டி20 உலக கோப்பை: இலங்கையின் கையில் ஆஸ்திரேலியாவின் குடுமி..! புள்ளி பட்டியல் அப்டேட்
டி20 உலக கோப்பையில் ஆஸ்திரேலிய அணி அரையிறுதிக்கு முன்னேறுவது முன்னேறாததும் இலங்கையின் கையில் உள்ளது. சூப்பர் 12 சுற்றின் க்ரூப் 1 மற்றும் க்ரூப் 2 புள்ளி பட்டியலை பார்ப்போம்.
 )
Followடி20 உலக கோப்பை கிரிக்கெட் தொடர் சுவாரஸ்யமான கட்டத்தில் உள்ளது. சூப்பர் 12 சுற்று இறுதிக்கட்டத்தை எட்டியுள்ளது. சூப்பர் 12 சுற்றில் க்ரூப் 1 மற்றும் க்ரூப் 2லிருந்து தலா 2 அணிகள் வீதம் 4 அணிகள் அரையிறுதிக்கு முன்னேறும்.
க்ரூப் 1ல் நியூசிலாந்து அணி 7 புள்ளிகளுடன் அரையிறுதிக்கு முன்னேறிவிட்டது. நியூசிலாந்து அணியின் நெட் ரன்ரேட் +2.113 என்பதால் முதல் அணியாக நியூசிலாந்து அரையிறுதிக்கு முன்னேறிவிட்டது. ஆஃப்கானிஸ்தானை வீழ்த்திய ஆஸ்திரேலிய அணியும் 7 புள்ளிகளை பெற்று புள்ளி பட்டியலில் 2ம் இடத்தில் உள்ளது. ஆனால் ஆஸ்திரேலிய அணி அரையிறுதிக்கு முன்னேறுவது உறுதியல்ல. ஏனெனில் நாளை இங்கிலாந்து - இலங்கை இடையே நடக்கும் போட்டியில் இங்கிலாந்து அணி வெற்றி பெற்றால் இங்கிலாந்தும் 7 புள்ளிகளை பெறும். ஆனால் ஆஸ்திரேலியாவை விட இங்கிலாந்து அணியின் நெட் ரன்ரேட் அதிகமாக உள்ளது.
டி20 உலக கோப்பை: ஆஸ்திரேலியாவிற்கு பயத்தை காட்டிய ரஷீத் கான்.. போராடி வென்ற ஆஸ்திரேலியா..!
எனவே நாளை சிட்னியில் நடக்கும் இங்கிலாந்து - இலங்கை இடையேயான போட்டியில் இங்கிலாந்து அணி வெற்றி பெற்றால் அரையிறுதிக்கு முன்னேறும். இலங்கை அணி வெற்றி பெற்றால் ஆஸ்திரேலிய அணி அரையிறுதிக்கு முன்னேறும். எனவே ஆஸ்திரேலிய அணியின் குடுமி இலங்கையிடம் உள்ளது.
க்ரூப் 2ல் இந்திய அணி 6 புள்ளிகளுடன் முதலிடத்தில் இருக்கும் நிலையில், கடைசி போட்டியில் ஜிம்பாப்வேவை வீழ்த்திவிடும் என்பதால் 8 புள்ளிகளுடன் இந்திய அணி அரையிறுதிக்கு முன்னேறிவிடும். 5 புள்ளிகளை பெற்றுள்ள தென்னாப்பிரிக்க அணி கடைசி போட்டியில் நெதர்லாந்தை எதிர்கொள்வதால் கண்டிப்பாக தென்னாப்பிரிக்கா ஜெயித்துவிடும். எனவே 7 புள்ளிகளுடன் தென்னாப்பிரிக்காவும் அரையிறுதிக்கு முன்னேறிவிடும்.
4 போட்டிகளின் முடிவில் 4 புள்ளிகளை பெற்றுள்ள பாகிஸ்தான் அணி, கடைசி போட்டியில் வங்கதேசத்தை வீழ்த்தினாலும் கூட 6 புள்ளிகளைத்தான் பெறும். ஒருவேளை பாகிஸ்தான் ஜெயித்து, இந்தியா ஜிம்பாப்வேவிடமோ அல்லது தென்னாப்பிரிக்கா நெதர்லாந்திடமோ தோற்றால் பாகிஸ்தான் அரையிறுதிக்கு முன்னேற வாய்ப்புள்ளது. ஆனால் அது இரண்டுமே நடக்காது.
சேனலை கிளிக் செய்து பின்தொடரவும்
