கைநிறைய மல்லிப்பூ.. மிளிரும் சிரிப்பில் ஒளிரும் ரம்யா நம்பீசன் - கூல் கிளிக்ஸ்!

Actress Ramya Nambeesan : கேரளாவில் பிறந்து குழந்தை நட்சத்திரமாக திரைப்படங்களில் அறிமுகமாகி நடிகையாகவும் பாடகியாகவும் அசத்தி வருபவர் தான் ரம்யா நம்பீசன்.

Actress Ramya Nambeesan

கொச்சியில் கடந்த 1986ம் ஆண்டு பிறந்த நடிகை ரம்யா நம்பீசனுக்கு வயது 38. இப்போது வரை அவர் சிங்கிளாக தான் வாழ்ந்து வருகிறார் என்பது குறிப்பிடத்தக்கது. கடந்த 2000வது ஆண்டு வெளியான ஒரு மலையாள திரைப்படத்தின் மூலம் தனது 14 வது வயதில் இவர் நடிகையாக அறிமுகமானார், தொடர்ச்சியாக மலையாள மொழியில் அவர் திரைப்படங்களில் நடித்து வந்தார்.

Ramya Nambeesan

இந்த சூழலில் தான் கடந்த 2005ம் ஆண்டு தமிழில் பிரபல நடிகர் ஸ்ரீகாந்த் நடிப்பில் வெளியான "ஒரு நாள் ஒரு கனவு" என்கின்ற திரைப்படத்தின் மூலம் நடிகையாக அறிமுகமான ரம்யா நம்பீசன், 2006ம் ஆண்டு மலையாள மொழியில் வெளியான ஒரு திரைப்படத்தின் மூலம் தான் நாயகியாக கலை உலகில் களமிறங்கினார். தொடர்ச்சியாக தெலுங்கு, தமிழ் மற்றும் மலையாளம் ஆகிய மூன்று மொழிகளிலும் கடந்த 24 ஆண்டுகளாக நடிகையாக இவர் பயணித்து வருவது குறிப்பிடத்தக்கது.

ramya nambeesan photos

தமிழில் மக்கள் செல்வன் விஜய் சேதுபதிக்கு திருப்புமுனையாக அமைந்த "பீட்சா" திரைப்படத்தில் அவருடைய நாயகியாக நடித்து தமிழ் மக்கள் மத்தியில் மிகப்பெரிய வரவேற்பு பெற்ற ரம்யா நம்பீசன், தொடர்ச்சியாக தமிழில் "சேதுபதி", "சைத்தான்", "சத்தியா", "சீதக்காதி" மற்றும் "நட்புன்னா என்னன்னு தெரியுமா" உள்ளிட்ட திரைப்படங்களில் நடித்து புகழ்பெற்றார். நடிகையாக மட்டுமல்லாமல் ரம்யா நம்பீசன் ஒரு மிகச்சிறந்த பாடகையாகவும் திகழ்ந்து வருகிறார்.

kollywood actress ramya

கடந்த 2013ம் ஆண்டு தமிழில் வெளியான விஷாலின் பாண்டியநாடு படத்தில் வந்த Fy Fy Fy Kalachify என்ற பாடலை பாடி சைமா விருதுக்கு பரிந்துரைக்கப்பட்ட நடிகை தான் ரம்யா நம்பீசன். தமிழ் மற்றும் மலையாளம் ஆகிய இரு மொழிகளிலும் 20க்கும் மேற்பட்ட பாடல்களை இவர் பாடியிருக்கிறார். இறுதியாக விஜய் ஆண்டனியின் ரத்தம் படத்தில் நடித்திருந்த ரம்யா இப்பொது ஒரு மலையாளம் மற்றும் தமிழ் படத்தில் நடித்து வருகின்றார்.