Actress Mirna Menon : நெல்சன் இயக்கத்தில், சூப்பர் ஸ்டார் ரஜினிகாந்த் நடிப்பில் வெளியான ஜெயிலர் திரைப்படத்தில் அவருடைய மருமகளாக வந்து அசத்திய மலையாள மொழி நடிகை தான் மிர்னா மேனன்.
கேரளாவில் பிறந்த பிரபல நடிகை மிர்னா மேனன், கடந்த 2016 ஆம் ஆண்டு தமிழில் வெளியான "பட்டதாரி" என்கின்ற திரைப்படத்தில் நடித்து தனது கலை பயணத்தை தொடங்கினார். அதன் பிறகு தொடர்ச்சியாக மலையாளம், தமிழ் மற்றும் தெலுங்கு மொழிகளிலும் அவர் நடித்து வருகிறார்.
மலையாள மொழியில் கடந்த 2020 ஆம் ஆண்டு அவர் நடித்த முதல் திரைப்படமான "பிக் பிரதர்" திரைப்படத்திற்காக அவருக்கு சைமா வழங்கும் சிறந்த அறிமுக நடிகைக்கான விருது கிடைத்தது குறிப்பிடத்தக்கது.
ஜெயிலர் படத்தின் வரவேற்பை தொடர்ந்து தெலுங்கு மற்றும் தமிழ் ஆகிய இரு மொழிகளிலும் தொடர்ச்சியாக படங்களில் அவர் நடித்து வருகிறார். இறுதியாக தமிழில் இவ்வாண்டு வெளியான "பர்த் மார்க்" என்கின்ற திரைப்படத்தில் அவர் நடித்திருந்தார்.