Actress Yashika Aannand : யாஷிகா முன்னணி கதாபாத்திரம் ஏற்று நடிக்கும் படிக்காத பக்கங்கள் என்ற படத்தின் ட்ரைலர் இன்று வெளியாகி நல்ல வரவேற்பை பெற்று வருகின்றது.
கடந்த 1999 ஆம் ஆண்டு புது டெல்லியில் பிறந்த நடிகை யாஷிகா ஆனந்த், சிறுவயது முதலிலேயே மாடலிங் துறையில் பயணித்து வருகிறார். தனது 17வது வயதில் "கவலை வேண்டாம்" என்கின்ற திரைப்படத்தில் இவர் நடித்திருந்தார்.
தொடர்ச்சியாக தமிழ் படங்களில் நடித்து வரும் யாஷிகா ஆனந்துக்கு ஒரு பிரேக் கொடுக்கும் திரைப்படம் இன்னும் அமையவில்லை என்றே கூறலாம். காரணம் இந்த எட்டு ஆண்டுகளில் அதிக அளவில் அவர் கவர்ச்சியை முதன்மைப்படுத்தும் கதாபாத்திரங்களில் மட்டுமே நடித்து வருகிறார்.
தற்பொழுது தமிழில் "படிக்காத பக்கங்கள்" என்ற திரைப்படத்தில் அவர் முன்னணி கதாபாத்திரம் ஏற்று நடித்துள்ளார். தற்போது இந்த படத்தின் டிரைலர் வெளியாகி உள்ளது. ஏற்கனவே இவ்வாண்டு வெளியான "டபுள் டக்கர்" என்கின்ற திரைப்படத்தில் அவர் நடித்திருந்தது குறிப்பிடத்தக்கது.