’பார்க்கிங்’ படத்தின் சக்சஸ் மீட்டில்.. இயக்குனருக்கு காஸ்டலி கிஃப்ட் கொடுத்த நடிகர் ஹரிஷ் கல்யாண்!
’பார்க்கிங்’ படத்தின் சக்சஸ் மீட்டில், இயக்குநர் ராம்குமார் பாலகிருஷ்ணனுக்கு தங்க வளையம் பரிசாக கொடுத்து இன்ப அதிர்ச்சி கொடுத்தார் நடிகர் ஹரிஷ் கல்யாண்.
![Actor Harish Kalyan gave a gift to the Parking movie director ramkumar balakrishnan mma Actor Harish Kalyan gave a gift to the Parking movie director ramkumar balakrishnan mma](https://static-ai.asianetnews.com/images/01hhrzsh4980kza3qpz4zvw46e/323810af-0bf2-42be-a94d-8489ffb76f99_363x203xt.jpg)
ராம்குமார் பாலகிருஷ்ணன் இயக்கத்தில், ஹரிஷ் கல்யாண், இந்துஜா, எம்.எஸ்.பாஸ்கர், ராம ராஜேந்திரா, பிரார்த்தனா நாதன், இளவரசு மற்றும் பலருடைய நடிப்பில் வெளியான ’பார்க்கிங்’ திரைப்படம் கடந்த வாரம் வெளியான நிலையில் ரசிகர்கள் மத்தியில் நல்ல வரவேற்பை பெற்றது.
ஒரு எளிமையான பிரச்னையை... ஆழமான கதைக்களத்துடன், அனைவருக்கும் ரிலேட் ஆகும் வகையில் இந்த படத்தை இயக்கி இருந்தார் அறிமுக இயக்குனர் ராம்குமார் பாலகிருஷ்ணன். ஒரு வாரத்தை கடந்தும்.. பல திரையரங்குகளில் ஓடிக்கொண்டிருக்கும் இந்த படத்தின் படத்தின் சக்ஸஸ் மீட் இன்று நடந்தது. இதில் இப்படத்தில் நடித்த நடிகர், நடிகைகள், இயக்குனர், தயாரிப்பாளர் மற்றும் ஒட்டு மொத்த படக்குழுவினர் அனைவரும் கலந்து கொண்டனர்.
இந்நிலையில், படத்தின் சக்ஸஸ் மீட்டில் கலந்து கொண்டு பேசிய... நடிகர் ஹரிஷ் கல்யாண், “படத்தை மக்களிடம் கொண்டு போய் சேர்த்த மீடியாவுக்கு நன்றி. இதன் வெற்றி எனக்கு மிகவும் முக்கியமான ஒன்று. பார்வையாளர்களை தியேட்டரில் நேரில் சந்தித்தோம். இந்தப் படத்தை எல்லோரும் அப்படி கொண்டாடினார்கள். இந்த வருடத்தின் ஹிட் படங்களில் இது நிச்சயம் இருக்கும் என பலரும் சொன்னார்கள். நீங்கள் கொடுத்த அன்பால்தான் இங்கு நிற்கிறோம். இந்த வாய்ப்புக் கொடுத்த இயக்குநர் ராம், தயாரிப்பாளர் சினிஸ், சுதன் இவர்களுக்கும் நன்றி. வெற்றி இயக்குநர் பட்டியலில் ராம் நிச்சயம் இருப்பார். படத்தில் வேலை பார்த்த எம்.எஸ். பாஸ்கர் சார், இந்துஜா, பிரார்த்தனா அனைவருக்கும் நன்றி.
இந்த வெற்றி சந்தோஷத்தையும் தாண்டி பயத்தையும் பொறுப்பையும் கொடுத்துள்ளது. ரொம்ப கஷ்டப்பட்டு இந்த இடத்திற்கு வந்துள்ளேன் என்பது அனைவருக்கும் தெரியும். அதனால், என்னுடைய ஒவ்வொரு படத்திலும் நல்ல கதைகளைத் தேர்ந்தெடுக்க வேண்டும் என்ற பொறுப்பு கூடியுள்ளது” என்றார். மேலும் இப்படி ஒரு வெற்றிப்படத்தில் நடிக்க தன்னை தேர்வு செய்த இயக்குனர் ராம்குமார் பாலகிருஷ்ணனுக்கு தங்க வளையம் பரிசாக கொடுத்து இன்ப அதிர்ச்சி கொடுத்துள்ளார்.