Tamil News Live Updates: இதில் எந்த உளவுத்துறை தோல்வியும் இல்லை... அமைச்சர் ரகுபதி

அரசு பொதுத்துறை நிறுவனங்களில் பணிபுரியும் ஊழியர்களுக்கு 20 சதவீதம் போனஸ் வழங்கப்படும் என தமிழ்நாடு அரசு அறிவித்துள்ளது

தமிழ்நாடு அமைச்சரவை கூட்டம் வருகிற 31ஆம் தேதி கூடுவதாக அறிவிக்கப்பட்டுள்ளது

கருக்கா வினோத்தை ஜாமீனில் எடுத்த வழக்கறிஞர் பாஜகவில் இருப்பதாக தகவல் கிடைத்துள்ளதாக சட்டத்துறை அமைச்சர் ரகுபதி தெரிவித்துள்ளார்

தமிழ்நாடு அமைச்சரவை கூட்டம் வருகிற 31ஆம் தேதி கூடுகிறது. முதலமைச்சர் மு க ஸ்டாலின் தலைமையில் வருகின்ற 31ஆம் தேதி மாலை 6.30 மணி அளவில் தமிழக அமைச்சரவை கூட்டம் நடைபெற உள்ளது

குடியரசுத் தலைவர் திரவுபதி முர்மு சென்னை வந்தடைந்தார். அவரை விமான நிலையத்துக்கு நேரடியாக சென்று முதல்வர் ஸ்டாலின் வரவேற்றார்

அனைவரையும் உள்ளடக்கிய தொழில்முனைவை ஊக்குவிக்கும் பிரதமர் ஸ்வநிதி திட்டம் மூலம் இதுவரை ரூ.9,152 கோடி கடன் வழங்கப்பட்டுள்ளது

நாட்டில் சில விசா சேவைகளை மீண்டும் தொடங்குவதற்கான இந்தியாவின் முடிவை கனடா வரவேற்றுள்ளது

திரிணாமூல் காங்கிரஸ் எம்.பி. மஹுவா மொய்த்ரா ஆஜராக நாடாளுமன்ற ஒழுங்கு நடவடிக்கைக் குழு உத்தரவிட்டுள்ளது

சூரரைப்போற்று படத்தை தொடர்ந்து சுதா கொங்கரா இயக்கத்தில் சூர்யா நடிக்க உள்ள புதிய படத்துக்கு புறநானூறு என பெயரிடப்பட்டு உள்ளது.

தெலங்கானாவில் பாஜகவுடன் பவன் கல்யாண் கூட்டணி அமைக்கவுள்ளதாக தகவல்கள் வெளியாகியுள்ளன

கார்த்தி நடித்துள்ள 25வது படமான ஜப்பான் இசை வெளியீட்டு விழாவில் சூர்யா மற்றும் லோகேஷ் கனகராஜ் கலந்துகொள்ள உள்ளனர்.

செந்தில் பாலாஜி சிறையில் என்ன செய்கிறார் என்பது பற்றி சிறைத்துறை டிஐஜி தகவல் தெரிவித்துள்ளார்

நடிகை அமலா பால் பிறந்தநாள் அன்று தனது காதலன் தனக்கு புரபோஸ் செய்த வீடியோவை வெளியிட்டு 2-வது திருமணம் குறித்து சூசகமாக அறிவித்துள்ளார்.

லியோ படம் திரையரங்குகளை ஆக்கிரமித்து உள்ளதால் இந்த வாரம் திரையரங்குகளை காட்டிலும் ஓடிடியில் ஏராளமான தமிழ் படங்கள் ரிலீஸ் ஆக உள்ளன.

சாலையில் நடந்து சென்ற அந்த நபர் பெட்ரோல் நிரப்பிய பாட்டிலை அங்கு வீசியுள்ளார். இதில் எந்த உளவுத்துறை தோல்வியும் இல்லை. ஆளுநர் உடன் நாங்கள் மோதல் போக்கை கடைபிடிக்கவில்லை. அவர் மாநில பாஜக தலைவர் போல குற்றச்சாட்டுகளை கூறும் போது, அதற்கு பதில் அளிக்க வேண்டிய கடமை எங்களுக்கு உள்ளது என அமைச்சர் ரகுபதி கூறியுள்ளார். 

