வெயிட் லாஸ் பண்ணப் போறீங்களா? அப்ப கண்டிப்பாக இந்த தவறுகளை மட்டும் செய்யாதீங்க..
First Published Jul 24, 2024, 8:58 AM ISTஉடல் எடையை குறைக்க முயற்சிக்கும் நபர்கள் செய்யும் சில பொதுவான தவறுகள் குறித்து இந்த பதிவில் பார்க்கலாம்.
உடல் எடையை குறைக்க முயற்சிக்கும் நபர்கள் செய்யும் சில பொதுவான தவறுகள் குறித்து இந்த பதிவில் பார்க்கலாம்.
இன்றைய வேகமான உலகில் மோசமான வாழ்க்கை முறை, ஆரோக்கியமற்ற உணவு பழக்கங்கள் ஆகியவை காரணமாக பலருக்கும் உடல் எடை அதிகரிப்பு என்பது மிகப்பெரிய பிரச்சனையாக மாறி உள்ளது. எனவே எப்படியாவது உடல் எடையை குறைத்து ஃபிட்டாக இருக்க வேண்டும் என்பதே பலரின் இலக்காக உள்ளது.
ஆனால் எடைகுறைப்பு பயணத்தை தொடங்கும் போது எந்த உணவுகளை சாப்பிடுவது எந்த உடற்பயிற்சி செய்தால் வேகமாக உடல் எடையை குறைக்க முடியும்? எந்த நேரத்தில் உடற்பயிற்சி செய்ய வேண்டும், கலோரிகளை எப்படி எரிப்பது என்ப பல கேள்விகள் அனைவரின் மனதிலும் எழக்கூடும்.
எனவே உடல் எடையை குறைப்பது என்பது சவாலானதாக இருக்கலாம். இதனால் இந்த இந்த வெயிட் லாஸ் முயற்சியில் உணவு வகை முதல் உடற்பயிற்சி வரை பலரும் பல தவறுகளை தெரியாமலே செய்கின்றனர்.. உடல் எடையை குறைக்க முயற்சிக்கும் நபர்கள் செய்யும் சில பொதுவான தவறுகள் குறித்து இந்த பதிவில் பார்க்கலாம்.
சாத்தியமில்லாத இலக்குகளை அமைத்தல் :
வெயிட் லாஸ் முயற்சியில் இருப்பவர்கள் செய்யும் மிகவும் பொதுவான தவறுகளில் ஒன்று, சாத்தியமில்லாத எடை இழப்பு இலக்குகளை அமைப்பதாகும். ஆரோக்கியமான, நிலையான எடை இழப்பு ஒரு படிப்படியான செயல்முறை என்பதை நினைவில் கொள்வது அவசியம். நீங்கள் வேகமாக உடல் எடையை குறைக்க வேண்டும் என்று நினைக்காமல் உங்கள் உணவுப் பழக்கம், உடல் செயல்பாடு நிலைகள் மற்றும் ஒட்டுமொத்த வாழ்க்கை முறை ஆகியவற்றில் நீண்ட கால மாற்றங்களைச் செய்வதில் கவனம் செலுத்துங்கள். ஆரோக்கியம் மற்றும் நல்வாழ்வுக்கு முன்னுரிமை அளிக்கும் இயல்பாக அடையக்கூடிய இலக்குகளை அமைக்கவும். இதன் மூலம் நீங்கள் ஆரோக்கியமான முறையில் உடல் எடையை குறைக்க முடியும்.
கடுமையான டயட் முறை :
பெரும்பாலும் கடுமையான டயட் முறைகள் குறுகிய கால எடை இழப்புக்கு வழிவகுக்கும். இதனால் அந்த டயட் முறை முடிந்த உடன் மீண்டும் உடல் எடை அதிகரிக்க்கலாம். இந்த உணவு முறைகள் மிகவும் கடுமையானவை என்பதால் அவற்றை நீண்டநாள் பின்பற்ற முடியாத அளவுக்கு சலிப்பு ஏற்படும். மேலும் போதிய ஊட்டச்சத்து கிடைக்காது என்பதால் உடல் ஆரோக்கியமும் பாதிக்கப்படும். இந்த கடுமையான டயட் முறைக்கு பதிலாக சுவாரஸ்யமாகவும் ஒரு சீரான, ஊட்டச்சத்து நிறைந்த உணவுத் திட்டத்தைப் பின்பற்றுவதில் கவனம் செலுத்துங்கள்.
