இரண்டு வேரியண்ட்களில் விற்பனைக்கு வரும் ஸ்கார்பியோ கிளாசிக்... விலை எவ்வளவு தெரியுமா?
ஸ்கார்பியோ N வெளியாகும் முன்பே மஹிந்திரா நிறுவனம் தனது பழைய ஸ்கார்பியோ மாடல் ஸ்கார்பியோ கிளாசிக் அறிமுகமாகும் என அறிவித்து இருந்தது.
மஹிந்திரா நிறுவனம் சில தினங்களுக்கு முன்பு தான் ஸ்கார்பியோ N மாடலை இந்திய சந்தையில் அறிமுகம் செய்தது. பெரும் எதிர்பார்ப்புக்கு மத்தியில் அறிமுகம் செய்யப்பட்ட நிலையில், புதிய மஹிந்திரா ஸ்கார்பியோ N ஏராளமான புது அம்சங்கள், சக்திவாய்ந்த என்ஜின் கொண்டிருக்கிறது. புதிய தலைமுறை ஸ்கார்பியோ N வெளியாகும் முன்பே மஹிந்திரா நிறுவனம் தனது பழைய ஸ்கார்பியோ மாடல் ஸ்கார்பியோ கிளாசிக் எனும் பெயரில் தொடர்ந்து விற்பனை செய்யப்படும் என அறிவித்து இருந்தது.
இதையும் படியுங்கள்: பி.எம்.டபிள்யூ. உடன் சேர்ந்து புது எலெக்ட்ரிக் 2 வீலர் உருவாக்கும் டி.வி.எஸ். - வெளியான சூப்பர் தகவல்..!
அந்த வகையில், தற்போது வெளியாகி இருக்கும் தகவல்களின் படி மஹிந்திரா நிறுவனம் ஸ்கார்பியோ கிளாசிக் மாடலை முதலில் இரண்டு வேரியண்ட்களிலும் அதன் பின் மற்றொரு வேரியண்ட் அறிமுகம் செய்யப்படும் என தெரிகிறது. இதன் எண்ட்ரி லெவல் மாடல் S வேரியண்ட் என அழைக்கப்பட உள்ளது. இதன் டாப் எண்ட் மாடல் S11 என அழைக்கப்பட இருக்கிறது. புதிய ஸ்கார்பியோ கிளாசிக் மாடல் ஃபுல்லி லோடட் வேரியண்ட் ஆகும்.
இதையும் படியுங்கள்: ரூ. 11 லட்சம் விலையில் புது டுகாட்டி பைக் அறிமுகம் - என்ன ஸ்பெஷல் தெரியுமா?
மஹிந்திரா ஸ்கார்பியோ N மாடலின் விலை இந்திய சந்தையில் ரூ. 11 லட்சத்து 99 ஆயிரத்தில் துவங்குகிறது. அதன் படி புதிய ஸ்கார்பியோ கிளாசிக் மாடல் விலை ரூ. 10 லட்சம் பட்ஜெட்டில் இருந்து துவங்கும் என தெரிகிறது. மஹிந்திரா நிறுவனம் ஸ்கார்பியோ கிளாசிக் மாடலை 7 சீட்டர் மற்றும் 9 சீட்டர் வேரியண்ட்களில் கிடைக்கும் என கூறப்படுகிறது. இந்த மாடல் 140 ஹெச்.பி. பவர் வழங்கும் 2.2 லிட்டர் டீசல் என்ஜின் கொண்டிருக்கும் என தெரிகிறது.
இதையும் படியுங்கள்: அழகாய் உருவாகும் ஹூண்டாய் எலெக்ட்ரிக் கார்... அசத்தல் டீசர்கள் வெளியீடு..!
இத்துடன் 6 ஸ்பீடு மேனுவல் கியர்பாக்ஸ் வழங்கப்படும் கூறப்படுகிறது. இந்த கார் 4 வீல் டிரைவ் அல்லது ஆட்டோமேடிக் கியர்பாக்ஸ் ஆப்ஷன்களில் கிடைக்காது என கூறப்படுகிறது. ஸ்கார்பியோ கிளாசிக் மாடலில் ஏராளமான காஸ்மெடிக் மாற்றங்கள் செய்யப்படும் என தெரிகிறது. இதன் முன்புற பம்ப்பர் மற்றும் கிரில் புதிதாக வழங்கப்படும். ஸ்கார்பியோ N மாடலில் சிறிய கிரில் டிசைன் வழங்கப்பட்டு இருக்கிறது.
புதிய தலைமுறை மஹிந்திரா ஸ்கார்பியோ N விலை விவரங்கள்:
2022 மஹிந்திரா ஸ்கார்பியோ N Z2 பெட்ரோல் மேனுவல் ரூ. 11.99 லட்சம்
2022 மஹிந்திரா ஸ்கார்பியோ N Z2 டீசல் மேனுவல் ரூ. 12.49 லட்சம்
2022 மஹிந்திரா ஸ்கார்பியோ N Z4 பெட்ரோல் மேனுவல் ரூ. 13.49 லட்சம்
2022 மஹிந்திரா ஸ்கார்பியோ N Z4 டீசல் மேனுவல் ரூ. 13.99 லட்சம்
2022 மஹிந்திரா ஸ்கார்பியோ N Z6 டீசல் மேனுவல் ரூ. 14.99 லட்சம்
2022 மஹிந்திரா ஸ்கார்பியோ N Z8 பெட்ரோல் மேனுவல் ரூ. 16.99 லட்சம்
2022 மஹிந்திரா ஸ்கார்பியோ N Z8 டீசல் மேனுவல் ரூ. 17.49 லட்சம்
2022 மஹிந்திரா ஸ்கார்பியோ N Z8L பெட்ரோல் மேனுவல் ரூ. 18.99 லட்சம்
2022 மஹிந்திரா ஸ்கார்பியோ N Z8L டீசல் மேனுவல் ரூ. 19.49 லட்சம்
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது
சேனலை கிளிக் செய்து பின்தொடரவும்