கோவை உக்கடம் பகுதியில் கடந்த 24ம் தேதி பாலஸ்தீனத்திற்கு ஆதரவாக நடந்த ஆர்ப்பாட்டத்தில், மேம்பாலத்தின் மீது பாலஸ்தீன நாட்டின் கொடியை பறக்க விட்ட நபர்கள் மீது 3 பிரிவுகளில் போலீசார் வழக்குப்பதிவு செய்துள்ளனர். 

தமிழ் திரையுலகில் என்றென்றும் இளமையாக இருக்கும் நடிகை நதியாவின் 57-வது பிறந்தநாள் கொண்டாட்ட வீடியோ இணையத்தில் வைரலாகி வருகிறது.

சிதம்பரம் அருகே தீத்தாம்பாளையம் பகுதியில் சாலையில் சென்று கொண்டிருந்த தனியார் பள்ளி வேன் தீப்பிடித்து விபத்துக்குள்ளானது. 

தங்கத்தின் விலை கடந்த சில நாட்களாக தொடர்ந்து ஏற்றம், இறக்கம் கண்டு வந்த நிலையில் இன்றைய தங்கம் மற்றும் வெள்ளி விலை நிலவரத்தை காணலாம்.

கோவில்களின் நிதியை அந்தந்த கோவில்களின் மேம்பாட்டிற்காக தான் செலவிட வேண்டும் என்பது விதி என நாராயணன் திருப்பதி கூறியுள்ளார். 

தமிழ்நாட்டில் லியோ படத்தை வெளியிட்ட திரையரங்குகளுக்கு அதனால் லாபமில்லை என திரையரங்க உரிமையாளர் சங்க தலைவர் திருப்பூர் சுப்ரமணியம் தெரிவித்துள்ளார்.

சென்னையில் 11 வயது சிறுமிக்கு பாலியல் தொல்லை கொடுத்த புகாரில் 73 வயது முதியவர் போக்சோ சட்டத்தில் கைது செய்யப்பட்டுள்ளார். 

லியோ பட பாடலால் காப்பி சர்ச்சையில் சிக்கிய இசையமைப்பாளர் அனிருத்தை ப்ளூ சட்டை மாறன் எக்ஸ் தளத்தில் வெளுத்துவாங்கி இருக்கிறார்.

குடியரசுத் தலைவர் திரெளபதி முர்மு இன்று மாலை சென்னை வருகை தருகிறார். அவரை ஆளுநர் ரவி, முதலமைச்சர் மு.க.ஸ்டாலின், எதிர்க்கட்சி தலைவர் எடப்பாடி பழனிசாமி ஆகியோர் வரவேற்க உள்ளனர்.

பெட்ரோல் குண்டு வீச்சு சம்பவம் தொடர்பாக டிஜிபி மற்றும் சென்னை காவல் ஆணையர் அலுவலகத்தில் ஆளுநர் மாளிகை தரப்பில் புகார் அளிக்கப்பட்டுள்ளது.

கோட்டை மாரியம்மன் கோவில் திருக்குடமுழுக்கு பெருவிழாவை யொட்டி  27.10.2023 வெள்ளிக்கிழமை அன்று சேலம் மாவட்டத்திற்கு உள்ளூர் விடுமுறையாக அறிவிக்கப்படுகிறது. 

ஆளுநர் மாளிகை முன்பு பெட்ரோல் குண்டு வீசிய சம்பவத்தில் கைதான கருக்கா வினோத்துக்கு 15 நாட்கள் நீதிமன்ற காவல் விதிக்கட்டதை அடுத்து புழல் சிறையில் அடைக்கப்பட்டார். 

ஆளுநர்‌ மாளிகை மீது தாக்குதல்‌ நடத்தப்பட்டிருப்பது பெருத்த சந்தேகத்தை ஏற்படுத்தியுள்ளதாக பொதுமக்கள்‌ கருதுகின்றனர் என  ஓ.பன்னீர்செல்வம் கூறியுள்ளார்.

தேவர் ஜெயந்தி மற்றும் குருபூஜை விழாவை முன்னிட்டு சிவகங்கை, திருப்புவனம், மானாமதுரை, இளையான்குடி, காளையார்கோவில் ஆகிய ஒன்றியங்களில் உள்ள பள்ளி, கல்லூரிகளுக்கு வரும் 30-ம் தேதி விடுமுறை அறிவிக்கப்பட்டுள்ளது.