நடிகர் விஜய் தன்னுடைய 69-வது படத்திற்கு பின் சினிமாவை விட்டு விலக உள்ளதாக அறிவித்துள்ள நிலையில், அப்படத்தை இயக்கப்போவது யார் என்கிற எதிர்பார்ப்பு நிலவி வருகிறது.
தமிழ் திரையுலகில் பாக்ஸ் ஆபிஸ் கிங் ஆக திகழ்ந்து வருபவர் தளபதி விஜய். இவரது படங்கள் தொடர்ந்து வெற்றியை பெற்று வருவதால் தளபதியின் சம்பளமும் படத்துக்கு படம் எகிறி வருகிறது. தற்போதைய நிலவரப்படி கோலிவுட்டில் அதிக சம்பளம் வாங்கும் நடிகர்கள் பட்டியலில் முன்னணியில் இருப்பவர் விஜய் தான். இப்படி கெரியரில் செம்ம பீக்கில் இருக்கும் விஜய், திடீரென தான் சினிமாவை விட்டு விலக உள்ளதாக அறிவித்துள்ளது பலருக்கும் பேரதிர்ச்சியை ஏற்படுத்தி உள்ளது.
நடிகர் விஜய், தமிழக வெற்றிக் கழகம் என்கிற அரசியல் கட்சியை தொடங்கிய நிலையில், இனி முழுநேர அரசியலில் ஈடுபட உள்ளதால், சினிமாவில் நடிக்க மாட்டேன் என அறிவித்துள்ளார். அவர் நடிப்பில் தற்போது கோட் படம் உருவாகி வரும் நிலையில், இதையடுத்து மேலும் ஒருபடத்தில் நடிக்க கமிட் ஆகி இருக்கிறார். தற்காலிகமாக தளபதி 69 என பெயரிடப்பட்டுள்ள இப்படம் தான் விஜய்யின் கடைசி திரைப்படமாக இருக்கும் என கூறப்படுகிறது.
இதையும் படியுங்கள்... சொந்த செலவில் பைக் வாங்கி கொடுத்த பாலா... காலில் விழுந்து நன்றி சொன்ன மாற்றுத்திறனாளி - கலங்க வைக்கும் வீடியோ
விஜய்யின் கடைசி படத்தை தெலுங்கு திரையுலகில் முன்னணி தயாரிப்பாளராக வலம் வரும் டிவிவி தனய்யா தயாரிக்க உள்ளார். இப்படத்திற்கான இயக்குனர் தேர்வு தான் தற்போது விறுவிறுப்பாக நடந்து வருகிறது. இப்படத்தை இயக்க கடும் போட்டி நிலவி வருகிறதாம். இந்த ரேஸில் அட்லீ, வெற்றிமாறன், நெல்சன், தெலுங்கு இயக்குனர் திரிவிக்ரம் ஸ்ரீனிவாஸ் ஆகியோரது பெயர்கள் அடிபட்ட நிலையில், தற்போது அவர்களுக்கெல்லாம் நோ சொல்லிவிட்டு வேறு இருவரை லாக் செய்துள்ளாராம் விஜய்.
அதில் ஒருவர் கார்த்திக் சுப்புராஜ், மற்றொருவர் ஆர்.ஜே.பாலாஜி. இவர்கள் இருவருமே விஜய்க்கு ஒன் லைன் சொல்லி இருக்கிறார்களாம். அந்த ஒன் லைன் மிகவும் பிடித்துப் போனதால், அதை ஸ்கிரிப்டாக ரெடி பண்ணுமாரு இருவரிடமும் கூறி உள்ளாராம் விஜய். அவர்கள் கொடுக்கும் ஸ்கிரிப்டை பொறுத்து அதில் எது தன்னை ஈர்க்கிறதோ, அதில் நடிக்கும் முடிவில் இருக்கிறாராம் விஜய். பல முன்னணி இயக்குனர்களுக்கு நோ சொல்லிவிட்டு விஜய் இவர்கள் இருவரையும் தேர்வு செய்துள்ளது கோலிவுட் வட்டாரத்தில் ஆச்சர்யத்தை ஏற்படுத்தி உள்ளது.
இதையும் படியுங்கள்... கமல்ஹாசனை மெர்சலாக்கிய மஞ்சுமெல் பாய்ஸ்... படக்குழுவை நேரில் சந்தித்து இன்ப அதிர்ச்சி கொடுத்த உலகநாயகன்