தளபதி 67-ல் நடிக்கும் இந்தக் குழந்தை பிரபல நடிகரின் மகளா..! சர்ப்ரைஸ் தகவலை சந்தோஷமாக வெளியிட்ட தந்தை

நடிகர் விஜய் நடிக்கும் தளபதி 67 படத்தை லோகேஷ் கனகராஜ் இயக்குகிறார். இதில் விஜய்க்கு ஜோடியாக திரிஷா நடிக்கிறார். மேலும் மன்சூர் அலிகான், அர்ஜுன், கவுதம் மேனன், மிஷ்கின், மலையாள நடிகர் மேத்யூ, நடிகை பிரியா ஆனந்த், சாண்டி மாஸ்டர், சஞ்சய் தத் என மிகப்பெரிய நட்சத்திர பட்டாளமே இப்படத்தில் நடிக்கிறது. லலித் குமார் தயாரிக்கும் இப்படத்திற்கு அனிருத் இசையமைக்கிறார்.

தளபதி 67 படத்தின் படப்பிடிப்பு தற்போது காஷ்மீரில் நடைபெற்று வருகிறது. இதற்காக விஜய், திரிஷா உள்பட படக்குழுவினர் அனைவரும் காஷ்மீரில் முகாமிட்டுள்ளனர். அங்கு இரண்டு மாதங்கள் ஷூட்டிங்கை நடத்த திட்டமிட்டுள்ளார் லோகேஷ். தளபதி 67 படத்தின் அப்டேட்டுகள் கடந்த மூன்று நாட்களாக வந்து குவிந்த வண்ணம் உள்ளது.

இதையும் படியுங்கள்... வாத்தி பட இயக்குனர் திருமணம்... கிளாமர் உடையில் வந்து கலந்துகொண்டு ஷாக் கொடுத்த கீர்த்தி சுரேஷ் - வைரல் போட்டோ

அதன்படி நேற்று தளபதி 67 படத்தின் பூஜை வீடியோ வெளியிடப்பட்டது. அதில் விஜய்யுடன் இருந்து குழந்தை, பிரபல நடிகரின் மகள் என்கிற தகவல் வெளியாகி உள்ளது. காதலில் சொதப்புவது எப்படி, டிக் டிக் டிக், ஓ மை கோஸ்ட் போன்ற படங்களில் நகைச்சுவை கதாபாத்திரங்களில் நடித்து பிரபலமானவர் அர்ஜுனன். அவரின் மகள் இயல் என்பவர் தான் தற்போது தளபதி 67-ல் குழந்தை நட்சத்திரமாக நடிக்க கமிட் ஆகி உள்ளார்.

இந்த சந்தோஷமாக தகவலை வெளியிட்டு மகிழ்ச்சியை வெளிப்படுத்திய நடிகர் அர்ஜுனனுக்கு வாழ்த்துக்கள் குவிந்த வண்ணம் உள்ளன. நடிகர் அர்ஜுனனுக்கு இளன், இயல் என்கிற இரட்டை குழந்தைகள் உள்ளனர். இவர்கள் இருவருமே தற்போது சினிமாவில் நடித்து வருகின்றனர். அர்ஜுனனின் மகன் இளன் நயன்தாராவின் ஓ2, கவின் நடிப்பில் வெளியாக உள்ள டாடா போன்ற படங்களில் நடித்துள்ளார். அதேபோல் இயல், அருண்விஜய் உடன் அச்சம் என்பது இல்லையே, விஜய்யின் தளபதி 67 போன்ற படங்களில் நடிக்க கமிட் ஆகி உள்ளார் என்பது குறிப்பிடத்தக்கது.

இதையும் படியுங்கள்... அடேங்கப்பா... தளபதி 67-ல் விஜய்க்கு வில்லனாக நடிக்க சஞ்சய் தத்துக்கு இத்தனை கோடி சம்பளமா?