ஷிவம் துபே, தோனியின் அதிரடி சிக்ஸர்கள்: டீசண்டான ஸ்கோர் எடுத்த சிஎஸ்கே!
டெல்லிக்கு எதிரான போட்டியில் சென்னை சூப்பர் கிங்ஸ் அணி 20 ஓவர்கள் முடிவில் 8 விக்கெட் இழப்பிற்கு 167 ரன்கள் குவித்துள்ளது.
Followஐபிஎல் கிரிக்கெட் திருவிழா விறுவிறுப்பாக நடந்து வருகிறது. இதில் ஒவ்வொரு அணியும் பிளே ஆஃப் சுற்றுக்கு தகுதி பெறுவதற்கு போராடி வருகின்றன. தற்போது நடந்து வரும் சென்னைக்கு எதிரான போட்டியில் கூட கடைசி இடத்தில் 8 புள்ளிகளுடன் இடம் பெற்றுள்ள டெல்லி கேபிடல்ஸ் அணிக்கு எஞ்சிய 4 போட்டிகளில் தொடர்ந்து வெற்றி பெற்றால் பிளே ஆஃப் வாய்ப்பு கிட்டும். ஆனால், ஒரிரு போட்டிகளில் தோற்றால் தொடரிலிருந்து வெளியேற வேண்டியது தான்.
டெஸ்ட் மாதிரி விளையாடும் சிஎஸ்கே; வர்றாங்க, போறாங்க; ஒரு சிக்ஸர் கூட இல்ல!
சென்னை மற்றும் டெல்லி அணிகளுக்கு இடையிலான 55ஆவது போட்டியில் டாஸ் வென்ற சென்னை சூப்பர் கிங்ஸ் அணியின் கேப்டன் எம்.எஸ்.தோனி பேட்டிங் தேர்வு செய்தார். அதன்படி, ருத்துராஜ் கெய்க்வாட் மற்றும் டெவான் கான்வே இருவரும் களமிறங்கினர். தொடக்கம் முதலே ஒவ்வொரு ரன்னாக எடுத்து வந்த நிலையில், அவ்வப்போது பவுண்டரியும் அடித்தனர். ஆனால், சிக்ஸர் மட்டுமே அடிக்கவில்லை. போட்டியின் 3ஆவது ஓவரை கலீல் அகமது வீசினார். டெவான் பேட்டிங் செய்து கொண்டிருந்தார். அப்போது பந்து அவரது பேட்டில் பட்டு கீப்பர் கைக்கு சென்றது. ஆனால், யாரும் அவுட் கேட்கவில்லை. ரெவியூவும் எடுக்கவில்லை. அப்போது கான்வே ஒரு ரன் மட்டுமே எடுத்திருந்தார்.
15 ஆண்டுகளுக்குப் பிறகு ஐபிஎல் வரலாற்றில் முதல் முறையாக பிளே ஆஃப் வாய்ப்பில் 10 அணிகள்!
எனினும், அவர் 10 ரன்களில் ஆட்டமிழந்தார். அடுத்து மற்றொரு தொடக்க வீரர் ருத்துராஜ் கெய்க்வாட் 24 ரன்களில் வெளியேறினார். அதன் பிறகு வந்த மொயீன் அலி எந்த தாக்கத்தையும் ஏற்படுத்தாத நிலையில் 7 ரன்களில் வெளியேறினார். முதல் 10 ஓவர்களில் சென்னை சூப்பர் கிங்ஸ் அணி 3 விக்கெட் இழப்பிற்கு 66 ரன்கள் மட்டுமே எடுத்திருந்தது. ஆனால், ஒரு சிக்ஸர் கூட அடிக்கவில்லை. மாறாக டெஸ்ட் போட்டிகளில் விளையாடுவதைப் போன்று சிஎஸ்கே வீரர்கள் விளையாடினர் என்பது குறிப்பிடத்தக்கது. அதன் பிறகு வந்த ஷிவம் துபே தன் பங்கிற்கு அதிரடியாக ஆடி 12 பந்துகளில் 3 சிக்ஸர்கள் உள்பட 25 ரன்கள் சேர்த்து ஆட்டமிழந்தார்.
இதையடுத்து ராயுடு ஒரு சிக்ஸர், ஒரு பவுண்டரியுடன் 23 ரன்களில் வெளியேறினார். அடுத்து வந்த ஜடேஜாவும் 21 ரன்களில் ஆட்டமிழக்க தோனி களமிறங்கினார். அவர், 19 ஆவது ஓவரில் மட்டும் 18 ரன்கள் குவித்தார். இறுதியாக தோனி 20 ரன்களில் வெளியேறினார். கடைசியாக 20 ஓவர்களில் சிஎஸ்கே அணி 8 விக்கெட் இழப்பிற்கு 167 ரன்கள் குவித்துள்ளது. பந்து வீச்சைப் பொறுத்த வரையில் டெல்லி கேபிடல்ஸ் அணியில் மிட்செல் மார்ஷ் 3 விக்கெட்டும், அக்ஷர் படேல் 2 விக்கெட்டும், கலீல் அகமது, லலீத் யாதவ் மற்றும் குல்தீப் யாதவ் ஆகியோர் தலா ஒரு விக்கெட் கைப்பற்றினர்.
ஆஸ்கர் ஹீரோக்களை சந்தித்த தோனி: நம்பர் 7 ஜெர்சியை கொடுத்து கௌரவப்படுத்திய சிஎஸ்கே!
சேனலை கிளிக் செய்து பின்தொடரவும்
