முதல் படத்திலேயே சம்பள விஷயத்தில் நயன்தாராவை மிஞ்சிவிட்டாரா 'கோப்ரா' பட நாயகி ஸ்ரீநிதி ஷெட்டி?

'கோப்ரா' படத்தின் மூலம் தமிழ் திரையுலகில் அறிமுகமாகி உள்ள ஸ்ரீநிதி ஷெட்டி, முதல் படத்திலேயே... சம்பள விஷயத்தில் நயன்தாராவை மிஞ்சி விட்டதாக கூறப்படுகிறது. 

பிரபல இயக்குனர் பிரசாந்த் நீல் இயக்கத்தில் கடந்த 2018-ம் ஆண்டு வெளியாகி மிகப்பெரிய வெற்றிபெற்ற கே.ஜி.எஃப் திரைப்படத்தின் முதல் பாகம், மற்றும் இரண்டாவது பாகம் மிகப்பெரிய வெற்றி பெற்றது.

Image: Official teaser, trailer

உலகம் முழுவது சுமார் ரூ.1200 கோடிக்கு மேல் வசூல் சாதனை செய்த இந்த படத்தின் வெற்றியை தொடர்ந்து, நடிகர் யாஷ் மற்றும் இயக்குனர் பிரசாந்த் நீல் ஆகியோர் தங்களது சம்பளத்தை உயர்த்திவிட்டதாக கூறப்பட்டது.

மேலும் செய்திகள்: 'பொன்னியின் செல்வன்' பட பணியில் இணைந்த கமல்ஹாசன்... வைரலாகும் புகைப்படம்!

இவர்களை தொடர்ந்து, கே.ஜி.எஃப் படத்தின் நாயகி ஸ்ரீநிதி ஷெட்டியும் தாறுமாறாக சம்பளத்தை உயர்த்தியுள்ளார். கே.ஜி.எஃப் படத்தின் இரண்டாம் பாகத்தில் நடிப்பதற்கே...  2 கோடி ரூபாய், இவர் சம்பளமாக பெற்றதாக கூறப்பட்ட நிலையில் 'கோப்ரா' படத்தில் நடிக்க அதை விட மூன்று மடங்கு சம்பளம் அதிகமாக பெற்றுள்ளதாக தகவல் வெளியாகியுள்ளது.

இதுகுறித்து தற்போது வெளியாகியுள்ள தகவலில், 'கோப்ரா' படத்தில் நடிப்பதற்கு... நடிகை ஸ்ரீநிதி ஷெட்டி நான்கு கோடியில் இருந்து 6 கோடி வரை சம்பளமாக பெற்றுள்ளதாக கூறப்படுகிறது.

மேலும் செய்திகள்: படு மோசமான கிளாமர் உடையில்... யாஷிகா கொடுத்த சைடு போஸ்!! செம்ம ஹாட் லேட்டஸ்ட் போட்டோஸ்!!

ஆனால் இதுகுறித்து எந்த வித அதிகார பூர்வ தகவலும் இதுவரை வெளியாகவில்லை. எனினும் முதல் படத்திலேயே நயன்தாராவை ஸ்ரீநிதி ஷெட்டி மிஞ்சிவிட்டதாக பேசப்பட்டு வருகிறது.

இயக்குனர் அஜய் ஞானமுத்து இயக்கத்தில் விக்ரம் 7 கதாபாத்திரத்தில் நடித்துள்ள 'கோப்ரா' திரைப்படம் வரும் ஆகஸ்ட் மாதம் 11 ஆம் தேதி உலகம் முழுவதும் வெளியாக உள்ளது குறிப்பிடத்தக்கது.

மேலும் செய்திகள்: அபார திறமையால் அம்மா ரோஜாவையே மிஞ்சும் மகள்..! இளம் வயதிலேயே கிடைத்த மிக உயரிய விருது..!