தனித்துவமான காதல் கதையை இயக்குவதில் வல்லவரான இயக்குனர் மணிரத்னம், கடந்த 2000-ஆம் ஆண்டு இயக்கிய திரைப்படம் தான் அலைபாயுதே. மாதவன் கதாநாயகனாக நடித்திருந்த இந்த படத்தில், ஷாலினி கதாநாயகியாக நடித்திருந்தார். மேலும் ஜெயசுதா, சொர்ணமாலியா, விவேக், வேணு அரவிந்த், அரவிந்த்சாமி, குஷ்பூ, உள்ளிட்ட பலர் முக்கிய வேடத்தில் நடித்திருந்தனர்.
பெற்றோரின் எதிர்ப்பை மீறி திருட்டுத்தனமாக திருமணம் செய்து கொண்டு, தங்களுடைய வீட்டிலேயே வசிக்கும் இவர்கள்... திருமணம் பற்றிய தகவல் வீட்டுக்கு தெரியவந்ததும் வீட்டை விட்டு வெளியேறும் இருவரும், தனி குடும்பம் செய்கின்றனர்.
இளம் ரசிகர்கள் மத்தியில், அதிகம் ரசிக்கப்பட்ட இந்தப் படத்தில் ஷாலினிக்கு முன்பு கதாநாயகியாக நடிக்க வைக்க இயக்குனர் மணிரத்தினம் முதலில் தேர்வு செய்தது பிரபல பாடகியும் - நடிகையுமான வசுந்தரா தாசை தான். ஆனால் அப்போது மணிரத்தினம் கொடுத்த வாய்ப்பை வசுந்தராதாஸ் ஏற்காத நிலையில், பின்னர் ஷாலினிக்கு இந்த வாய்ப்பு சென்றது.