கோலிவுட்; விமானம் ஓட்டும் லைசென்ஸ் பெற்ற முதல் நடிகர் யார் தெரியுமா? அஜித் இல்ல!

இன்று சினிமா துறையில் தங்களுடைய ஆதிக்கத்தை செலுத்தி வரும் நடிகர்கள், நடிகைகள் தங்களுடைய அசாத்திய நடிப்பினால் மட்டும் இவ்வளவு பெரிய உயரத்தை தொடவில்லை. அதை தாண்டி பெரிய அளவில் அவர்கள் பல விஷயங்களில் சாதனை படைத்து வருகின்றனர் என்பது மறுக்கமுடியாத உண்மை. இதற்கு மிகச்சிறந்த எடுத்துக்காட்டாக வலம் வருபவர் தான் அஜித் குமார். காரணம் அவர் திரைத்துறையில் மிக மிகப் பெரிய நடிகராக இருந்தாலும், அதைவிட மிகச் சிறந்த ஆட்டோமொபைல் விரும்பியாக திகழ்ந்து வருகிறார். இந்திய திரையுலகை பொருத்தவரை வெகு சில நடிகர்களை விமானம் ஓட்டும் லைசன்ஸ் வைத்திருக்கும் நிலையில் அதில் ஒருவராக இருக்கிறார் அஜித்குமார்.

நல்ல நேரம் ஸ்டார்ட் ஆயிருச்சு: சிவகார்த்திகேயன் தயாரித்த கொட்டுக்காளி படத்துக்கு நேட்டிவா விருது!

ஆனால் தமிழ் சினிமாவை பொருத்தவரை அஜித்குமாருக்கு முன்னதாகவே ஒரு நடிகர் விமானம் ஓட்டும் லைசன்ஸ் எடுத்துள்ளார். அது மட்டும் அல்லாமல் முதல் முறையாக ஒரு நடிகர் தமிழ் திரை உலகில் இருந்து ஹிந்தி திரையுலகிற்கு சென்று கொடிகட்டி பறந்ததும் இவர் தான். அவர் வேறு யாருமல்ல, ஒரு காலகட்டத்தில் தமிழ் சினிமாவின் மிகச்சிறந்த ஆளுமையாக திகழ்ந்து வந்த நடிகர் ரஞ்சன். இவரைப் பற்றி பெரிய அளவில் நமக்குத் தெரியாது என்றாலும், பிரபல திரைப்பட தயாரிப்பாளர் மற்றும் நடிகர் சித்ரா லட்சுமணன் சில தகவல்களை வெளியிட்டு இருக்கிறார்.

கடந்த 1941ம் ஆண்டு தமிழில் வெளியான "அசோக் குமார்" என்கின்ற திரைப்படத்தின் மூலம் அறிமுகமாகி, அதன் பிறகு ஒரு சில தமிழ் திரைப்படங்களில் நடித்து வந்த ரஞ்சனுக்கு மிகப்பெரிய வரவேற்பை கொடுத்த திரைப்படம் தான் கடந்த 1948ம் ஆண்டு பிரபல இயக்குனர் மற்றும் தயாரிப்பாளர் எஸ்.எஸ் வாசன் இயக்கம் மற்றும் தயாரிப்பில் வெளியான சந்திரலேகா என்கின்ற திரைப்படம். இந்த படம் வெளியாகி 75 ஆண்டுகளையும் கடந்து விட்டது என்றாலும், இன்றும் அப்படத்தின் சில சாதனைகள் முறியடிக்கப்படாமலேயே இருந்து வருகிறது. அப்பேர்ப்பட்ட திரைப்படத்தில் வில்லனாக நடித்து அசத்தியவர் ரஞ்சன். 

1949 ஆம் ஆண்டு முதல் இவர் ஹிந்தி மொழியிலும் பல திரைப்படங்களில் நடிக்க ஆரம்பித்தார். இறுதியாக 1969 ஆம் ஆண்டு வெளியான "கேப்டன் ரஞ்சன்" என்கின்ற திரைப்படத்தில் இவர் நடித்திருந்தார். வெகு சீக்கிரத்தில் தன்னுடைய திரையுலக வாழ்க்கைக்கு குட் பை சொன்ன ரஞ்சன், அமெரிக்காவின் நியூ ஜெர்சி மாகாணத்தில் தனது குடும்பத்தோடு செட்டிலான நிலையில் கடந்த 1983 ஆம் ஆண்டு செப்டம்பர் மாதம் 12ஆம் தேதி காலமானார்.

எம்ஜிஆர் காலகட்டத்திற்கு முன்னதாகவே திரை உலகில் வாள் சண்டை, குதிரை பயிற்சி, நடனம், இசை, பாடல் என்று பன்முகத் திறமையோடு வளம் வந்த ரஞ்சன், ஒரு மிகச் சிறந்த ஓவியரும் ஆவார். கிட்டத்தட்ட ஏழு மொழிகளை பேசும் திறன் படைத்திருந்த அவரிடம் 1960களின் முடிவிலேயே விமானம் ஓட்டும் பைலட் லைசென்ஸ் இருந்திருக்கிறது. தமிழ் திரையுலகை பொருத்தவரை விமானம் ஓட்டும் லைசன்ஸ் வைத்திருந்த முதல் நடிகரும் இவராகத்தான் இருக்கமுடியும் என்று நம்பப்படுகிறது.

ஓடிடியில் ரிலீசாகும் முன்பே டிவியில் ஒளிபரப்பாக உள்ள லால் சலாம் - எப்போ தெரியுமா?