கூலி படம் பார்க்க சென்னையில் உள்ள வெற்றி தியேட்டருக்கு வந்த நடிகை ஸ்ருதிஹாசனை, திரையரங்கில் வேலை பார்க்கும் ஊழியர் ஒருவர் உள்ளே அனுமதிக்காத போது எடுத்த வீடியோ வைரலாகி வருகிறது.
Entry Denied for Shruti Haasan in Theatre : :ரஜினிகாந்த் நடிப்பில் வெளியாகி வசூல் சாதனை படைத்து வரும் படம் 'கூலி'. இப்படத்தில் நடித்த நடிகை ஸ்ருதி ஹாசன், சென்னையில் உள்ள தியேட்டர் ஒன்றில் படம் பார்க்கச் சென்றார். தியேட்டரின் பாதுகாவலர் ஒருவர் அவரை அடையாளம் காணாததால், உள்ளே நுழைய அனுமதி மறுத்துள்ளார். தன்னை அடையாளப்படுத்திக் கொண்ட பின்னர், சிரித்த முகத்துடன் உள்ளே சென்ற ஸ்ருதியின் வீடியோ சமூக வலைத்தளங்களில் வைரலாகி வருகிறது. பாதுகாவலரிடம் கோபப்படாமல், நகைச்சுவையாக இச்சம்பவத்தை எதிர்கொண்டதற்காக ரசிகர்கள் அவரைப் பாராட்டி வருகின்றனர்.
தியேட்டருக்குள் நுழைய அனுமதி மறுப்பு
இந்த வீடியோ சமூக வலைத்தளத்தில் வைரலாகி வருகிறது. நண்பர்களுடன் படம் பார்க்கச் சென்ற ஸ்ருதியை, தியேட்டர் பாதுகாவலர் தடுத்து நிறுத்தியுள்ளார். "நான் இந்தப் படத்தில் நடிச்சிருக்கேன். தயவுசெய்து உள்ளே விடுங்க அண்ணா. நான் தான் ஹீரோயின் சார்" என்று நகைச்சுவையாகக் கூறியுள்ளார். இதனைக் கேட்ட அங்கிருந்தவர்கள் சிரித்துள்ளனர். பின்னர் கார் கண்ணாடியை திறந்து பார்த்து அடையாளம் கண்ட பின்னரே பாதுகாவலர் அவரை உள்ளே அனுமதித்துள்ளார். ஆகஸ்ட் 14 ஆம் தேதி, ரஜினிகாந்த் மற்றும் ஸ்ருதி ஹாசன் நடித்த 'கூலி' படம் வெளியான நாளில், சென்னையில் உள்ள வெற்றி தியேட்டரில் இந்தச் சம்பவம் நடந்துள்ளது.
Related Articles
தியேட்டர் உரிமையாளர் ராக்கேஷ் கௌதமன் இந்த வீடியோவைப் பார்த்து, சமூக வலைத்தளத்தில் பகிர்ந்துள்ளார். "என் ஊழியர் ராயல் தன் கடமையைச் சிறப்பாகச் செய்துள்ளார். நகைச்சுவையான தருணம். எங்களுடன் இருந்ததற்கு நன்றி, திருமதி. ஸ்ருதி ஹாசன். கூலி படத்தை ரசித்திருப்பீர்கள் என்று நம்புகிறேன்" என்று பதிவிட்டுள்ளார். ஸ்ருதி ஹாசனின் இந்த செயல் ரசிகர்களின் மனதை வென்றுள்ளது. அவரது பெருந்தன்மையைப் பலரும் பாராட்டி வருகின்றனர்.
'கூலி' வசூல் சாதனை
லோகேஷ் கனகராஜ் இயக்கத்தில் உருவான 'கூலி' படம் ஆகஸ்ட் 14 ஆம் தேதி வெளியானது. முதல் நாளில் இந்தியாவில் 65 கோடி ரூபாயும், உலகம் முழுவதும் 151 கோடி ரூபாயும் வசூலித்துள்ளது. இரண்டாம் நாள் வசூல் 80 கோடி ரூபாய். இதுவரை உலகம் முழுவதும் 230 கோடி ரூபாய்க்கும் மேல் வசூலித்து சாதனை படைத்துள்ளது. இந்தப் படத்தில் ரஜினிகாந்த், ஸ்ருதி ஹாசன், நாகர்ஜுனா, உபேந்திரா, சோபின் ஷாஹிர், காளி வெங்கட் உள்ளிட்ட பலர் நடித்துள்ளனர்.