Asianet News TamilAsianet News Tamil

ஸ்டிக்கர் பாய்ஸ் கம் டு பொசிஸன்... தல ரசிகர்களை தலை சுற்ற வைத்த சிறுத்தை!

நான் இயக்கப்போகும் அடுத்த படம் அஜித்சார் படம் இல்லை. என்னோட அடுத்த படத்தை வெளியிலதான் பண்றேன். அதுக்கான பேச்சுவார்த்தை நடக்குது!: என்று இயக்குநர் சிறுத்தை சிவா கூறியிருக்கிறார்.

thala ajith fans
Author
Chennai, First Published Dec 6, 2018, 5:30 PM IST
  • Facebook
  • Twitter
  • Whatsapp

* நான் இயக்கப்போகும் அடுத்த படம் அஜித்சார் படம் இல்லை. என்னோட அடுத்த படத்தை வெளியிலதான் பண்றேன். அதுக்கான பேச்சுவார்த்தை நடக்குது!: என்று இயக்குநர் சிறுத்தை சிவா கூறியிருக்கிறார். (ஆஹா! ஆஹா! இந்த வார்த்தையை கேட்கத்தானே ஒருவருஷமா தவம் கிடந்தீங்க அஜித் ரசிகர்களே. சிறுத்தையே சொன்னபிறகு என்ன டவுட்டு? சந்தோஷத்துல தலை சுத்துதா? ஸ்வீட் எடு, கொண்டாடு.)

* கருணாநிதி இறந்ததற்குப் பிறகு கோபாலபுரம் வீட்டில் மின்சார பயன்பாடு வெகுவாய் குறைந்துவிட்டது: செய்தி. (மெயின் ஃபியூஸே போன பிறகு எப்படிங்க லைட் எரியும்? லைட்டே எரியலேன்னா மீட்டர் என்னத்த ஓடி, சார்ஜ் ஏறி?)

* ஜெயலலிதாவின் வாழ்க்கையை வைத்து எடுக்கப்படும் ‘தி அயர்ன் லேடி’ படத்தின் ஃபர்ஸ்ட் லுக் வெளியாகியது. நித்யாமேனனா அல்லது ஜெயலலிதாவா என்று தெரிய அளவுக்கு உருவம் பொருந்திப் போயிருக்கிறது: செய்தி. (ஓ.கே. எப்படியும் படத்துல பஞ்சாயத்துகள் கொடிகட்டி பறக்கும், ஸ்டிக்கர் பாய்ஸ் ஆல் ஸ்டாண்ட் அப் அண்டு கம் டு பொசிஸன்)

* வெறும் தூறலுக்கெல்லாம் பள்ளிக்கு லீவு இனிமேல் கிடையாது. மழையின் அளவு அதிகமாக இருக்குமா, எந்த பகுதிகளில் பாதிப்பு இருக்கும்? என்பதையெல்லாம் கவனித்து, கணித்து அதற்கேற்ப ஆலோசித்தே முடிவெடுத்து லீவு விடப்படும்: அரசு தகவல். (தூறலுக்கெல்லாம் லீவு விடமாட்டாங்க, ஆனா எம்.ஜி.ஆர். விழா மாதிரி அரசாங்கம் நடத்துற ஃபங்ஷனுக்கெல்லாம் கத்திரி வெயிலே அடிச்சாலும் ‘கனமழை அபாயம் உள்ளது’ன்னு  சொல்லி லீவு விட்டுடுவோம்.)

* நிச்சயம்! மத்திய மற்றும் மாநில ஆட்சிகள் தொலைந்திடும் நாள் தொலைவில் இல்லை. கூடிய விரைவில் நல்லிணக்க ஆட்சிகள் இரு இடங்களிலும் மலரும்: மு.க. ஸ்டாலின். (தல....ம்ம்ம்முடியல தல! இதே டயலாக்க கேட்டு கேட்டு புளிச்சுப் போயி காதுகளே கண்டமாகிடுச்சு. அதுங்காட்டி வேற எதுனா ட்ரை பண்ணுங்க. கொஞ்ச நாளைக்கு அத சொல்லி ஓட்டுவோம்.

Follow Us:
Download App:
  • android
  • ios