Asianet News TamilAsianet News Tamil

ஆஸ்திரேலியாவை 492 ஓட்டங்கள் வித்தியாசத்தில் வீழ்த்தியது தெ.அணி; இதுக்கு பேர் தான் மரண அடி...

Australia defeated Australia by 492 runs This is the death toll ...
Australia defeated Australia by 492 runs This is the death toll ...
Author
First Published Apr 4, 2018, 10:47 AM IST


ஆஸ்திரேலியாவை 492 ஓட்டங்கள் வித்தியாசத்தில் வீழ்த்தி 3-1 என்ற கணக்கில் டெஸ்ட் தொடரைக் கைப்பற்றி அசத்தியது தென்னாப்பிரிக்க அணி. 

தென்னாப்பிரிக்கா - ஆஸ்திரேலியா இடையே 4-வது டெஸ்ட் கிரிக்கெட் போட்டி ஜோகன்னஸ்பர்ஸ் நகரில் நடைபெற்றது. 

போட்டியின் ஐந்தாவது நாளான நேற்று வேகப்பந்து வீச்சாளர் பிலாண்டர் அதிரடி பந்து வீச்சால் ஆஸி அணி 119 ஓட்டங்களுக்கு அனைத்து விக்கெட்டுகளையும் இழந்தது.  21 ஓட்டங்களுக்கு 6 விக்கெட்டுகளை வீழ்த்திய பிலாண்டர் தனது 54-வது டெஸ்ட் போட்டியில் 200-வது விக்கெட்டையும் வீழ்த்தினார். 

4-வது டெஸ்டின் முடிவில் தென்னாப்பிரிக்க அணி முதல் இன்னிங்ஸில் 488 ஓட்டங்களும், இரண்டாவது இன்னிங்ஸில் 344/6 (டிக்ளேர்) பெற்றிருந்தது. அதிகபட்சமாக டூப்பிளெசிஸ் 120 ஓட்டங்கள், டீன் எல்கர் 81 ஓட்டங்களை எடுத்தனர். 

ஆஸி தரப்பில் பேட் கம்மின்ஸ் அதிகபட்சமாக 4 விக்கெட்டுகளை வீழ்த்தினார்.

ஆஸ்திரேலிய அணி முதல் இன்னிங்ஸில் 221 ஓட்டங்களையும், இரண்டாவது இன்னிங்ஸில் 119 ஓட்டங்களையும் மட்டுமே எடுத்தது. ஆஸி அணி தரப்பில் ஜோபர்ன்ஸ் மட்டுமே அதிகபட்சமாக 42 ஓட்டங்களை எடுத்தார். 

தென்னாப்பிரிக்கா தரப்பில் பிலாண்டர் 21 ஓட்டங்களை மட்டுமே கொடுத்து 6 விக்கெட்டுகளை வீழ்த்தினார். இந்தப் போட்டியின் சிறந்த வீரராக பிலாண்டரும், டெஸ்ட் தொடரின் சிறந்த வீரராக காகிஸா ரபாடாவும் தேர்வு செய்யப்பட்டனர்.

தென்னாப்பிரிக்க அணி கடந்த 1969 - 70-ஆம் ஆண்டுக்கு பின் தனது சொந்த மண்ணில் முதன்முறையாக டெஸ்ட் தொடரில் ஆஸ்திரேலியாவை வீழ்த்தி வெற்றி பெற்றுள்ளது.

Follow Us:
Download App:
  • android
  • ios