போக்ஸ்வேகன் தனது முதல் மின்சார காரை இந்தியாவில் அறிமுகப்படுத்த உள்ளது. இந்த மின்சார காரின் விலை மற்றும் சிறப்பு அம்சங்கள் போன்றவற்றை தெரிந்து கொள்வோம்.
போக்ஸ்வேகன் தனது முதல் மின்சார காரை இந்தியாவில் ஐடி 4 என்ற பெயரில் விரைவில் அறிமுகப்படுத்த இருக்கிறது. இந்த காரின் வடிவமைப்பு, அம்சங்கள், பேட்டரி பேக் மற்றும் மைலேஜ் பற்றி இங்கு காணலாம்.
ஃபோக்ஸ்வேகன் ஐடி.4 வடிவமைப்பைப் பற்றி பார்க்கும் போது, இது 'விஎம்' லோகோவுடன் கூடிய ஸ்டைலான கிரில், கூல் பானெட், புரொஜெக்டர் எல்இடி ஹெட்லேம்ப்கள், எல்இடி டெயில்லைட்கள், 21 இன்ச் அலாய் வீல்கள், 3டி கிளஸ்டர் டிசைன், ஸ்கிட் பிளேட்டுகள் ஆகியவற்றைக் கொண்டுள்ளது.
இந்த மின்சார காரில் பனோரமிக் சன்ரூஃப், இயங்கும் முன் இருக்கைகள், சுற்றுப்புற விளக்குகள், டிஜிட்டல் இன்ஸ்ட்ரூமென்ட் கிளஸ்டர், தானியங்கி காலநிலை கட்டுப்பாடு, 10-இன்ச் இன்ஃபோடெயின்மென்ட் பேனல் போன்ற பல வசதிகள் உள்ளன.
ஃபோக்ஸ்வேகன் (Volkswagen ID 4 EV) ஆனது இரட்டை மோட்டார் ஆல் வீல் டிரைவ் அமைப்பைக் கொண்டுள்ளது. இதில் 82 kWh பேட்டரி பேக் உள்ளது. ஒருமுறை முழுமையாக சார்ஜ் செய்தால், மின்சார கார் 500 கிலோமீட்டர் வரை செல்லும்.
புதிய ஃபோக்ஸ்வேகன் காரின் பவர்டிரெய்ன் அமைப்பு 299 ஹெச்பி பவரையும், 499 என்எம் பீக் டார்க்கையும் உற்பத்தி செய்கிறது. காரின் அதிகபட்ச வேகம் மணிக்கு 180 கி.மீ. இந்த மின்சார கார் 0 முதல் 100 கிமீ வேகத்தை வெறும் 6 வினாடிகளில் எட்டிவிடும்.
எலக்ட்ரிக் எஸ்யூவி ஒற்றை மோட்டார், ரியர் வீல் டிரைவ், டூயல் மோட்டார், ஆல் வீல் டிரைவ் ஆப்ஷன்கள் உட்பட பல பவர்டிரெய்ன் போன்ற வசதிகள் இடம்பெறும் என்று கூறப்படுகிறது. இதன் விலை பற்றிய தகவல்கள் இன்னும் வெளியாகவில்லை.