சஞ்சு சாம்சனை மறைத்தாரா சுப்மன் கில்? டி20 உலகக்கோப்பை படத்தால் சர்ச்சை.. சிஎஸ்கே ரசிகர்கள் ஆவேசம்!

டி20 உலகக்கோப்பையின் குரூப் போட்டிகளில் சஞ்சு சாம்சன் சரியாக விளையாடவில்லை என்றாலும், சூப்பர் 8 சுற்றிலிருந்து கம்பேக் கொடுத்தார். தொடர்ந்து மூன்று அரைசதங்கள் அடித்து, இந்தியா கோப்பை வெல்ல முக்கிய காரணமாக இருந்தார்.

Image Credit : Instagram

சுப்மன் கில் பகிர்ந்த போட்டோ

டி20 உலகக்கோப்பையை வென்ற இந்திய அணியின் போட்டோ ஒன்றை, இந்திய டெஸ்ட் மற்றும் ஒருநாள் அணியின் கேப்டன் சுப்மன் கில் சோஷியல் மீடியாவில் பகிர்ந்தார். அது இப்போது பெரிய சர்ச்சையாகி இருக்கிறது. அதாவது கேப்டன் சூர்யகுமார் யாதவ், சக வீரர்களுடன் கோப்பையை உயர்த்திப் பிடிக்கும் அந்த போட்டோவைதான் கில் பகிர்ந்திருந்தார்.

Image Credit : Getty

கில் இந்த போட்டோவை தேர்வு செய்தது ஏன்?

ஆனால், அந்த போட்டோவில் சஞ்சு சாம்சன் மற்றும் ரிங்கு சிங்கின் முகங்கள் தெளிவாகத் தெரியவில்லை. அவர்கள் பின்னால் மறைந்துவிட்டனர். எல்லா வீரர்களின் முகமும் தெளிவாகத் தெரியும் எத்தனையோ போட்டோக்கள் இருக்கும்போது, கில் ஏன் இந்த போட்டோவை தேர்ந்தெடுத்துப் போட்டார்? என்று ரசிகர்கள் கமென்ட் பாக்ஸில் கேள்வி எழுப்பி வருகின்றனர்.

Image Credit : ChatGpt

கில் நீக்கத்தால் இடம்பிடித்த சஞ்சு சாம்சன்

டி20 உலகக்கோப்பைக்கு முன்பு வரை, இந்திய டி20 அணியின் ஓப்பனராகவும், துணை கேப்டனாகவும் இருந்தவர் கில். அவருக்காக சஞ்சு சாம்சன் மிடில் ஆர்டருக்கு மாற்றப்பட்டார். ஆசிய கோப்பையிலும் இது தொடர்ந்தது. பின்னர், சஞ்சுவுக்கு ப்ளேயிங் லெவனில் இடமே கிடைக்கவில்லை. ஆனால், கில் சரியாக விளையாடாததால், உலகக்கோப்பைக்கு சற்று முன்பு அவர் துணை கேப்டன் பதவியிலிருந்து நீக்கப்பட்டார். நியூசிலாந்துக்கு எதிரான ஒருநாள் தொடர் மற்றும் டி20 உலகக்கோப்பையில் சஞ்சு மீண்டும் ஓப்பனராக களமிறக்கப்பட்டார்.

Image Credit : Getty

சுப்மன் கில்லின் தவறில்லை

உலகக்கோப்பையின் குரூப் போட்டிகளில் சஞ்சு சரியாக விளையாடவில்லை என்றாலும், சூப்பர் 8 சுற்றிலிருந்து கம்பேக் கொடுத்தார். தொடர்ந்து மூன்று அரைசதங்கள் அடித்து, இந்தியா கோப்பை வெல்ல முக்கிய காரணமாக இருந்தார். தொடர் நாயகன் விருதையும் வென்றார். சுப்மன் கில் இதை வேண்டுமென்றே செய்திருக்க மாட்டார் என்றாலும், தொடர் நாயகனாக தேர்வு செய்யப்பட்ட சஞ்சு சாம்சன் தெளிவாகத் தெரியும் பல போட்டோக்கள் இருந்தும், இந்த குறிப்பிட்ட போட்டோவை கில் பகிர்ந்ததுதான் ரசிகர்களின் கோபத்திற்குக் காரணம். ஆனால் சிலர் 'கில் இதையெல்லாம் கவனித்திருக்க மாட்டார். சஞ்சு அந்த போட்டோவில் பின்னால் இருக்கிறார் அல்லவா?' என்று கில்லுக்கு ஆதரவாகவும் பேசி வருகின்றனர்.