Asianet News TamilAsianet News Tamil

vimal: அண்ணாத்த பாணியில் ஒரு படம்.... பிக்பாஸ் பிரபலத்துக்கு அண்ணனாக நடிக்கும் விமல்

நடிகர் விமல் கைவசம் சண்டக்காரி, எங்க பாட்டன் சொத்து, குலசாமி போன்ற படங்கள் உள்ள நிலையில், தற்போது மேலும் ஒரு புதிய படத்தில் கமிட் ஆகி உள்ளார்.

Actor Vemals next movie with biggboss fame anitha sambath
Author
Tamil Nadu, First Published Nov 21, 2021, 11:21 AM IST
  • Facebook
  • Twitter
  • Whatsapp

தமிழில் சினிமாவில் துணை நடிகராக அறிமுகமாகி, பல்வேறு போராட்டங்களை கடந்து கதாநாயகன் என்கிற இடத்தை பிடித்துள்ளவர் விமல். இயக்குனர் பாண்டிராஜ் இயக்கிய முதல் திரைப்படமான ’பசங்க’ என்ற திரைப்படத்தின் மூலம் ஹீரோவாக அறிமுகமானார். முதல் படத்திலேயே இவருடைய எதார்த்தமான நடிப்பு ரசிகர்களை கவர்ந்தது. 

Actor Vemals next movie with biggboss fame anitha sambath

இந்த படத்தை தொடர்ந்து இவர் நடிப்பில் வெளியான கிராமத்து கதையம்சம் கொண்ட, 'களவாணி'. சூப்பர் டூப்பர் ஹிட் அடித்தது. இதை தொடர்ந்து தூங்காநகரம், கலகலப்பு, கேடி பில்லா கில்லாடி ரங்கா, உள்ளிட்ட பல திரைப்படங்களில் ஹீரோவாக நடித்து, தமிழ் சினிமாவில் நிலையான கதாநாயகனாவும் இடம் பிடித்துவிட்டார். 

சண்டக்காரி, எங்க பாட்டன் சொத்து, குலசாமி போன்ற படங்களை கைவசம் வைத்துள்ள விமல், தற்போது மேலும் ஒரு புதிய படத்தில் கமிட் ஆகி உள்ளார். பெயரிடப்படாத இப்படத்தை உதய் புரொடக்சன்ஸ் மற்றும் மேஜிக் டச் பிச்சர்ஸ் தயாரிப்பு நிறுவனம் இணைந்து தயாரிக்கிறது.

Actor Vemals next movie with biggboss fame anitha sambath

இயக்குனர் மார்ட்டின் நிர்மல் குமார் இயக்கும் இப்படம் குடும்ப உறவுகளை மையமாக வைத்து உருவாகியுள்ளது. நடிகர் விமல் கதாநாயகனாக நடிக்கும் இப்படத்தில் பாண்டியராஜன் விமலின் தந்தையாக நடிக்கிறார், சகோதரியாக பிக்பாஸ் பிரபலம் அனிதா சம்பத் நடிக்கிறார். தன் தங்கைக்கு திருமணம் செய்து வைக்க போராடும் ஒரு அண்ணனின் வாழ்வை மையமாகக் கொண்டு இப்படம் உருவாக்கப்பட்டுள்ளது.

Actor Vemals next movie with biggboss fame anitha sambath

ஆடுகளம் நரேன், பாலசரவணன், தீபா, நேகா ஜா ஆகியோர் இப்படத்தில் முக்கிய கதாபாத்திரத்தில் நடிக்கின்றனர். கமில் ஜே அலெக்ஸ் ஒளிப்பதிவு செய்யும் இப்படத்துக்கு காட்வின் இசையமைக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. 

Follow Us:
Download App:
  • android
  • ios