ரூ. 5 ஆயிரம் தான்.. ஐபோன் 13 தோற்றம் கொண்ட புது ஸ்மார்ட்போன் அறிமுகம்..!
ஜியோனி நிறுவனம் ஐபோன் 13 ப்ரோ போன்றே காட்சி அளிக்கும் ஜியோனி 13 ப்ரோ ஸ்மார்ட்போனை அறிமுகம் செய்து இருந்தது.
 )
Followலி-இகோ என அறியப்பட்ட லி-டிவி நிறுவனம் ஸ்மார்ட்போன் சந்தையில் மீண்கும் களமிறங்கி உள்ளது. இம்முறை லி-டிவி நிறுவனம் லி-டிவி Y1 ப்ரோ பெயரில் புதிய ஸ்மார்ட்போன் மாடலை அறிமுகம் செய்து இருக்கிறது. புதிய லி-டிவி Y1 ப்ரோ மாடல் பார்க்க அச்சு அசலாக ஐபோன் 13 போன்றே காட்சி அளிக்கிறது. முன்னதாக ஜியோனி நிறுவனம் ஐபோன் 13 ப்ரோ போன்றே காட்சி அளிக்கும் ஜியோனி 13 ப்ரோ ஸ்மார்ட்போனை அறிமுகம் செய்து இருந்தது.
லி-டிவி Y1 ப்ரோ மாடலில் ஃபிளாட் பேக், சதுரங்க வடிவம் கொண்ட கேமரா மாட்யுல் மற்றும் லி-டிவி பிராண்டிங் கொண்டிருக்கிறது. இந்த கேமரா லே-அவுட் அப்படியே ஐபோன் 13 டிசைன் கொண்டிருக்கிறது. இதன் நாட்ச் பகுதியில் செல்பி கேமரா வழங்கப்பட்டு உள்ளது. இந்த ஸ்மார்ட்போனில் கைரேகை சென்சார் வழங்கப்படவில்லை. எனினும், இந்த மாடலில் ஃபேஸ் அன்லாக் அம்சம் உள்ளது.
லி-டி.வி. Y1 ப்ரோ அம்சங்கள்:
- 6.54 இன்ச் HD+ LCD 1560x720 பிக்சல் டிஸ்ப்ளே
- ஆக்டா கோர் யுனிசாக் T310 பிராசஸர்
- 4GB ரேம், 64GB மெமரி
- 4GB ரேம், 128GB மெமரி
- 4GB ரேம், 256GB மெமரி
- மெமரியை கூடுதலாக நீட்டிக்கும் வசதி
- 8MP பிரைமரி கேமரா
- AI லென்ஸ்
- 5MP செல்பி கேமரா
- ஆண்ட்ராய்டு 11 ஓ.எஸ்.
- 4000mAh பேட்டரி
- 10 வாட் சார்ஜிங்
விலை விவரங்கள்:
லி-டிவி Y1 ப்ரோ ஸ்மார்ட்போன்: புளூ, வைட் மற்றும் பிளாக் என மூன்று விதமான நிறங்களில் கிடைக்கிறது. இந்த ஸ்மார்ட்போனின் 4GB ரேம், 64GB மெமரி மாடல் விலை இந்திய மதிப்பில் ரூ. 5 ஆயிரத்து 800 என்றும், 4GB ரேம், 128GB மெமரி மாடல் விலை இந்திய மதிப்பில் ரூ. 8 ஆயிரம் என்றும் 4GB ரேம், 256GB மெமரி மாடல் விலை ரூ. 10 ஆயிரத்து 500 என நிர்ணயம் செய்யப்பட்டு உள்ளது.
சேனலை கிளிக் செய்து பின்தொடரவும்
