நடிகர் விஜயகுமாரின் மகளான ஸ்ரீதேவி, சிறுவயதில் இருந்தே சினிமாவில் நடித்து வருகிறார். சத்யராஜின் ரிக்ஷா மாமா படம் மூலம் குழந்தை நட்சத்திரமாக அறிமுகமான இவர், இதையடுத்து ஐந்து படங்களில் குழந்தை நட்சத்திரமாக நடித்த அவர், அதன்பின்னர் 2002-ம் ஆண்டு வெளிவந்த காதல் வைரஸ் படம் மூலம் ஹீரோயினாக அறிமுகமானார்.
கதிர் இயக்கிய இப்பாத்தில் நடிகர் அஜித்தின் மச்சானும், ஷாலினியின் சகோதரருமான ரிச்சர்டு ரிஷிக்கு ஜோடியாக நடித்திருந்தார் ஸ்ரீதேவி. இதையடுத்து மாதவனுடன் அவர் நடித்த பிரியமான தோழி திரைப்படம் மிகப்பெரிய அளவில் ஹிட் ஆனது. அதில் ஜூலி என்கிற கதாபாத்திரத்தில் நடித்திருந்தார் ஸ்ரீதேவி.
ராகுல் என்பவரை திருமணம் செய்துகொண்ட பின்னர் ஒட்டுமொத்தமாக சினிமாவை விட்டு விலகிய நடிகை ஸ்ரீதேவிக்கு ரூபிகா என்கிற பெண் குழந்தையும் உள்ளது. திருமணத்துக்கு பின்னர் படங்களில் தலைகாட்டாவிட்டாலும் சின்னத்திரை நிகழ்ச்சிகளில் பங்கேற்று வருகிறார்.
குறிப்பாக தமிழ், தெலுங்கு என இரு மொழிகளில் சின்னத்திரை நடன நிகழ்ச்சிகளில் நடுவராக பங்கேற்று வருகிறார் ஸ்ரீதேவி. தற்போது விஜய் டிவியில் நடைபெற்று வரும் ஜோடி நம்பர் 1 நடன நிகழ்ச்சியில் நடிகை மீனா மற்றும் சாண்டி மாஸ்டர் உடன் சேர்ந்து நடுவராக பணியாற்றி வருகிறார் ஸ்ரீதேவி.