'கலக்கப்போவது யாரு' நிகழ்ச்சி மூலம் பிரபலமான தீனா, தற்போது தமிழ் சினிமாவில் அடுத்தடுத்து பல படங்களில் காமெடி வேடத்திலும், குணசித்ர வேடத்திலும் நடித்து வரும் நிலையில்... இந்த ஆண்டு ஜூன் மாதம் தன்னுடைய பெற்றோர் பார்த்து முடிவு செய்த, பிரகதி என்கிற பெண்ணை திருமணம் செய்து கொண்டார்.
கார்த்திகை தீபம் சீரியல் மூலம் பிரபலமான ஹர்திகா, தன்னுடைய நீண்ட நாள் காதலரை இந்த ஆண்டு நவம்பர் மாதம், பெற்றோர் சம்மதத்துடன் கரம் பிடித்தார். கேரளாவில் நடந்த இவர்களின் திருமணத்தில் நெருங்கிய குடும்பத்தினர் மற்றும் நண்பர்கள் மட்டுமே கலந்து கொண்டனர். திருமணத்திற்கு பின்னரும் தொடர்ந்து ஹர்திகா 'கார்த்திகை தீபம்' சீரியலில் நடித்து... ரசிகர்கள் மனதை கொள்ளை அடித்து வருகிறார்.
பாவங்களில் சீரியலில் நடித்த, ஷிமோனா இந்த ஆண்டு தன்னுடைய காதலர் கிரண் நேந்தல் என்பவரை கிறிஸ்தவ முறைப்படி திருமணம் செய்து கொண்டார். தற்போது அவர் பேங்கில் பணியாற்றி வருவதால், இந்த தகவலை சமூக வலைத்தளத்தில் புகைப்படம் வெளியிட்டு தெரிவித்தார்.
Nanjil Vijayan marriage
கே பி ஒய் நிகழ்ச்சி மூலம் பிரபலமான நாஞ்சில் விஜயன், இந்த ஆண்டு மரியா என்பவரை திருமணம் செய்து கொண்டார். இது ஒரு காதல் திருமணமாக இருந்தாலும், பின்னர் உறவினர்கள் அனைவரும் கலந்து கொண்டு வாழ்த்திய திருமணமாக மாறியது. இவர்களது திருமணத்தில் பல சின்னத்திரை பிரபலங்கள் கலந்து கொண்டு இந்த ஜோடியை வாழ்த்தினர்.
'தவமாய் தவமிருந்து' சீரியலில் ஒன்று சேர்ந்த நடித்த சந்தியா மற்றும் பிரிட்டோ இருவரும் ரீல் ஜோடியாக நடித்த நிலையில், பின்னர் நிஜமாகவே காதலித்து ரியல் ஜோடியாகவும் இந்த ஆண்டு மாறினர்.
'ரோஜா' சீரியலில் நடித்து சின்னத்திரை ரசிகர்கள் மத்தியில் மிகவும் பிரபலமானவர் பிரியங்கா நல்காரி. தற்போது ஜீ தமிழில் ஒளிபரப்பாகி வரும் சீரியலில் நடித்து வருகிறார். இவர் இந்த ஆண்டு தன்னுடைய காதலரை திருமணம் செய்து கொண்டார்.
பசங்க திரைப்படத்தில், குழந்தை நட்சத்திரமாக நடித்த பின்னர்... ஒரு சில படங்களில் ஹீரோவாக நடித்தவர் கிஷோர். இவர் வானத்தைப்போல தொடரில் நடித்த ப்ரீத்தி குமார் என்பவரை இந்தாண்டு கரம் பிடித்தார்.