"அப்டேட் விடுடா".. தகாத வார்த்தையால் வெங்கட் பிரபுவை திட்டிய Netizen - மாஸ் ரிப்ளையால் அவரை OFF பண்ண இயக்குனர்
Venkat Prabhu : தளபதி விஜய் அவர்கள் விரைவில் முழு நேர அரசியல் ஈடுபட உள்ள நிலையில், அவருடைய இறுதி இரண்டு திரைப்படங்களும் அவருடைய ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி உள்ளது.
தளபதி விஜய் அவர்கள் தற்பொழுது முதல் முறையாக பிரபல இயக்குனர் வெங்கட் பிரபு இயக்கத்தில் உருவாகி வரும் "தி கிரேட்டஸ்ட் ஆஃப் ஆல் டைம்" என்கின்ற திரைப்படத்தில் நடித்து வருகிறார். டி ஏஜிங் தொழில்நுட்பத்தை பயன்படுத்தி விஜயை மிகவும் இளமையாக இந்த திரைப்படத்தில் காட்டப் போகிறார்கள் என்கின்ற ஆர்வம் இப்போதிலிருந்தே அவருடைய ரசிகர்கள் மத்தியில் எழுந்துள்ளது.
இந்த திரைப்படத்தில் இரட்டை வேடங்களில் தளபதி விஜய் அவர்கள் நடிக்க உள்ளது குறிப்பிடத்தக்கது. அது மட்டுமில்லாமல் தமிழ் சினிமாவில் மூத்த நடிகர், நடிகைகளான பிரசாந்த், பிரபுதேவா, சினேகா மற்றும் லைலா உள்ளிட்ட பலரும் இந்த படத்தில் நடித்து வருவது தளபதி விஜய் அவர்களுடைய ரசிகர்கள் மத்தியில் மிக மிகப் பெரிய அளவிலான எதிர்பார்ப்புகளை ஏற்படுத்தி உள்ளது.
இந்நிலையில் சமூக வலைதளங்களில் சில தினங்களுக்கு முன்பு வெங்கட் பிரபு அவர்களிடம் கோட் திரைப்படத்தின் முதல் சிங்கிள் எப்பொழுது வெளியாகும் என்று கேட்கப்பட்டது. அதற்கு அவர் Too Early Bro என்று ரிப்ளை செய்திருந்தார். இந்நிலையில் நேற்று அவருடைய எக்ஸ் பக்கத்தில் ஒரு நெட்டிசன் நீங்கள் Too Early ஏ என்று சொல்லி ஒரு வாரம் ஆகிவிட்டது என்று குறிப்பிட்டிருந்தார்.
அதுமட்டுமல்லாமல் ஒரு தகாத வார்த்தையையும் குறிப்பிட்டு "டே அப்டேட் கொடுடா" என்று கேட்டுள்ளார். இதற்கு சற்றும் கோவப்படாமல் ரிப்ளை செய்த் வெங்கட் "நான் சொல்லலாம் என்று தான் நினைத்தேன். ஆனால் இனிமேல் எப்படி சொல்வது? என்று கூறி தளபதி ரசிகர்களை டேக் செய்து மாஸ் ரிப்ளை ஒன்றை கொடுத்து தகாத வார்த்தையில் திட்டிய அந்த நெட்டிசனின் வாயை அடைத்துள்ளார்.
சேனலை கிளிக் செய்து பின்தொடரவும்
