தலைவா பட ‘டைம் டூ லீடு’ டேக் லைன் நான் போடல... அது அவரோட ஐடியா - ஏ.எல்.விஜய் பகிர்ந்த சீக்ரெட்

தளபதி விஜய் நடித்த 'தலைவா' படத்தின் ‘டைம் டூ லீடு’ என்கிற சர்ச்சைக்குரிய டேக்லைனுக்குப் பின்னால் ஒரு பெரிய திட்டம் இருந்ததா என்கிற கேள்விக்கு ஏ.எல்.விஜய் பதில் அளித்து உள்ளார்.

Image Credit : our own

Time To Lead Tagline Secret

தமிழ் திரையுலகில் 'தளபதி' விஜய் படம் என்றாலே, அதில் ஏதாவது ஒரு சாதனையோ அல்லது பரபரப்போ நிச்சயம் இருக்கும். ஆனால் 2013-ல் வெளியான 'தலைவா' திரைப்படம் உருவாக்கிய சர்ச்சை சாதாரணமானதல்ல. அந்தக் காலகட்டத்தில், இந்தப் படம் தமிழ்நாட்டில் ஒரு பெரிய அரசியல் புயலையே கிளப்பியது. அதற்கு முக்கியக் காரணம், படத்தின் தலைப்புக்குக் கீழே இருந்த 'டைம் டூ லீடு' (Time To Lead) என்ற சிறிய வரிதான்! இப்போது, சுமார் 13 ஆண்டுகளுக்குப் பிறகு, அந்த டேக்லைனுக்குப் பின்னால் உள்ள உண்மையான ரகசியத்தை இயக்குநர் ஏ.எல். விஜய் வெளிப்படுத்தியுள்ளார்.

Image Credit : Google

அந்த 'டைம் டூ லீடு' டேக்லைனைச் சேர்த்தது யார்?

இயக்குநர் ஏ.எல். விஜய் தற்போது தனது புதிய படமான 'காதல் ரீசெட் ரிப்பீட்' படத்தின் விளம்பரப் பணிகளில் பிஸியாக இருக்கிறார். அப்போது ஒரு நேர்காணலில், 'தலைவா' படம் குறித்து மனம்திறந்து பேசியுள்ளார். "படத்தின் தலைப்புக்குக் கீழே 'Time To Lead' என்று சேர்த்தது நான் அல்ல" என்று கூறி அனைவரையும் ஆச்சரியப்படுத்தியுள்ளார்.

இயக்குநரின் கருத்துப்படி, படத்திற்கு 'தலைவா' என்று மட்டுமே பெயர் வைக்கப்பட்டிருந்தது. ஆனால், படத்தின் தயாரிப்பாளரான சந்திரபிரகாஷ் ஜெயின், இந்த டேக் லைன் படத்திற்கு ஒரு வலு சேர்க்கும் மற்றும் விளம்பரத்திற்கு உதவும் என்று கருதி அதைச் சேர்த்தாராம். இந்த விஷயத்தில் இயக்குநருக்கு எந்தப் பங்கும் இல்லை என்பது இப்போது வெளிப்படையாகியுள்ளது. ஆனால் அன்று, இந்த ஒரு வரி விஜய்யை அரசியலுக்குள் இழுத்து, படத்தின் வெளியீட்டிற்குப் பெரும் தடைகளை ஏற்படுத்தியது.

Image Credit : our own

'தலைவா' ஒரு அரசியல் படமே அல்ல!

அன்று இந்தப் படம் விஜய்யின் அரசியல் பிரவேசத்திற்கு ஒரு தொடக்கமாக இருக்கும் என்று அனைவரும் கருதினர். ஆனால், இயக்குநர் ஏ.எல். விஜய் இதுகுறித்து தெளிவுபடுத்தியுள்ளார். "தலைவா ஒரு அரசியல் படம் கிடையாது. அது ஒரு சாதாரண மனிதன் தன் சமூகத்திற்காக எப்படி தலைவனாக வளர்கிறான் என்ற கதை. சத்யராஜ் பாத்திரம் செய்யும் வேலையை, பின்னர் அவரது மகன் (விஜய்) எப்படி தொடர்கிறார் என்பதே படத்தின் சாராம்சம். இது உறவுகள் மற்றும் பொறுப்புகள் பற்றிய படமே தவிர, அரசியல் படம் அல்ல" என்று அவர் விளக்கியுள்ளார்.

Image Credit : our own

பாக்ஸ் ஆபிஸில் வசூல் எப்படி இருந்தது?

அமலா பால் கதாநாயகியாக நடித்த இந்தப் படத்தில் சத்யராஜ், சந்தானம், நாசர் மற்றும் பொன்வண்ணன் ஆகியோர் முக்கிய கதாபாத்திரங்களில் நடித்திருந்தனர். ஜி.வி. பிரகாஷ் குமாரின் இசை படத்திற்கு ஒரு பிளஸ் பாயிண்டாக அமைந்தது. அன்று பலத்த எதிர்ப்பு மற்றும் தாமதத்திற்குப் பிறகு வெளியான 'தலைவா', விமர்சகர்களிடமிருந்து கலவையான விமர்சனங்களைப் பெற்றது. சுமார் 60 கோடி ரூபாய் செலவில் தயாரிக்கப்பட்ட இந்தப் படம், சர்ச்சைகளுக்கு மத்தியிலும் 80 கோடி ரூபாய்க்கும் மேல் வசூல் செய்து பாக்ஸ் ஆபிஸில் வெற்றி பெற்றது.

தற்போது ஏ.எல். விஜய், ஹாரிஸ் ஜெயராஜ் இசையமைக்கும் தனது புதிய படத்தின் வெற்றியை எதிர்பார்த்துக் காத்திருக்கிறார். ஆனால், ஒரு தசாப்தத்திற்கு முந்தைய இந்த உண்மை, இப்போது ரசிகர்கள் மத்தியில் மீண்டும் ஒரு விவாதப் பொருளாகியுள்ளது.