தமிழ் சினிமாவின் டாப் நடிகர்; அவருக்காக 7 நாள் விரதமிருந்த ஸ்ரீதேவி - ஏன் தெரியுமா? யார் அந்த நடிகர்?

Actress Sridevi : தன்னுடன் இணைந்து பல சூப்பர் ஹிட் படங்களில் நடித்த ஒரு நடிகருக்கான 7 நாள் விரதமிருந்து பூஜை செய்த்துள்ளார் மறைந்த நடிகை ஸ்ரீதேவி.

Actress Sridevi

ஸ்ரீதேவி, தமிழ் திரையுலகில் மட்டுமல்ல, இந்திய திரையுலகமே வியந்து பாராட்டிய ஒரு மெகா நடிகை. லேடி சூப்பர் ஸ்டாராக பல ஆண்டுகள் வலம்வந்தவர் அவர். தனது திரையுலக வாழ்க்கையில் பல திரையுலகுகளை சேர்ந்த பல சூப்பர் ஹிட் நடிகர்களுடன் பணியாற்றியுள்ளார். அந்த வகையில் வெகு சில நட்சத்திரங்கள் அவருடன் நல்ல ஆன்-ஸ்கிரீன் கெமிஸ்ட்ரியை மட்டுமல்ல, திரைக்கு வெளியேயும் ஒரு சிறந்த பிணைப்பைக் கொண்டிருந்தனர் என்றால் அது நிச்சயம் மிகையல்ல. அப்படிப்பட்ட ஒரு நட்சத்திரத்திற்காக ஸ்ரீதேவி ஏழு நாட்கள் உண்ணாவிரதம் இருந்துள்ளார்.

அதுமட்டுமின்றி ஸ்ரீதேவி அந்த நடிகருக்கான கோயிலில் பூஜையும் செய்தாராம். அந்த நடிகர் வேறு யாருமல்ல கோலிவுட் உலகின் சூப்பர் ஸ்டார் ரஜினிகாந்த் தான். ஸ்ரீதேவியுடன் ஒன்றல்ல, இரண்டல்ல பல மொழிகளில் 20க்கும் மேற்பட்ட படங்களில் அவர் நடித்துள்ளார்.

Rajini

பிரபல நாளிதழ் ஒன்று வெளியிட்ட அறிக்கையின்படி, ரஜினிகாந்தின் உடல்நிலைக்காகத் தான் ஸ்ரீதேவி இதையெல்லாம் செய்திருக்கிறார். கடந்த 2011-ம் ஆண்டு பிரபல நடிகர் ரஜினிகாந்த் உடல் நலக்குறைவால் பாதிக்கப்பட்டார். அவரது உடல்நிலை குறித்து அறிந்த ஸ்ரீதேவி, ஷீரடி சாய்பாபாவின் பெயரில் விரதம் ஏற்றார். ரஜினிகாந்த் விரைவில் குணமடைய வேண்டும் என்பதற்காக ஏழு நாட்கள் உண்ணாவிரதம் இருந்துள்ளார். புனே சாய்பாபா கோயிலுக்கு சென்று அங்கு சிறப்பு பூஜைகளும் செய்துள்ளார் அவர்.  

2011ம் ஆண்டு ரஜினிகாந்தின் உடல்நிலை மிகவும் மோசமடைந்தபோது, ​அவர் ரவிக்குமாரின் ​ராணா படத்தின் படப்பிடிப்பில் இருந்தார். இருப்பினும், ஸ்ரீதேவியின் உண்ணாவிரதத்தாலும், அனைத்து ரசிகர்களின் பிரார்த்தனையாலும், ரஜினிகாந்த் ஆரோக்கியமாக மீண்டு வந்தார்.

Rajinikanth

ரஜினிகாந்த் மற்றும் ஸ்ரீதேவி இணைந்து பல படங்களில் நடித்துள்ளனர், அவற்றில் பல பிளாக்பஸ்டர்கள். மூன்று முடிச்சு, நான் அடிமை இல்லை, போக்கிரி ராஜா, பகவான் தாதா மற்றும் சல்பாஸ் போன்ற படங்கள் அவர்கள் நடிப்பில் வெளியாகி மெகாஹிட்டான படங்கள். ஸ்ரீதேவி தனது 15 வயதில் ரஜினிகாந்துடன் இணைந்து பணியாற்றினார். ஒரு கட்டத்தில் ரஜினிகாந்த், ஸ்ரீதேவியை திருமணம் செய்யவிரும்புவதாகவும் செய்திகள் வெளியாகின. அந்த சூழலில் தான் தயாரிப்பாளர் போனி கபூரை மணந்தார் ஸ்ரீதேவி, இருப்பினும், இந்த இரு நட்சத்திரங்களுக்கு இடையிலான நட்பு எப்போதும் அப்படியே இருந்தது.

Rajini and Sridevi

ஸ்ரீதேவியோடு மட்டுமல்ல அவருடைய தாயோடும் நல்ல அன்போடு பழகி வந்தார் ரஜினிகாந்த். தொடக்க காலங்களில் கமலஹாசனை போல் நானும் சிறந்த நடிகராக, அவரைப் போல நல்ல சம்பளம் வாங்குவேனா என்று ஸ்ரீதேவியின் தாயிடம் அடிக்கடி புலம்புவாராம் ரஜினிகாந்த். அதற்கு கலங்காதே மகனே, நிச்சயம் நீ கமலஹாசனை விட மிகச் சிறந்த நடிகனாக வருவாய் என்று பலமுறை அவருக்கு வாழ்த்து கூறுவாராம் ஸ்ரீதேவியின் அம்மா.