வைல்டு கார்டு எண்ட்ரியாக பிக்பாஸ் வீட்டுக்குள் செல்கிறாரா ஆபாச பட நடிகை மியா கலீஃபா..?

புகழ்பெற்ற ரியாலிட்டி ஷோவான பிக்பாஸ் நிகழ்ச்சியில் ஆபாச பட நடிகை மியா கலீஃபா வைல்டு கார்டு போட்டியாளராக எண்ட்ரி கொடுக்க உள்ளதாக தகவல் வெளியாகி பரபரப்பை ஏற்படுத்தி உள்ளது.

இந்தியாவில் பேமஸ் ஆன ரியாலிட்டி ஷோகளில் ஒன்று பிக்பாஸ் நிகழ்ச்சி. தமிழ், தெலுங்கு, மலையாளம், கன்னடம், இந்தி, மராத்தி என பல்வேறு மொழிகளில் இந்நிகழ்ச்சி நடத்தப்படுகிறது. இந்தியாவில் முதன்முதலில் இந்தியில் தான் பிக்பாஸ் நிகழ்ச்சி நடத்தப்பட்டது. இந்தி பிக்பாஸ் நிகழ்ச்சி இதுவரை 15 சீசன்கள் முடிந்துள்ளது. தற்போது 16-வது சீசன் நடைபெற்று வருகிறது.

சல்மான் கான் தொகுத்து வழங்கும் இந்நிகழ்ச்சியில் புகழ்பெற்ற ஆபாச பட நடிகையான மியா கலீஃபா வைல்டு கார்டு எண்ட்ரியாக பிக்பாஸ் வீட்டுக்குள் செல்ல உள்ளதாக செய்தி வெளியாகி சமூக வலைதளங்களில் காட்டுத்தீ போல் பரவியது. ஏற்கனவே ஆபாச பட நடிகை சன்னி லியோன் தற்போது பாலிவுட்டில் முன்னணி நடிகையாக கலக்கி வரும் நிலையில், மியா கலீஃபா பிக்பாஸ் நிகழ்ச்சி மூலம் இந்தியாவில் காலடி எடுத்த வைத்தால், அவரும் சன்னி லியோனுக்கு டஃப் கொடுப்பார் என்றெல்லாம் பாலிவுட் வட்டாரத்தில் பேச்சு அடிபடத்தொடங்கியது.

இதையும் படியுங்கள்... சிம்புவை பாட வைத்த ‘வாரிசு’ படக்குழு... போட்டிக்கு லேடி சூப்பர்ஸ்டாரை பாட வைத்து கெத்து காட்டும் ‘துணிவு’ டீம்

ஆனால் உண்மையில், மியா கலீஃபா பிக்பாஸ் நிகழ்ச்சியில் கலந்துகொள்ள உள்ளதாக பரவிய தகவல் வெறும் வதந்தி என்று தெரியவந்துள்ளது. மியா கலீஃபா பற்றி இதுபோன்ற வதந்திகள் பரவுவது புதிதல்ல. ஏற்கனவே கடந்த 2015-ம் ஆண்டே அவர் பிக்பாஸ் நிகழ்ச்சியில் போட்டியாளராக கலந்துகொள்ள உள்ளதாக செய்திகள் வெளியானது. இதற்கு மறுப்பு தெரிவித்த மியா, தான் ஒருபோதும் இந்தியாவுக்கு வரமாட்டேன் என டுவிட் செய்து அதிர்ச்சி கொடுத்தார்.

மியா கலீஃபாவிற்கு இந்தியாவில் மிகப்பெரிய ரசிகர் பட்டாளமே உள்ளது. இவர் கடந்த 2014-15 ஆண்டு காலகட்டத்தில் மூன்று மாதங்கள் மட்டும் ஆபாச படங்களில் நடித்தார். அந்த மூன்று மாதங்களில் இவர் பல கோடி ரூபாய் சம்பாதித்ததாக கூறப்பட்டது. ஆனால் தான் ஆபாச படங்களில் நடித்ததன் மூலம் வெறும் 12 ஆயிரம் டாலர் மட்டுமே சம்பாதித்ததாக டுவிட்டரில் அறிவித்து ரசிகர்களுக்கு ஷாக் கொடுத்தார் மியா கலீஃபா. தற்போது அவர் ஆபாச படங்களில் நடிப்பதில்லை என்பது குறிப்பிடத்தக்கது.

இதையும் படியுங்கள்... ஆளவந்தான் பட நடிகர் அதிர்ச்சி மரணம்..! உருக்கமாக பதிவிட்டு இரங்கல் தெரிவித்த கமல் ஹாசன்!