நின்னு நிதானமாக ஆடிய அருண் கார்த்திக், என்.எஸ்.ஹரிஷ்; நெல்லை 159 ரன்கள் குவிப்பு!
திண்டுக்கல் டிராகன்ஸ் அணிக்கு எதிரான போட்டியில் நெல்லை ராயல் கிங்ஸ் அணி முதலில் ஆடி 159 ரன்கள் குவித்துள்ளது.
Followதமிழ்நாடு பிரீமியர் லீக் தொடர் தற்போது இறுதி கட்டத்தை எட்டியுள்ளது. எட்டு அணிகள் இடம் பெற்ற இந்த தொடரில் தற்போது 6 போட்டிகளில் விளையாடிய லைகா கோவை கிங்ஸ் அணி 5 போட்டியில் வெற்றி பெற்று புள்ளிப்பட்டியலில் முதலிடம் பிடித்து பிளே ஆஃப் சுற்றுக்கு தகுதி பெற்றுள்ளது.
இதற்கு மாறாக பா11சி திருச்சி அணி 5 போட்டிகளில் விளையாடி 5 போட்டியிலும் தோல்வி அடைந்து முதல் அணியாக தொடரிலிருந்து வெளியேறியுள்ளது. இன்னும் 2 போட்டிகளில் விளையாட இருக்கிறது. இந்த நிலையில் இன்றைய 23 ஆவது லீக் போட்டியில் திண்டுக்கல் டிராகன்ஸ் அணியும், நெல்லை ராயல் கிங்ஸ் அணியும் மோதின.
சச்சின் ரதி வேகத்தில் காலியான ஓபனிங்ஸ் – சேலம் ஸ்பார்டன்ஸ் 8 ரன்களில் வெற்றி!
இதில், டாஸ் வென்ற திண்டுக்கல் டிராகன்ஸ் அணி முதலில் பவுலிங் தேர்வு செய்தது. அதன்படிம் முதலில் ஆடிய நெல்லை ராயல் கிங்ஸ் அணியின் தொடக்க வீரர் ஸ்ரீ நிரஞ்சன் 6 ரன்களில் ஆட்டமிழந்து வெளியேறினார். கேப்டன் அருண் கார்த்திக் நிதானமாக விளையாடி 33 பந்துகளில் 39 ரன்கள் சேர்த்தார். மற்ற வீரர்கள் சொற்ப ரன்களில் ஆட்டமிழக்க, என் எஸ் ஹரிஷ் 21 பந்துகளில் 34 ரன்கள் சேர்த்து கடைசி வரை ஆட்டமிழக்காமல் இருந்தார்.
சன்னி சந்து அதிரடி: சேலம் ஸ்பார்டன்ஸ் 155 ரன்கள் குவிப்பு!
இறுதியாக நெல்லை ராயல் கிங்ஸ் அணி 20 ஓவர்களில் 7 விக்கெட் இழந்து 159 ரன்கள் மட்டுமே எடுத்துள்ளது. பந்து வீச்சு தரப்பில் திண்டுக்கல் டிராகன்ஸ் அணியில் சுபோத் பதி மற்றும் மதிவாணன் ஆகியோர் தலா 2 விக்கெட்டுகள் கைப்பற்றினர். கிஷோர் மற்றும் வருண் சக்கரவர்த்தி ஆகியோர் தலா ஒரு விக்கெட்டுகள் கைப்பற்றினர்.
ஃபர்ஸ்ட் ஓவரிலேயே 4 விக்கெட் வீழ்த்தி சாதனை படைத்த ஷாகின் அப்ரிதி!
சேனலை கிளிக் செய்து பின்தொடரவும்
