தனுஷ் நடித்துள்ள இட்லி கடை திரைப்படம் இன்று ரிலீஸ் ஆன நிலையில், அதைக் கொண்டாடும் விதமாக தனுஷ் ரசிகர்கள், தியேட்டரிலேயே இட்லி கடை போட்டு இலவசமாக இட்லி வழங்கி உள்ளனர்.
Idli Shop in Rohini Theatre : தனுஷ் இயக்கி, ஹீரோவாக நடித்துள்ள இட்லி கடை திரைப்படம் இன்று உலகமெங்கும் திரையரங்குகளில் ரிலீஸ் ஆகி உள்ளது. இப்படத்தில் தனுஷ் உடன் சத்யராஜ், நித்யா மேனன், பார்த்திபன், இளவரசு, அருண் விஜய், ராஜ்கிரண், ஷாலினி பாண்டே ஆகியோர் முக்கிய கதாபாத்திரத்தில் நடித்துள்ள இப்படத்திற்கு ஜிவி பிரகாஷ் குமார் இசையமைத்துள்ளார். இப்படத்தை டான் பிக்சர்ஸ் சார்பில் ஆகாஷ் பாஸ்கரன் மற்றும் ஒண்டர்பார் நிறுவனம் சார்பில் தனுஷும் இணைந்து தயாரித்துள்ளனர்.
தமிழ்நாட்டில் இன்று காலை 9 மணிக்கு இட்லி கடை படத்தின் முதல் காட்சி திரையிடப்பட்டது. இதற்காக 7 மணி முதலே தியேட்டர் முன் குவியத் தொடங்கிய ரசிகர்கள், மேள தாளங்கள் முழங்க ஆடிப் பாடி, தனுஷின் கட் அவுட்டுக்கு பாலாபிஷேகம் செய்தும், பட்டாசு வெடித்தும் தடபுடலாக கொண்டாடினர். சென்னையில் உள்ள தனுஷ் ரசிகர்கள் இதில் ஒரு படி மேலே போய் ஒரு சிறப்பான சம்பவத்தை செய்திருக்கிறார்கள். அதற்கு பாராட்டுகளும் குவிந்து வருகிறது.
இட்லி கடை போட்ட தனுஷ் ரசிகர்கள்
அதன்படி சென்னை கோயம்பேட்டில் உள்ள புகழ்பெற்ற ரோகிணி திரையரங்கில் இன்று காலை முதலே படம் பார்க்க வரும் ரசிகர்களுக்கு இலவசமாக இட்லி, சாம்பார், சட்னி வழங்கி இட்லி கடை படத்தின் ரிலீஸ் கொண்டாட்டத்தை புதுவிதமாக செய்து அசத்தி உள்ளனர். இட்லி கடை படத்திற்காக ஒரு இட்லி கடையே தியேட்டர் வளாகத்தில் போட்டு, அங்கு சுடசுட இட்லி பரிமாறி இருக்கிறார்கள். தனுஷ் ரசிகர்களின் இந்த செயலுக்கு பாராட்டுக்கள் குவிந்து வருகின்றன.
Related Articles
இட்லி கடை திரைப்படம் நடிகர் தனுஷ் இயக்கிய நான்காவது திரைப்படம் ஆகும். இதற்கு முன்னர் பா.பாண்டி, ராயன், நிலவுக்கு என்மேல் என்னடி கோபம் போன்ற படங்களை இயக்கி இருந்தார் தனுஷ். இந்த நான்கு படங்களுமே வெவ்வேறு கதைக்களத்தில் உருவாகி இருந்தன. இன்று ரிலீஸ் ஆகி இருக்கும் இட்லி கடை படத்திற்கு பாசிடிவ் விமர்சனங்கள் குவிந்து வருகின்றன. தனுஷ் நடிப்பில் மட்டுமல்ல இயக்கத்திலும் ஜொலித்துள்ளதாக படம் பார்த்தவர்கள் கூறி வருகிறார்கள்.