Thalapathy 66 Update: வம்சி இயக்கத்தில் விஜய் நடிக்கும் ‘தளபதி 66’ படத்தில் இரண்டு குழந்தை நட்சத்திரங்கள் இணைந்துள்ளனர்.
பீஸ்ட் படத்திற்கு பிறகு, தோழா படத்தின் இயக்குனர் வம்சி இயக்கத்தில், நடிகர் விஜய் நடிப்பில் தற்போது தளபதி 66 திரைப்படம் தயாராகி வருகிறது. ஸ்ரீ வெங்கடேஷ்வரா கிரியேசன்ஸ் சார்பாக தில் ராஜு இப்படத்தை தயாரிக்கிறார். இப்படத்திற்கு இசையமைப்பாளர் தமன் இசையமைக்க உள்ளார்.
இப்படத்தில் விஜய்க்கு ஜோடியாக ராஷ்மிகா மந்தனா நடிக்கிறார். மேலும் சரத்குமார், பிரகாஷ் ராஜ், பிரபு, ஷியாம், நடிகர் யோகிபாபு, நடிகை சங்கீதா, தெலுங்கு நடிகர் ஸ்ரீகாந்த் ஆகிய நட்சத்திர பட்டாளங்கள் இணைத்துள்ளனர். இப்படம் ஒரே நேரத்தில் தமிழ் மற்றும் தெலுங்கு ஆகிய இரு மொழிகளில் தயாராக உள்ளது. இதன்மூலம் நடிகர் விஜய் டோலிவுட்டில் அறிமுகமாக உள்ளார். இதனால் இப்படத்தின் மீதான எதிர்பார்ப்பு அதிகரித்த வண்ணம் உள்ளது.
இப்படத்தின் முதல்கட்ட படப்பிடிப்பு சென்னையில் நடைபெற்று முடிந்தது. இதையடுத்து, இரண்டாம் கட்ட படப்பிடிப்பு ஹைதராபாத்தில் நடைபெற்றது. இதில், விஜய்யுடன் பிரகாஷ் ராஜ், சரத்குமார், ஸ்ரீகாந்த் போன்ற நடிகர்கள் கலந்துகொண்டனர். இதையடுத்து, இப்படத்தின் ஒரு கட்டப் படப்பிடிப்பு நிறைவடைந்துள்ளதாக நேற்று முன்தினம் படக்குழு அதிகாரப்பூர்வமாக அறிவித்துள்ளனர். இதையடுத்து, இதன் மூன்றாம் கட்ட படப்பிடிப்பு வருகிற ஜூன் 2ஆம் தேதி துவங்கும் என்று தெரிவிக்கப்பட்டுள்ளது.
குடும்ப செண்டிமெண்ட் நிறைந்த படமாக தளபதி 66 தயாராகி வருவதாக கூறப்படுகிறது. இதனால் இதில் நடிக்கும் நடிகர்களின் எண்ணிக்கையும் நாளுக்கு நாள் அதிகரித்த வண்ணம் உள்ளது. முன்னதாக, படத்தில் நடிக்கும் முக்கிய கதாபாத்திரங்கள் அறிவிக்கப்பட்ட நிலையில், நீண்ட நாட்களாக எதிர்பார்க்கப்பட்ட குழந்தை நட்சத்திரங்கள் தற்போது அறிவிக்கப்பட்டுள்ளனர்.
அதன்படி, இப்படத்தில் ஹர்ஷிதா கார்த்திக் மற்றும் அத்வைத் வினோத் ஆகிய இரு குழந்தை நட்சத்திரங்கள் இணைந்துள்ளதாக படக்குழு அதிகாரப்பூர்மாக அறிவித்துள்ளது. இந்த இரு குழந்தை நட்சத்திரங்களும் படத்தில் முக்கிய கதாபாத்திரத்தில் நடிக்கின்றனர். இதன் மூலம் விஜய்யுடன் மகேஷ் பாபு மகள் நடிக்கவில்லை என்பது உறுதியாகியுள்ளது.
மேலும் படிக்க.....S. J. Surya: SJ சூர்யாவுக்கு நீதிமன்றம் அதிரடி உத்தரவு...என்ன பிரச்சனை தெரியுமா..?