோட்டையில் நடைபெற்ற சுதந்திர தின விழாவில் நடிகை த்ரிஷாவும் கலந்துகொண்டார். அந்த புகைப்படங்கள் வைரலாகி வருகின்றன.

Image Credit : X

Trisha Salute to CM Joseph Vijay

நாடு முழுவதும் இன்று 80வது சுதந்திர தினம் உற்சாகமாகக் கொண்டாடப்பட்டு வருகிறது. சுதந்திர தினத்தை முன்னிட்டு இந்திய தலைநகர் முதல் ஒவ்வொரு மாநிலத்தின் தலைநகரங்கள் வரை பல்வேறு நிகழ்ச்சிகள் நடைபெற்று வருகின்றன. தமிழ்நாட்டிலும் சுதந்திர தின விழா இன்று கோலாகலமாக நடைபெற்றது. இந்த விழாவில் கலந்துகொண்ட நடிகை த்ரிஷா, முதல்வர் விஜய்க்கு சல்யூட் அடித்து வரவேற்றார்.

2026 சட்டப்பேரவைத் தேர்தலில் வெற்றிபெற்று தமிழக வெற்றிக் கழகம் ஆட்சியை கைப்பற்றியதைத் தொடர்ந்து, அக்கட்சியின் தலைவர் ச. ஜோசப் விஜய் தமிழ்நாட்டின் முதலமைச்சராக பதவியேற்றுள்ளார். தவெக அரசு பொறுப்பேற்ற பிறகு நடைபெறும் முதல் சுதந்திர தின விழா இன்று சென்னை புனித ஜார்ஜ் கோட்டையில் நடைபெற்றது. முதலமைச்சர் விஜய் கோட்டை கொத்தளத்தில் தேசியக் கொடியை ஏற்றி வைத்து உரையாற்றினார்.

இந்த நிகழ்ச்சியில் அமைச்சர்கள், அரசு அதிகாரிகள், அரசியல் பிரமுகர்கள் உள்ளிட்ட பலரும் கலந்து கொண்டனர். விஜய் முதலமைச்சராக பதவியேற்ற பிறகு நடைபெறும் முதல் சுதந்திர தின விழா என்பதால், நிகழ்ச்சிக்கு அரசியல் வட்டாரத்திலும் பொதுமக்கள் மத்தியிலும் கூடுதல் கவனம் கிடைத்துள்ளது.

Image Credit : X

விழாவில் த்ரிஷா வருகை

இந்த சுதந்திர தின விழாவில் நடிகை த்ரிஷாவும் கலந்து கொண்டார். அவர் தனது தாயாருடன் நிகழ்ச்சியில் பங்கேற்றார். விழா மேடையில் விஜய்யின் பெற்றோர் எஸ்.ஏ. சந்திரசேகர் மற்றும் ஷோபா அருகில் த்ரிஷா அமர்ந்திருந்தார். மேடைக்கு வந்த த்ரிஷாவை சிரித்த முகத்தோடு வரவேற்றார் ஷோபா.

விஜய் தேர்தலில் வெற்றி பெற்ற பிறகு அவரை நேரில் சந்தித்து த்ரிஷா வாழ்த்து தெரிவித்திருந்தார். அதேபோல், விஜய் முதலமைச்சராக பதவியேற்ற நிகழ்ச்சியிலும் த்ரிஷா பங்கேற்றிருந்தார். இதனால் தற்போது நடைபெற்ற சுதந்திர தின விழாவில் த்ரிஷாவின் வருகையும் ரசிகர்கள் மற்றும் அரசியல் வட்டாரத்தினரின் கவனத்தை ஈர்த்துள்ளது.