இந்த போட்டியில், அபிஷேக் வெறும் 18 பந்துகளில் அரைசதம் கடந்தார். இதன்மூலம், ஐபிஎல் தொடரில் 20 பந்துகளுக்கும் குறைவாக ஐந்து முறை 50 ரன்கள் அடித்த உலகின் முதல் வீரர் என்ற சாதனையை அவர் படைத்தார்
ஐபிஎல் 2026 தொடரில் சன்ரைசர்ஸ் ஹைதராபாத் அணிக்கு எதிரான போட்டியில், பஞ்சாப் கிங்ஸ் அணி 6 விக்கெட் வித்தியாசத்தில் அபார வெற்றி பெற்றது. பிரப்சிம்ரன் சிங், பிரியான்ஷ் ஆர்யா மற்றும் கேப்டன் ஷ்ரேயாஸ் ஐயர் ஆகியோரின் அதிரடி அரைசதங்களால், 220 ரன்கள் என்ற இமாலய இலக்கை பஞ்சாப் அணி எளிதாக சேஸ் செய்தது. இதன் மூலம், ஐபிஎல் தொடரில் 200 ரன்களுக்கு மேல் 10-வது முறையாக சேஸ் செய்து பஞ்சாப் அணி புதிய சாதனை படைத்துள்ளது.
ஷ்ரேயாஸ் ஐயர் அதிரடி
முதலில் பேட்டிங் செய்ய களமிறங்கிய SRH அணி, 4 விக்கெட் இழப்பிற்கு 219 ரன்கள் குவித்தது. அபிஷேக் ஷர்மா (28 பந்துகளில் 74 ரன்கள், ஐந்து பவுண்டரிகள், எட்டு சிக்ஸர்கள்) மற்றும் டிராவிஸ் ஹெட் (23 பந்துகளில் 38 ரன்கள், ஐந்து பவுண்டரிகள், ஒரு சிக்ஸர்) ஆகியோரின் 120 ரன் பார்ட்னர்ஷிப் இதற்கு முக்கிய காரணமாக அமைந்தது. பின்னர், 220 ரன்கள் என்ற கடினமான இலக்கை துரத்திய பஞ்சாப் அணி, பிரியான்ஷ் ஆர்யா (20 பந்துகளில் 57 ரன்கள், ஐந்து பவுண்டரிகள், ஐந்து சிக்ஸர்கள்), பிரப்சிம்ரன் சிங் (25 பந்துகளில் 51 ரன்கள், நான்கு பவுண்டரிகள், நான்கு சிக்ஸர்கள்) மற்றும் கேப்டன் ஷ்ரேயாஸ் ஐயர் (33 பந்துகளில் 69* ரன்கள், ஐந்து பவுண்டரிகள், ஐந்து சிக்ஸர்கள்) ஆகியோரின் மிரட்டலான ஆட்டத்தால் 18.5 ஓவர்களிலேயே இலக்கை எட்டி வெற்றி பெற்றது.
Related Articles
அபிஷேக் சர்மா சாதனை
இந்த போட்டியில், அபிஷேக் வெறும் 18 பந்துகளில் அரைசதம் கடந்தார். இதன்மூலம், ஐபிஎல் தொடரில் 20 பந்துகளுக்கும் குறைவாக ஐந்து முறை 50 ரன்கள் அடித்த உலகின் முதல் வீரர் என்ற சாதனையை அவர் படைத்தார். ஐசிசி டி20 பேட்டிங் தரவரிசையில் (ICC Men's T20 Rankings) உலகின் நம்பர் ஒன் வீரராக இருக்கும் அபிஷேக், தனது தகுதியை மீண்டும் ஒருமுறை நிரூபித்துள்ளார்.
பஞ்சாப் கிங்ஸ் கேப்டன் ஷ்ரேயாஸ் ஐயர் பந்துவீச்சாளர்களை மாற்றி மாற்றிப் பயன்படுத்தியும், அபிஷேக்கின் அதிரடியை யாராலும் கட்டுப்படுத்த முடியவில்லை. ஹைதராபாத் அணி 5.5 ஓவர்களிலேயே 100 ரன்களை எட்டியது. ஐபிஎல் வரலாற்றில் ஒரு அணி ஆறு ஓவர்களுக்குள் 100 ரன்களைக் கடப்பது இது ஐந்தாவது முறையாகும். இதில் ஹைதராபாத் அணி மட்டுமே மூன்று முறை இந்த சாதனையைச் செய்துள்ளது.
அபிஷேக் - ஹெட் ஜோடி சாதனை
ஹைதராபாத் அணியின் ஓப்பனிங் ஜோடியான அபிஷேக் மற்றும் டிராவிஸ் ஹெட் ஐபிஎல் தொடரில் ஐந்தாவது முறையாக 100 ரன்களுக்கு மேல் பார்ட்னர்ஷிப் அமைத்தனர். இதன் மூலம், ஷிகர் தவான் - டேவிட் வார்னர் மற்றும் ஜானி பேர்ஸ்டோ வார்னர் ஜோடிகளின் சாதனையை இவர்கள் சமன் செய்துள்ளனர். மேலும், ஒரே ஐபிஎல் சீசனில் அதிக முறை 100 ரன்களுக்கு மேல் ஓப்பனிங் பார்ட்னர்ஷிப் அமைத்த ஃபாஃப் டு பிளெசிஸ் மற்றும் விராட் கோலி ஆகியோரின் சாதனையையும் அபிஷேக் - ஹெட் ஜோடி சமன் செய்துள்ளது.
