UPI பண பரிவர்த்தனையில் புதிய மாற்றம்.! இனிமேல் இந்த வசதி கிடையாது.!
யுபிஐ (ஒன்றிணைந்த பணம் செலுத்தும் இடைமுகம்) பயன்படுத்தும் கோடிக்கணக்கான பயனர்களுக்கு ஒரு முக்கிய மாற்றம் வரவிருக்கிறது. 2025 அக்டோபர் 1 முதல் நபருக்கு நபர் 'கோரிக்கை வைத்து பெறும்' வசதிை முழுமையாக நிறுத்தம்.
புதிய மாற்றம் என்ன?
அக்டோபர் 1 முதல் நபருக்கு நபர் 'கோரிக்கை வைத்து பெறும்' வசதியை என்பிசிஐ முழுமையாக நிறுத்தும். டிஜிட்டல் பரிவர்த்தனைகளை மேலும் பாதுகாப்பானதாக்குவதும் அதிகரித்து வரும் ஆன்லைன் மோசடிகளைத் தடுப்பதும் இந்த முடிவின் நோக்கமாகும்.
யாருக்கெல்லாம் விலக்கு?
இந்தத் தடை நபருக்கு நபர் கோரிக்கை வைத்து பெறும் பரிமாற்றங்களுக்கு மட்டுமே பொருந்தும். சாதாரண யுபிஐ பணப்பரிமாற்றங்களுக்கு இது பொருந்தாது. நண்பர்கள் அல்லது குடும்பத்தினருக்கு அவர்களின் யுபிஐ ஐடி அல்லது க்யூஆர் குறியீட்டை ஸ்கேன் செய்து பணம் அனுப்பலாம். வணிகர்கள் அல்லது சரிபார்க்கப்பட்ட நிறுவனங்களுக்கு யுபிஐ மூலம் பணம் செலுத்தலாம். நபருக்கு நபர் கோரிக்கை வைத்து பெறும் பரிமாற்றங்களுக்கு மட்டுமே இந்தத் தடை பொருந்தும் என்று என்பிசிஐ தெளிவுபடுத்தியுள்ளது. மோசடிகளைக் குறைக்க வணிகர்களுக்கான கேஒய்சி விதிகளை என்பிசிஐ கடுமையாக்கத் திட்டமிட்டுள்ளது.
நடப்பு விதிகள் மற்றும் பரிமாற்ற வரம்புகள்
தற்போது, எந்தவொரு யுபிஐ பயனரும் ஒரு பரிமாற்றத்தில் 2,000 ரூபாய் வரை 'கோரிக்கை வைத்து பெறலாம்'. ஆனால் என்பிசிஐயின் புதிய வழிகாட்டுதலுக்குப் பிறகு வங்கிகள் மற்றும் யுபிஐ செயலிகள் அத்தகைய பரிமாற்றங்களைச் செயல்படுத்த முடியாது.
டிஜிட்டல் பணப்பரிமாற்றம் அதிகரிக்கிறது, மோசடிகளும்
இதற்கிடையில், நாட்டின் யுபிஐ பரிமாற்றங்களில் பெரும் அதிகரிப்பு ஏற்பட்டுள்ளதாக புள்ளிவிவரங்கள் தெரிவிக்கின்றன. இது இந்தியாவில் டிஜிட்டல் பணப்பரிமாற்றத்தின் வளர்ந்து வரும் புகழை காட்டுகிறது. ஆனால் இந்த வளர்ச்சியுடன் கடந்த மூன்று நிதியாண்டுகளில் யுபிஐ பரிமாற்றங்களுடன் தொடர்புடைய மோசடி வழக்குகளும் வேகமாக அதிகரித்துள்ளதாக புள்ளிவிவரங்கள் தெரிவிக்கின்றன.
சுற்றுலாப் பயணிகளுக்கு யுபிஐ
யுபிஐ தொடர்பான மற்றொரு செய்தியில், இந்திய வங்கிக் கணக்கு இல்லாமலேயே நாடு முழுவதும் பணம் செலுத்த சுற்றுலாப் பயணிகள் மற்றும் வெளிநாடு வாழ் இந்தியர்களை (என்ஆர்ஐ) அனுமதிக்கும் யுபிஐ அடிப்படையிலான மொபைல் செயலியான மோனியை ஸ்மார்ட் பேமெண்ட் சொல்யூஷன்ஸ் என்ற ஆர்பிஐ கட்டுப்பாட்டில் உள்ள நிறுவனம் வெளியிட்டுள்ளதாகக் கூறப்படுகிறது.
மோனி செயலி
இந்தியாவின் யுபிஐ மற்றும் யுபிஐ ஒன் வேர்ல்ட் திட்டத்தின் அடிப்படையில் உருவாக்கப்பட்ட மோனி செயலி, வெளிநாட்டினர் உள்ளூர் கடைகள், உணவகங்கள் மற்றும் சில்லறை விற்பனைக் கடைகளில் க்யூஆர் குறியீடுகளை ஸ்கேன் செய்து பொருட்கள் மற்றும் சேவைகளுக்கு பணம் செலுத்த அனுமதிக்கும். இந்தியாவின் வேகமாக வளர்ந்து வரும் டிஜிட்டல் பொருளாதாரத்தில் நுழைய சிரமப்படும் சர்வதேச பார்வையாளர்கள் எதிர்கொள்ளும் சவால்களைக் குறைக்க இந்த சேவை வடிவமைக்கப்பட்டுள்ளது.