Vadivelu, Mari selvaraj
தமிழ் சினிமாவில் முன்னணி காமெடி நடிகராக வலம் வருபவர் வடிவேலு. இவரின் காமெடிகளுக்கு சிரிக்காதவர்கள் இருக்கவே முடியாது என சொல்லும் அளவுக்கு, சிறியவர்கள் முதல் பெரியவர்கள் வரை வடிவேலுவை பார்த்தாலே அனைவருக்கும் சிரிப்பு வந்துவிடும். அந்த அளவுக்கு பலரை சிரிக்க வைத்து இன்று வைகைப்புயலாக வலம் வந்து கொண்டிருக்கிறார். வழக்கமாக காமெடியில் கலக்கும் வடிவேலு, மாமன்னன் படத்தில் சீரியஸ் ஆன கதாபாத்திரத்தில் நடித்திருந்தார்.
udhayanidhi Stalin, Vadivelu
மாமன்னன் படத்தின் சீரியஸ் ஆன ரோலில் நடித்த பின்னர் தனக்கு அதுமாதிரி கதாபாத்திரங்களே வருவதாக வடிவேலு பேட்டி ஒன்றில் கூறி இருந்தார். ஆனால் அதில் தனக்கு கதை புடித்திருந்தால் மட்டுமே அதுபோன்ற கதாபாத்திரத்தில் நடிப்பேன் என்பதையும் தெளிவுபட கூறி இருந்தார் வடிவேலு. ஆனால் உண்மையில் மாமன்னன் படத்தில் முதலில் நடிக்க இருந்தது வடிவேலுவே இல்லையாம். அதற்கு மாரி செல்வராஜின் மைண்டில் இருந்தது வேறு ஒரு நடிகர்.
charlie
அவர் வேறுயாருமில்லை நடிகர் சார்லி தான். சார்லியை தான் மாமன்னன் படத்தில் உதயநிதி ஸ்டாலினுக்கு அப்பாவாக நடிக்க வைக்க திட்டமிட்டு இருந்தாராம் மாரி செல்வராஜ். ஆனால் வடிவேலுவிடமும் ஒரு முறை கேட்டு பார்க்கலாம் என்று சென்று கேட்டபோது அவரும் ஓகே சொல்லிவிட்டதால் சார்லியை தூக்கிவிட்டு வடிவேலுவை நடிக்க வைத்தாராம் மாரி செல்வராஜ். இந்த கதாபாத்திரம் சார்லிக்கும் டக்கராக பொறுந்தி இருக்கும் என்பது குறிப்பிடத்தக்கது.
இதையும் படியுங்கள்... ஜஸ்ட் மிஸ்... நடுவானில் விமானத்தில் ஏற்பட்ட கோளாறு; நூலிழையில் உயிர்தப்பிய ராஷ்மிகா மந்தனா