உணவு கட்டுப்பாடு முக்கியம் :
நீங்கள் ஆரோக்கியமான உணவை சாப்பிட்டாலும், அந்த எவ்வளவு சாப்பிடுகிறீர்கள் என்பது மிகவும் முக்கியம். சத்தான் உணவு என்பதற்காக அதை அதிகளவில் எடுத்துக்கொள்ளக்கூடாது. இது உடல் எடை பயணத்திற்கு தடைகளை ஏற்படுத்தும். உங்களின் பசி, வயிறு நிரம்பிய உணர்வு ஆகியவற்றை கவனத்தில் கொண்டு உணவை உண்பதை பழகுங்கள். குறிப்பாக இட்லி என்றால் எத்தனை சாப்பிட வேண்டும், சப்பாத்தி என்றால் எத்தனை, சாதம் எவ்வளவு என்பதை அறிந்து கொண்டு திட்டமிட்டு சாப்பிடுங்கள். சாப்பிடும் போது சிறிய தட்டுகளை பயன்படுத்துவது ஒரு சிறந்த உத்தி.
உங்கள் உணவை அளவிடுதல், சிறிய தட்டுகளைப் பயன்படுத்துதல் மற்றும் அதிக கலோரி கொண்ட காண்டிமென்ட்கள் மற்றும் டிரஸ்ஸிங் போன்றவற்றைப் பயன்படுத்துதல் போன்ற பகுதி கட்டுப்பாட்டு நுட்பங்களைப் பயன்படுத்தவும்.
உடல் செயல்பாடு :
உடற்பயிற்சி, நடைபயிற்சி, ரன்னிங் என எந்த உடல் செயல்பாடுகளையும் இணைக்காமல் உணவு மாற்றங்களை மட்டுமே நம்புவது வெயிட் லாஸ் முயற்சியை தடுக்கலாம். எனவே தினமும் தவறாமல் உடற்பயிற்சி செல்வது அவசியம். வழக்கமான உடற்பயிற்சி கலோரிகளை எரிப்பது மட்டுமல்லாமல், வளர்சிதை மாற்றத்தை மேம்படுத்துகிறது. இது ஒட்டுமொத்த நல்வாழ்வை மேம்படுத்துகிறது. உங்கள் எடை இழப்பு முயற்சிகளை அதிகரிக்கவும் ஆரோக்கியமான உடல் அமைப்பை மேம்படுத்தவும் நடைபயிற்சி, ரன்னிங், ஜாகிங், சைக்கிள் ஓட்டுதல் என ஏதேனும் ஒரு பயிற்சியை பழக்கமாக்கிக் கொள்ளுங்கள்.
தூக்கம் மற்றும் மன அழுத்தம் :
தூக்கமின்மை மற்றும் நாள்பட்ட மன அழுத்தம் எடை இழப்பு முயிற்சியை தடுக்கலாம். தூக்கமின்மை பசியைக் கட்டுப்படுத்தும் ஹார்மோன்களைப் பாதிக்கிறது, இது பசியின்மை மற்றும் பசியை அதிகரிக்கிறது. நாள்பட்ட மன அழுத்தம் ரோக்கியமான உணவு முறைகளை சீர்குலைக்கும். எனவே தரமான தூக்கத்திற்கு முன்னுரிமை கொடுங்கள். தினமும் 7-9 மணிநேரம் தூக்கம் அவசியம். முடிந்தால் தினமும் தியானம், யோகா அல்லது செயல்களில் ஈடுபடுவதால் மன அழுத்தத்தை குறைக்க முடியும்.
இவை அனைத்திற்கும் மேலாக நிலையான, நீடித்த எடை இழப்பு என்பது பொறுமை, நிலைத்தன்மை மற்றும் ஒட்டுமொத்த ஆரோக்கியத்தில் கவனம் செலுத்த வேண்டிய ஒரு பயணமாகும். உங்கள் எடை இழப்பு பயணத்தில் இந்த பொதுவான தவறுகளைத் தவிர்த்து, ஆரோக்கியமான உணவு, வழக்கமான உடல் செயல்பாடு, போதுமான தூக்கம் மற்றும் மன அழுத்த மேலாண்மை ஆகியவற்றை உள்ளடக்கிய ஒரு முழுமையான அணுகுமுறையைப் பின்பற்றுவதன் மூலம் நிலையான எடை இழப்பை பெற முடியும்..