கணவரின் முதல் திருமணத்தின் போது குழந்தையாக இருந்த நடிகைகள் யார்... யார் தெரியுமா?

பாலிவுட் திரையுலகில் முன்னணி நடிகராக வலம் வரும் சைஃப் அலி கான் முதன்முதலில் கடந்த 1991-ம் ஆண்டு தன்னைவிட 12 வயது மூத்தவரான அம்ரிதா சிங்கை மணந்தார். அப்போது நடிகை கரீனா கபூருக்கு வெறும் 11 வயது தானாம், அவர் சைஃப் - அம்ரிதா திருமணத்திற்கு தந்தை ரந்தீர் கபூருடன் வந்திருந்ததாகவும், அப்போது அவர் சைஃபை அங்கிள் என்று அழைத்து, வாழ்த்து தெரிவித்ததாகவும் கூறப்படுகிறது. 

கே.ஜி.எஃப் 2 படத்தில் வில்லனாக மிரட்டியவரும், பாலிவுட் நட்சத்திரமுமான சஞ்சய் தத், கடந்த 1987-ம் ஆண்டு ரிச்சா ஷர்மாவை முதல் திருமணம் செய்து கொண்டார். அவர் 1996 இல் இறந்துவிட்டதால், பின்னர் 1998-ல்,  ரியா பிள்ளை என்பவரை இரண்டாவது திருமணம் செய்துகொண்டார். இந்த திருமணம் சில மாதங்களில் விவாகரத்தில் முடிந்தது. இதையடுத்து மூன்றாவதாக மன்யதாவை 2008ல் திருமணம் செய்துகொண்டார். சஞ்சய் தத்தின் முதல் திருமணத்தின் போது மன்யதாவுக்கு வெறும் 9 வயதுதான்.

பழம்பெரும் பாலிவுட் நடிகர் ஹேமன் தர்மேந்திராவின் இரண்டாவது மனைவி ஹேமா மாலினி. இவர்கள் இருவரும் 1980-ல் திருமணம் செய்து கொண்டனர். ஆனால் நடிகர் தர்மேந்திராவுக்கு முதல் திருமணம் நடைபெற்றபோது, ​​ஹேமமாலினிக்கு வெறும் 6 வயதுதான். ஆம், ஹேமமாலினி 1948-ல் பிறந்தார், அதே சமயம் தர்மேந்திரா, பிரகாஷ் கவுர் என்பவரை 1954-ல் முதல் திருமணம் செய்து கொண்டார்.

இதையும் படியுங்கள்... ‘வல்லமை’லாம் இல்லைங்க... அஜித் படத்துக்காக ஜெய்சங்கரின் கிளாசிக் ஹிட் பட டைட்டிலை தட்டித்தூக்கிய எச்.வினோத்

பாலிவுட்டின் மூத்த நடிகரான கபீர் பேடி 4 திருமணங்களை செய்து கொண்டார். அவரது நான்காவது திருமணம் கடந்த 2016ம் ஆண்டு நடந்தது. அவர் தன்னைவிட கிட்டத்தட்ட 29 வயது இளையவரான பர்வீன் துசாஞ் என்பவரை மணந்தார். கபீர் பேடி கடந்த 1969-ம் ஆண்டு ப்ரோதிமா கௌரியை முதன்முதலில் திருமணம் செய்து கொண்டபோது, பர்வீனுக்கு வெறும் 6 வயதுதானாம். 

இந்தி பாடகர் கிஷோர் குமாருக்கு நான்கு திருமணங்கள் நடந்துள்ளன, அவருடைய கடைசி மனைவி லீனா சந்தவர்கர், இவரை கடந்த 1980-ம் ஆண்டு திருமணம் செய்து கொண்டார். கிஷோர் குமார் 1950-ல், ரூமா குஹா தாகுர்தா என்பவரை முதன்முதலில் திருமணம் செய்துகொண்டபோது லீனா சந்தவர்க்கருக்கு ஒரு வயது கூட ஆகவில்லை என்பது குறிப்பிடத்தக்கது.

இதையும் படியுங்கள்...  சேரனிடம் பற்ற வைத்த சினேகா... 'ஆட்டோகிராப்' பட வாய்ப்பை இழந்த பிரபலம்! அவரே வெளியிட்ட பரபரப்பு தகவல்!