பிக்பாஸில் செம்ம டுவிஸ்ட்... மறுபடியும் காப்பாற்றப்பட்ட மாயா! அடப்பாவமே இந்த வாரம் எலிமினேட் ஆனது இவரா?

பிக்பாஸ் நிகழ்ச்சியின் 7-வது சீசன் பைனலை நோக்கி நகர்ந்து வருகிறது. 18 போட்டியாளர்களுடன் கடந்த ஆண்டு அக்டோபர் மாதம் தொடங்கிய இந்நிகழ்ச்சியில் ஒரே நாளில் 5 பேர் வைல்டு கார்டு எண்ட்ரியாகவும் உள்ளே வந்தனர். இதனால் ஆரம்பம் முதலே பரபரப்புக்கும் விறுவிறுப்புக்கும் பஞ்சமில்லாமல் சென்று கொண்டிருக்கிறது பிக்பாஸ் 7 நிகழ்ச்சி. இந்த சீசனில் சண்டைக்கோழியாக வலம் வந்த போட்டியாளர்களில் மாயாவும் ஒருவர்.

இவர் தற்போது இறுதிப்போட்டி வரை முன்னேறி இருக்கிறார். மாயாவை பலமுறை எலிமினேட் செய்யும் முயற்சிகளை பிக்பாஸ் ரசிகர்கள் மேற்கொண்டாலும் அவையெல்லாம் தோல்வியில் தான் முடிந்துள்ளன. அவரின் தோழியான பூர்ணிமாவும் இப்படி தான் ஒவ்வொரு வாரமும் தப்பி வந்தார். அவரையும் இறுதிவரை எலிமினேட் செய்யமுடியாமல் போனது. இதனிடையே கடந்த சில தினங்களுக்கு முன்னர் பூர்ணிமா பணப்பெட்டியோடு தானாக வெளியேறினார்.

இதையும் படியுங்கள்... பொம்பள Case போட்டுட்டாங்க... பூர்ணிமா வெளியேறியதும் மறைக்கப்பட்ட பல உண்மைகளை வெளியிட்ட பிரதீப் ஆண்டனி

பூர்ணிமா சென்றதற்கு பின்னர் பிக்பாஸ் வீட்டில் மாயா, விசித்ரா, அர்ச்சனா, விஜய் வர்மா, மணிச்சந்திரா, விஷ்ணு, தினேஷ் ஆகிய 8 பேர் மட்டுமே எஞ்சி இருந்தனர். அதில் விஷ்ணு ஏற்கனவே டிக்கெட் டூ பினாலே டாஸ்க்கில் வெற்றிபெற்று பைனலுக்குள் நேரடியாக நுழைந்துவிட்டதால் இந்த வார எவிக்‌ஷனில் அவரைத் தவிர எஞ்சியுள்ள 6 பேரும் சிக்கி இருந்தனர். இதில் இருந்து யார் வெளியே போவார்கள் என்கிற குழப்பம் ரசிகர்கள் மத்தியில் இருந்து வந்தது.

UnOfficial வாக்கெடுப்பின்படி மாயா தான் குறைவான வாக்குகளை பெற்று இருந்ததால், அவர் வெளியேற்றப்படலாம் என ரசிகர்கள் எண்ணி காத்திருந்த நிலையில், தற்போது எவிக்‌ஷனில் திடீர் டுவிஸ்ட் நடந்துள்ளதாக தகவல் கசிந்துள்ளது. அதன்படி இந்த வாரமும் மாயா காப்பற்றப்பட்டு உள்ளதாக கூறப்படுகிறது. அவருக்கு பதிலாக இந்த வாரம் விசித்ரா எலிமினேட் ஆகி உள்ளதாக தகவல்கள் தெரிவிக்கின்றன. இந்த தகவல் பிக்பாஸ் ரசிகர்களுக்கு அதிர்ச்சி அளித்துள்ளது. 

இதையும் படியுங்கள்... தயாரிப்பாளராக மாற நினைத்து மொத்த பணத்தையும் இழந்த நடிகைகள்.. சாவித்ரியின் நிலை யாருக்கும் வரக்கூடாது..