Pranitha Subhash: சூர்யா, கார்த்தி போன்ற நடிகர்களுடன்ஜோடியாக நடித்த பிரனீதா சுபாஷ், தான் கர்ப்பமாக இருப்பதாக தற்போது பதிவு ஒன்றை போட்டுள்ளார்.
கடந்த 2011ஆம் ஆண்டு வெளியான உதயன் படத்தில் அருள்நிதிக்கு ஜோடியாக தமிழ் சினிமாவில் அறிமுகமானவர் நடிகை பிரனீதா சுபாஷ்.
இதையடுத்து, அடுத்தடுத்த பட வாய்ப்புகள் இவரை தேடி வர, கார்த்தியின் ‘சகுனி’, சூர்யாவின் ‘மாஸ்’ உள்ளிட்டப் படங்களில் ஹீரோயினாக நடித்து கவனம் பெற்றார்.
இவர் தமிழ் மட்டுமின்றி, தெலுங்கு, கன்னடம், இந்தி என பல்வேறு மொழி படங்களிலும் நடித்து வருகிறார். அதுமட்டுமின்றி, பிரணிதா சுபாஷு பூஜ் தி பிரைட் ஆஃப் இந்தியா படம் மூலம் பாலிவுட்டில் தடம் பதிக்க இருக்கிறார்.
இவர் கடைசியாக அதர்வா முரளியுடன் ‘ஜெமினிகணேசனும் சுருளிராஜனும்’ படத்தில் நடித்தவர். இதையடுத்து, தமிழ் சினிமாவில் சிறிது காலம் இடைவெளி எடுத்து இருக்கிறார்.
இதையடுத்து, இவர் பெங்களூருவைச் சேர்ந்த தொழிலதிபர் நிதின் ராஜுவை கடந்த ஆண்டு மே 31 ம் தேதி காதலித்து திருமணம் செய்து கொண்டார்.
கொரோனா இரண்டாம் அலை காரணமாக இவர்களது திருமணத்தில், நெருங்கிய நண்பர்கள், உறவினர்கள் மட்டுமே கலந்து கொண்டுள்ளனர்.
இதையடுத்து, தனது திருமணத்தை உறுதி செய்து இன்ஸ்டாகிராம் பக்கத்தில் திருமணப் புகைப்படங்கள் வெளியிட்டு, கொரோனா வைரஸ் காரணமாக அனைவரையும் அழைக்க முடியவில்லை என்று பதிவிட்டிருந்தார்.
இந்நிலையில், தற்போதைய செய்தி என்னவென்றால், தற்போது பிரனீதா சுபாஷ் கர்ப்பமாக உள்ளாராம். ஆம், அவர் தான் கர்ப்பமாக இருப்பதாக தற்போது பதிவு ஒன்றை போட்டுள்ளார்.
மேலும், பிரனீதா சுபாஷ் அந்த பதிவில் , என் கணவரின் 34வது பிறந்தநாளான இன்று கடவுள் எங்களுக்கு தந்த வரம் என்று உருக்கமாக பதிவிட்டுள்ளார். அவரது, புகைப்படம் பார்த்து ரசிகர்கள் வாழ்த்துக்களை தெரிவித்து வருகின்றனர்.