Vadivelu
தமிழ் திரையுலகில் முன்னணி நகைச்சுவை நடிகராக வலம் வருபவர் வடிவேலு. இவர் சினிமாவில் நடிக்க விதிக்கப்பட்டிருந்த தடை நீக்கப்பட்ட பின்னர் தற்போது தனது செகண்ட் இன்னிங்ஸில் செம்ம பிசியாக நடித்து வருகிறார். இவர் ஹீரோவாக நடித்த நாய் சேகர் ரிட்டர்ன்ஸ் திரைப்படம் படுதோல்வி அடைந்ததால், சுதாரித்துக் கொண்ட வடிவேலு, கதைக்கு முக்கியத்துவம் கொண்ட வேடங்களில் மட்டுமே தொடர்ந்து நடித்து வருகின்றார்.
Vadivelu Next Movie
அப்படத்தில் வடிவேலு உடன் மலையாள நடிகர் பகத் பாசிலும் முதன்மை கதாபாத்திரத்தில் நடிக்கிறார். இப்படத்தை சதீஷ் சங்கர் இயக்க உள்ளார். மலையாளத்தில் பிரபலமான இயக்குனரான இவர் தமிழில் இதுவரை ஆறுமனமே என்கிற ஒரே ஒரு படத்தை மட்டும் இயக்கி இருக்கிறார். நாகர் கோவிலில் இருந்து பொள்ளாச்சிக்கு பயணிக்கும் போது பகத் பாசில் மற்றும் வடிவேலு சந்தித்துக் கொள்கின்றனர். அந்த பயணத்தின் போது நடக்கும் திரில்லிங்கான சம்பவத்தை நகைச்சுவை உடன் சொல்லும் விதமாக இதன் திரைக்கதை அமைந்துள்ளதாம்.
Sithara
இப்படத்திற்கு யுவன் சங்கர் ராஜா இசையமைக்கிறார். இந்நிலையில், இப்படம் குறித்த மற்றுமொரு ஸ்பெஷல் அப்டேட் வெளியாகி உள்ளது. அதன்படி இப்படத்தில் வடிவேலுவுக்கு ஜோடியாக நடிகை சித்தாரா நடிக்க உள்ளாராம். இதன்மூலம் அவர் வடிவேலு உடன் முதன்முறையாக ஜோடி சேர்ந்து நடிக்க உள்ளாராம். 90களில் பிரபலமான நடிகையாக வலம் வந்த இவருக்கு தற்போது 50 வயது ஆகிறது. இவர் இதுவரை திருமணம் செய்துகொள்ளாமல் முரட்டு சிங்கிளாகவே வலம் வருகிறார் என்பது குறிப்பிடத்தக்கது.
இதையும் படியுங்கள்... ரியல் லைஃபிலும் ‘ராஜா ராணி’ ஆக வாழும் பகத் பாசில் - நஸ்ரியா ஜோடியின் சொத்து மதிப்பு மட்டும் இத்தனை கோடியா?